لو اتحطيت فى موقف زى ده هتعمل ايه ؟؟؟

[عاشق متيم]

السلام عليكم و رحمه الله و بركاته
الأنسان بطبيعته بينسى ! فبسبب النسيان ده ممكن
نتحط فى مواقف محرجه أو تحط غيرك فى موقف محرج ! من المواقف دى أنك تقابل شخصك يعرفك
وأنت ناسيه ! انا مريت بموقف زى ده من فتره قريبه كنت فى مكان وقاعد مع اصدقاء وجه واحد سلم عليا بس الكارثه انى مش فاكر اسمه لأنى بقالى فتره مش شفته وحاولت اخرج من الموقف بكلمه زى حبيبى واتحلت المشكله . ايام الجامعه كان لنا صديق طيب جدااا ومؤدب لدرجه لا توصف وكان معانا ف المدرسه اسمه محمد فأحد اصدقائنا اللى عرفناهم فى الجامعه اسمه بلال اقترح انه يعمل فيه مقلب وصديق ليا اسمه اسلام وافق وقال له على طريقه المقلب اننا نجيب حد يوهمه أنه يعرفه وفعلا بلال اتفق مع واحد اسمه ياسين من كليه تجارة وصاحب بلال واسلام لأنه صديقنا من ايام المدرسه حكى لبلال وياسين موقف لمحمد ايام المدرسه ،
كان عندنا مدرس انجليزى فى إعدادى غريب كان يسأل سؤال ولو حد معرفش اللى يعرف بعده يضرب اللى معرفش بالقلم ، فجاء الدور على زميل لنا اسمه على فسأله will بيجى بعدها ايه فمعرفش ، فسأل فتوح فمعرفش ، فسأل محمد صديقنا فقال له المصدر فقال له اضربهم بالقلم فرفض ،قال له لو مش ضربتهم هيضربوك فرفض برده ، فقال المدرس لعلى وفتوح اضربوه فضربوه ، وبعد كده خلى على وفتوح يطلعوا على السبورة وحلى الفصل كله بضربهم ، فياسين عرف الموقف واسلام وراه صور لمحمد ودخل علينا ياسين خدنى بالحضن وانا بمثل انى اعرفه وحضن اسلام اللى بيمثل وبيسلم على محمد فبيقول له انت مين فعملنا كلنا مستغربين فاسلام قال له مش فاكر احمد قاله لأ ! فياسين تقمص الدور ومثل انه احمد وحكى الموقف بتاع المدرسه وعمل أنه ذعلان فمحمد اتحرج واعتذر انه مش فاكر وراح جاب ساندوتشين بطاطس وكانز لياسين على أساس أنه يصالحه ولما عرف انه مقلب ذعل مننا ومش كان بيكلمنا بس اتصالح فى الاخر ..

هل اتحطيت فى موقف زى ده وقابلت حد تعرفه ومش فاكره ؟
لو مريت بموقف زى كده هتعمل ايه ؟؟

[حـيـــــآة ❤]

محرج جدا اللي زي المواقف دي
انا مره اتقابلت بمدرسه كانت بتدرسني مفتكرتهاش شفتها بصدفه
بس محصلش احراج اوي يعني
والله النسيان من صفاتنا وكلنا بننسي بذات لو عدي فتره كبيره ع الحدث
بس افتكر لو عديت بحاجه زي دي ممكن اقول اني مش فاكره عادي
فضفضه جميله جدا أستاذنا
تسلم

[bobaOo]

ماافتكرش محدش مر بالموقف ده ..

انا عادي هقول مش فاكره فكريني بيكي وهيمشي الموضوع...

تسام ايدك

[يحيى الفضلي السودان]

دايما الشح في مواقف جمل

ونخند الله الزهايمر لم يعرفنا ونعرفه

هههههههههههههه

جميل الموضوع

[مارد الغضب]

عجبني قوي محمد صاحبك و موقفه النبيل
انا حصل معي موقف قريب من كده
واحد كل يوم اقابله و نسلم علي بعض بحرارة
و ف يوم سألني عن واحد صاحبنا و ببعض الكلام
عرف انني لا اتذكره فشعر هو بحرج شديد و كذلك
انا ...و عندما حكيت الموقف لاحد اصدقائي ذكرني
انه كان قد اعتكف معنا في رمضان سابق
الغريب اننيحاولت اتودد له بعد ذلك و لكنه كان يلقاني
بفتور
.
استمتعت بذكرياتك الجميلة
تحياتي لسموك

[توحد ارواح]

وعليكم السلام ورحمة الله

اكيد معظمنا بيقابل موقف زى كدا وبالفعل بيكون محرج جدا


وعن نفسى فيه موقف لغاية دلوقتى مش بنساه

اول اما دخلت الكليه لقيت واحده بتسلم عليا جامد وبحرارة

وتقولى ازيك وعامله ايه وتنادينى باسمى وكأنها عارفانى كويس جدا

وانا احاول افتكر اسمها مستحيل واما تكرر الموقف كذا مره وبتكلمنى بعشم جامد


والله كنت بكون محرجة جدا جدا منها ولكن من ذوقها معايا سألت صاحباتى وصاحباتهم

علشان اعرف اسمها وفعلا عرفته واخيرا ولاول مره حادثتها باسمها

واصبحنا اصدقاء جدا وبجد فرحت بصداقتها


فصفضه جميله
حضرتك نورت المنتدى أ/ عاشق متيم

[big bốss]

عادل حبيبي وحشتنى حمد الله ع السلامه

بتحط فى الموقف دا كل يوم

بقابل ناس فى الشغل اصدقاء و مش فاكر اسمهم

عادى يا عم جل من لا يسهو

لا تحرمنا من طلتك يا عادل

[نجاة حسام]

ههههههههههه اذا كان فى البيت الحاجه بتنده اسامى الكل لحد متوصل اسمى ههههههه تقولى انا هطلع افتكر حد عادى اسهل حاجه ازيك ياحبى وبتعدى

[دمعه حائره]

بالفعل حصلت معايا
شوفت صديقه من ايام المدرسة فاكره شكلها لكن اسمها لا
طبعا مشيت امورى حبيبتى وكده
وهى تحكى مواقف واقولها ايوة كانت ايام واضحك
وفى بالى اقول لامش انا ههههه
وخلص اللقاء ومش فاكره اسمها لسه
عودة مميزة اخى عادل

[^^khL oUD]

هههههههههههه حصلت معايا كتير واخر مره لسه م اسبوع
مااشيه انا وصحبتي ف الجامعه ف عدت واحده
بتسلم عليا واخدتني بالحضن والجو دا
وازيك ومش ازيك وانا اقولها تمام انتي عامله اي
وبعد م مشيت بقول لصحبتي مين دي هههههه
بس عادي بتحصل كتير دا زهايمر مبكر