بتمنى...

[مارد الغضب]

كل م اشوف الجوع
على وش طفل صومالى
ابكى بصوت موجوع
و كأنى شايف عيالى
ملعون ابوك يا طمع
قسيت قلوب الناس
و كأن كل البشر
معدومة الاحساس
و صوتى مهما عِلى
حيروح لفين و ل كام
و كأنى طالع جبل
متكتف الاقدام
نفسي حكيم البلد
يصحح الافهام
ابنى و ابنك اللى
فى الصومال مدبوح
بتمنى بسمة امل
تمحى خراب الروح
بتمنى كل البشر
تركب سفينة نوح
بتمنى اعيش فى وطن
ميكونشى فيه مجروح
و لا يبقى طفل صومالى
فى وشه بصة جوع

[توحد ارواح]

اقتباس بتمنى بسمة امل تمحى خراب الروح

تحيتى لجميل ما كتبت
سلمت والنبض

[رنوش روشي]

انت تجيب الصوماليين يعيشوا معانا في مصر ورزقي ورزقك على الله قشطه يا مارد بطلت تطلع عروض لفودافون ليه تخيل الطقم الاحمر هاهاها. ربنا معاهم اخي

[*فجر الاسلام*]

الله المستعان
ربنا يرحم الجميع ويفرجها
تسلم اخى على حروفك تحياتى

[فداااااااااااء]

والله يا اخى لما تشوف اللى اكرمهم الله بالمال الكثير ينفقونها على التفاهة لزدت تحسرا
وهم من المسلمين
على الرغم ان الاسلام حث المسلمين المقتدرين على مساعدة الفقراء ولكن لا نجد من يفعل ذلك الا من رحم ربي
سلمت اخى مارد ودام نبضك الجميل
احترامى

[bobaOo]

كلماتك الرائعه لمست الروح

عاشت ايدك اخي

[احساسى صحيح]

والله يا صاحبى احنا خلاص على وشك نكون زى ولاد العم الصومالين
والحال من بعضه
ربنا يستر علينا
تسلم يا مبدع على المعزوفة الجميلة

[حازم34]

تسلم يا فارس الكلمه


والكلام معقول في وصف ها الحال


الكلام بيطول

مبدع انت اخي الحبيب


وربك يعدل الحال ونبلغ الكمال ونهتم بالعيال ونعيش في راحه بال


يارب انتي تري الوضع وميل الحال


عدلها يارب لنا احنا والصومال


لك خالص التحيه والتقدير اخي الحبيب


اهلين اهلين اهلين

وهلا وغلا ومرحبتين

[الأميرة رودي]

والله فيه بلاد عربيه ومسلمة محتارين يبنوا ابراج فين تاني .
وبلاد تانيه تنفق الغالي والنفيس فى حروب ضد مسلمين
وبلاد شايفه وفاهمه وتقول وانا مالي.
ربنا معاهم ومعانا قادر يلطف بيهم ويفك كربهم

تعبير جميل ومؤثر
تسلم