واخد جنب

[شاعر الحب الحزين]

في ليالي وحدتي تواسيني دمعتي

ظالماني دنيتي ضحكتي مش م القلب


من غدر الناس من قلة الإحساس

بعدت خلاص مع نفسي واخــد جنب


احكي ما بيسمعوني ابكي ما بينفعوني

ولو بعدت بيرجعوني بكلام حلو بس كدب


فراغ كبير بيقتلني أقل موضوع يشغلني

بضحك للي يقابلني وجوايا قايمة حرب


حاولت ارضي الجميع اسمع كلامهم واطيع

لقيتني لوحدي بضيع عشان من قلبي بحب


خدتني الوحدة ف حضنها ورتني سهرها وحزنها

حياتي قل وزنها من كتر ما خدت على الذنب


الاقي فين حد يفهمني اهرب فين م اللي بيظلمني

مبقاش في حد يكلمني مبقاش فاضللي غيرك يارب


قربني منك واشفي العلل خلصني من يأس وملل

احيي ف قلبي حب الأمل برحمتك يسهل كل صعب


من زمان وانا بقول نصيب ارضى بجرحي ويرفض يطيب

لو لدعواتي يارب تستجيب مش هحتاج دواء ولا طــب


اسعد برضاك كل قلب حزين واملا قلوبنا لطاعتك حنين

اصلح حال الأمة وكل المسلمين واجمع بينهم بكل حب




شـــــــــــــــــــــــــــــــــــــــــ . حــــــــــــــــــــــــــــــــــــــــ

[توحد ارواح]

آمين

نص جدا جميل

استمتعت بقراءته


سلمت والنبض شاعرنا

[Abdallah]

جميل جدا و تسلم ايديك .

[دمعه حائره]

أمين يارب يسمع منك تسلم خالد ابدعت

[رنوش روشي]

ربنا يسعدك ويكتب ليك الخير

[العاشق الذى لم يتب]

ماابدعك ايها الخالد
ومااجمل الهمس
لك منى السلام والتحية
وباقات النرجس

[Doaa Hammam]

اللهم آمين

أبدعت يا خالد

أجمل الامنيات والدعوات لك

[حـيـــــآة ❤]

اللهم آمين
ربنا يسعدك ويصلح حالك وكل المسلمين يارب
تسلم روحك

[يحيى الفضلي السودان]

الاما تشكي من طول الليالي
وتؤرق عينك نحو الحبيب

فهذه الدنيا كنه ماصبرت
فترجع منها انت كالغريب






جميل البوح

[شاعر الحب الحزين]

اقتباس المشاركة الأصلية كتبت بواسطة توحد ارواح آمين نص جدا جميل استمتعت بقراءته سلمت والنبض شاعرنا

الأجمل تواجدك الراقي أستاذه ندى

ربي يسلم نبض قلبك يارب

اسعدتيني بتواجدك الخلوق القيم

ربي يوفقك ويسعدك