بتبكي عليا

[شاعر الحب الحزين]

بتبكي عليا بين نفسك وبينك

وقدامي تداري الدمع ف عينك

باينة ف عنيكي دموع الندم

هاينة عليكي اهاتك والألم

قلبي بريء قلبك هو المتهم

كل مشاعر الحب رافضة فعلك وبتدينك

ظلمتي قلبك ولسه بتداري حبك وحنينك

بعد ما خسرتيني وفقدتي الأمل

اتغير تعاملك مالياكي الحيرة والملل

إنتي اللي حكمتي على حبنا بالفشل

بصدك ليا بكدبك عليا بعصيانك وطاعة شياطينك

ده انا كنت بحبك كنت اقرب لقلبك من قرينك

مبسوطة دلوقت إني عشت ف حب تاني

ضحكتك مش هي دي ضحكة قلب بيعاني

مقدرش اسيبها دي سابت كل الدنيا عشاني

تشبهك جدا بحبها جدا انا آسف م اقصدش اهينك

انا كنت فاكر إنها إنتي بس في الحقيقة فين هي وفينك



هي إنتي يا حبيبتي هو انا اقدر احب بعدك

هي اللي بتفضل جنبي وقت عنادك وبعدك

صورتك اللي راسمها ف خيالي

قلبها حاببني وحبي عنده غالي

واهي ساعدتني اوصل لقلبك الخالي

بانت محبتك قالت دمعتك قد ايه انا غالي عندك

زادت غلاوتك اختفت قساوتك من القلب طلع ردك

يا حلاوتك لما ضحكتي ضحكت الغمازة فوق خدك

لا صورة ف خيالي تاخدني منك

ولا أي سبب يبعدني ف يوم عنك

ولا دمعة تبكيها عليا اطمني أنا جنبك وليكي لوحدك



شـــــــــــــــــــــــــــــــــ . حــــــــــــــــــــــــــــــــــ

[السفيره عزيزه]

طيب خير .
انا فكرت انك بعتها ورحت وغبت عنها
وعندت ونويت تصدها لكن يااااااابختها

لسه هي فى قلبك وانت فى قلبها
وكمان حبها لا مثيل له من ادها

ولا حد جاي ولاحد دخل القلب بعدها
وهي وبس والامر لله يلا افرح بها


دمت بخير يارب

[رنوش روشي]

ههههههههههههههههههههاي وماله

[العاشق الذى لم يتب]

بشرة خير
وهو اجمل من بكاء الحبيب على حبيبه
دوما مبدع خلود
ليك روائع متجددة وراقية
اسعدك الله اخى الغالى
وسلمت ودام لناقلمك الغالى

[Abdallah]

كلام جميل و احساس راقى
تسلم ايديك .

[دمعه حائره]

مااجمل كلماتك والاحساس فيها
تسلم خالد ديما مبدع

[يحيى الفضلي السودان]

بالدهب بكتب خطابك ***ومن دماي الفي عروقي

فرحة الاحباب هي لهفة ***وانت مناي وكل شوقي

لو اغيب كل ليلي احلم ***انت دنيايا وعشوقي

الامل صبر قوبنا ***تهنئ في دنياي تروقي

صاحب الاحساس رهافة ***كالعقد لجيدي طوقي


جميل يا حبة عيني ولكل قراءك تحية

[حـيـــــآة ❤]

حلوه النهايه جداا غير متوقعه
تسلم ايدك ورروحك. خالد روعه

[سما سمسم]

تسلم يدك

[Fatma eissa]

جميل مهي يحصل بينك وبين
حبيبك
يفضل مكونه موجود
ولاشخاص الكويسه
بنعرف قيمتهم لما يروحو
مننا
تسلم ايدك ياشاعرنا علي
هذا لابداع