متحف الفجـــر للكتابه

[*فجر الاسلام*]

ضاع من ادينا

اتمنينا وضاع من ادينا وكله فجاه انتهى قدام عنينا خدوا احلامنا وسابولنا الامنا وعشنا ايامنا فى ووحده تكوينا ليه طمعكوا جرحنا واذيتوا كمان روحنا طب سيبوا طموحنا مره يكبر فينا لكن حرمتونا وباديكوا ظلمتونا ولو حاولتوا تداوونا ولا شى هيراضينا فجر 17/11/2017

[*فجر الاسلام*]

روحت أصلى

السلام عليكم ورحمة الله وبركاته


موجود فى ايامك عايش على احلامك
مستنى نظرة حب تنور كل ظلامك

ماشى ومش شايف وبكره منه خايف
اتارى مافيش بكره وانا كنت مش عارف

طلعتى يا دنيا قصيره ليه بفراقى متاثره
سبتك وروحت اصلى لقيت وشوش متغيره

معرفش ايه المطلوب طيب عملت ايه ذنوب
انا فى حالى ولربى ماليش فى سكك ودروب

مـاسمعنيش ولا سمع صرخة طفل نفسه يعيش
عقله غاب وكله مـــات والسبب...مـــافيش

قتلونى ومن بلدى حرمونى
وجعوها هى قبل مايوجعونى

عدمونى قدام عنيها ومكملتش حلمى فيها
وصيتى يادنيا بلدى اطلبى من المولى يحميها


فجر
26/11/2017

[*فجر الاسلام*]

النسيان ببلاش

مافيش حد مابينساش
ده النسيان بقى ببلاش
بكره نبقى ماضى
والماضى مايتوصاش

قالوا هنبقى سنين

طلعوا كلهم كدابين

بقينا مجرد اسم

حتى صورتنا مش فاكرين

القلب العيب فيه

شاغل نفسه بس ليه

وهو عارف كل ده

وعارف اخرتها ايه

اخرتها محدش فاضله

الدنيا بتفـــرق كله

مهما كانوا حبايب

حتى لو كانوا ضله

مافيش حد مابينساش
ده النسيان بقى ببلاش
بكره نبقى ماضى
والماضى مايتوصاش

فجر
3/12/2017

[*فجر الاسلام*]

أنا المتهان

انا المتهان فى كل ركن من الاركان انا الميت المحسوب على الاحياء كأى انسان انا ف عشك المحبوس وحلمك ده كانه كابوس بفوق منه على الاوهام ومن حقيقتك انا ميؤوس انا المظلوم وعلى ارضك انا مهموم ادوق مرك اشوف ظلمك وبرضو كتـــوم انا الغـــريب حتى لو شافونى قـــريب حتى لو قولتى بصوتك انى ليكى اغلى حبيب وعايش جمبك وبعيد وحقى ضايع من التقييد وانتى شايفه وساكته كأنى صرت من العبيد انا الطيب الغلبان عشان كده انا الغلطان خلاص عرفت يابلدى فى كل مره انـــــا المتهــــــان فجر 9/12/2017

[*فجر الاسلام*]

عندنا شكوى

عندنا شكوى ياريت تسمعونا زى مابنسمعكم جايين نشتكيلكم منكم وجعتونا ومش قادرين نخاصمكم هجرتونا ولسه القلب يحنلكم سبتونا وبرضو نتمنى نقابلكم نستونا واحنا فاكرين ملامحكم بنشتكى قلوبنا ليكم وبنشتكى كمان قلوبكم هى بس ترجع لينا ووعد لننسا عيوبكم احكموا مره باللقا احكموا مره نشوفكم احكموا ببراءة حبنا من سجن خوفنا وخوفكم بلاش البعد المؤبد ماتحرموش قلوب مشتاقه لتفاصيلكم فجر 9/12/2017

[*فجر الاسلام*]

قائمة الاحياء

يعتقدون انها ضمن قائمة الاحياء
لكن فى الحقيقه هى قد ماتت
ودفنت فى مقابر الدنيا ايضا
كانت لا ترى تلك الحياه
وعندما ارادت ان تراها ببراءة قلبها وعفوية روحها
ماذا رات؟
رات احلام تأبى الاقتراب منها
رات عيون مليئه بالشر
وقد صفعتها ايادى البشر
واوجعها تقلبات القدر
بعضا مما حدث فقررت ان تعود
فعادت
لكن ليس كما كانت
فتاه لاترى فقط
بل لا ترى لا تسمع لا تتكلم
فبعد ان تهشمت روحها
اصبحت تنتظر ان يحييها الله
كما يُحْيِيالعظام وهى رميم

فجر
15/12/2017

[*فجر الاسلام*]

لسه بعدك روح

يا روح لسه بعدك روح

الفرح ليها مسموح

الوجع مش فيها

ماتستاهلش تانى جروح

ماتستاهلش تبكى عنيكى

ولا الحزن يقهر فيكى

لسه الامل موجود
ومن كل جرح يداويكى

روح جديده طلعيها

ليه فى الضلمه تخبيها

مدفونه بصممت جواكى

اوعى ابدا تنسيها

ياروح لسه بعدك روح

بالسعاده اكيد مليانه
بس فى الغيب لسه حيرانه

لسه معادها مجاش
بس فى القرب اكيد طمعانه


ياروح لسه بعدك روح

فجر
17/12/2017

[*فجر الاسلام*]

مابيجيش عليك
غير اقرب حد ليك
ولو يطول بلحظه
مش هيتردد ياذيك
ودايما بتلاقيه
بيضحك قدام عنيك
ويفهمك انه حبيبك
وعامل بيداويك
وهو داء مالوش دوا
ولا من نفسه هيحميك
ولو احتجته بيوم
هتلاقيه فجاه ناسيك
ولا عمره هيحس
ولا هيشوف اللى فيك
بالنهايه مافيش غيرك
اقرب منك ليك
فجر
2/2/2018

[*فجر الاسلام*]

بنتمنى والتمنى مابيتمناش
وبنفرح والفرح عمره مجاش
بنحكى ع السعاده
واتارى كلامنا مايسواش
عشان ف قلوبنا ولا يوم عاش
اتوهمنا بالفرح وطلع الوهم غشاش
يغشنا بحقيقه ماترحمناش
والدنيا بينا ماتتوصاش
اجبرت القلب ماينساش
ويختار سكه يمشى فيها ببلاش
لا حد يقدره ولا حد مايستغناش
لا امنيه تتحقق ولا حلم مايبعناش
ورسينا على مافيش
حتى مافيش ماقبلناش

فجر
17/3/2018

[*فجر الاسلام*]

ماتت روحى منذ زمن
بس جسدى مستنى لفة كفن
وعمرى كله ماعشتهوش
عشان مع روحى اندفن
والقلب نبضة بطئ
ومليان جرح وشجن
والموت مش هيبقى مفاجاة
فهو جوايا خلاص سكن

1/4/2018