بحبك يا هبله

[(طائر الشرق)]

بحبك يا هبله بحــــبك يا هبله والحـــــب فـ حــــياتنا زى الشطه يكفينى وجــــودك أنتى فـ حــــياتى أجــــمل غلطه ملهلبانى خلتينى قــــطــــر واقـــف فـــكـــل محطه بدور عـــلـــى قُـــــــربك شــايل فـــــى أيدى شنطه فيها كــــل أسرارى وكمان جـــواها عـــلاج لجلطه صدقيــنى لـــو بأيدى أجبلك قصـــر أو حــــتى فله لـــكن أوعـــدك وأحـــلف أنــى ناوى أشتريلك دبله أشتريها مـــن حـــر مــالى لـــو كانت هتربيلى عله ونعــيش خـطـــوبه جـــميلة نكيد الأعـــادى والشله وصـــالحـــك كــفايه عـــليا نكــد يا حبيبتى يا جبله وبعدهــــا يحلها ربنا ونتلم أنا وأنتى فـــى أى تُربه ونخلف بنين وبنات وكمل حياتى مـع واحــده هبله أصل الجواز فى بلدى مش مزمار ورقاصه وطبله دى قصة عـــنوانها الشيب والــهم قـبل ليله الدخله وبحبك يا هبله

[ايمان طلعت]

كلمات رائعه ساخرة
جسدت واقع مرير للشباب
الله يكون في العون

تحياتي

[توحد ارواح]

نص جميل يفوح منه خفة الظل

اهلا بقلمك الراقى اخى

بانتظار جديدك

[شاعر الحب الحزين]

كلمات واقعية جدا

أسلوب مناسب للمعنى المراد توصيله

رائع أنت يا طائر الشرق أبدعت حقا بروعة التعبير

وطريقة عرض الموضوع بالأسلوب المناسب

كل الشكر والتقدير لك عصام

ربي يوفقك ويسعدك

[فداااااااااااء]

واقع مأساوى للشباب ..سخرية تعبر عنه
ولكن نأمل ان يتغير للافضل

سلمت اخ الكريم ودام عطاءك

[السفيره عزيزه]

بالعكس بقه البت ال توافق على
ظروف مثل دي بتكون عقله وزينة العقل كمان.
وعلى فكره ممكن ترضي من غير دبله.
وممكن كمان توافق باقل حاجه ماهو
الوضع عليها وعليك ..

ولسه هتشوفوا مصر.

[دمعه حائره]

الله عليك مبدع وبكل بساطه وصلت الفكره
تسلم اخى لاتحرمنا من جديدك

[نجاة حسام]

بس بس هبله وشطه وهم وتربه حب ايه ده
هى تبقى هبله لو سكتت بقا على كل ده
ههههه بدل متقولها ياحته منى ياكل عمرى تبهدلها كده

يلا ربنا يوفقك وهى تاخد حقها بقى يارب انا بهدى النفوس بس