متحف الفجـــر للكتابه

[*فجر الاسلام*]

يارب الكون
يارب الكون اسمعني
الدنيا دي بتخدعني
والظلم زاد فيها
والناس بتوجعني
.
يارب انت السند
وحواليا قل العدد
لو مااخدتش منك المدد
الذنب هيضيعني
.
ولو ضعت اروح لمين
ينقذ قلبي الحزين
يغفر ذنوب سنين
كانت عنك بتمنعني
.
لسه صوتي بيناديك
وروحي رايحه ليك
واملي دايما فيك
هو اللي بيرجعني
‏
فيارب الكون اسمعني

*فجر*
8/8/2018

[*فجر الاسلام*]

اداوى مين..
يوم مايغلبني العناد
وافكرتاني في البعاد
الاقي نفسي بأذي نفسي
وارجع اجدد المعاد
.
احس بالقرب ارتاح
بس فيه دايما جراح
ووابواب بنامقفوله
مالقتش ليها مفتاح
.
ولما احس بالفراق
القلب دايما يشتاق
ومايستحملش ثانيه
الاقيه يحن بالاشواق
.
انا قلبي اتقسم نصين
نصه وجع ونصه حنين
وتوهت انا بنهم
مابقتش عارفه اداوي مين
.
فجر
14/8/2018

[*فجر الاسلام*]

لبيك ربى...مسابقة الحج

يا بيتا بالعزة قد رفع وبأصوات التائبين ارتفع
لبيك ربي جئنا اليك امام بيتك لن ندع

فنحن العاشقون ف رحابك ها نحن نقف ع بابك
تركنا المال والاهل فقط لنرجو ثوابك

لبيك ربي جاء قلبي يرجو منك غفران ذنبي

لبيك ربي عاد اليك بعد ما قد ضل دربي

انا المشتاق رغم غفلتي قد جئت اعلن توبتي

علي عرفات وقفت ولم تتوقف دمعتي

فالشوق راح يلازمني وحب رسولك صار مني
وامام حضرته ,,,قد غاب الكلام عني

يا ارض الغالي الحبيب اريد ان اكون قريب

فكيف اعود بدون روحي وقلبي بجواره يطيب

فجر
19/8/2018

[*فجر الاسلام*]

فهمنا الطريقه

كدابين وفى الوهم عايشين
وهى دى الحقيقه

يوجعوك وتقرب منهم يخدعوك
وتشوف قلوبهم دى رقيقه

كانهم ملاك عايشين معاك
وهى وشوشهم مش بريئه

القسوه فيها والطمع ماليها
وبيغدروا كل دقيقه

ياريت يفهموا ويركزوا ويعرفوا
ان خلاص...فهمنا الطريقه

*فجــر*
22/8/2018

[*فجر الاسلام*]

رفقاً بنا

أيها الموت رفقاً بنا

لا تأخذ فجأه أراوحِنا

دعنا نستنشق عبير التوبه

لا نريد أن نرحل بذنوبنا

فلن ننتبه لأعمارنا

ونسينا الماضي بأسرارنا

فقد عانت القلوب

من قسوةٍ أضاعت أيامنا

من غفلةٍ زادت من همومِنا

ياروح مهلاً كوني بأجسادنا

لنحمل معنا ماقد يفيدنا

ولكن

جاءت سكرة الموت

لاتُقدم ولاتُؤخر أعمارنا

سنرحل هكذا بمفردنا

سنأخذ فقط اعمالنا

فكيف سيكون حالنا..؟

*فجر*

[*فجر الاسلام*]

النهايه قدرى

انا فى بداية عمرى
فوضت للمولى أمرى
لا أحمل يوماً هماً
لا أعرف ماهو قدرى
ربُ فى السماء لا يراه بصرى
أحببتهُ وامنت به رغم صغرى
حبه قد ملأ صدرى
حديقة خضراء هذه هى الجنه
سأسعى لأنالها فى قبرى
ولكن قد كانت قريبه
كقرب أنفاسى وأنا لم ادرى
كنت أظن أنى صغير
وأمامى سيطول عمرى
لكن الموت لا يعرف سناً
قد خذلتنى أحلامى
والنهاية كانت قدرى

[*فجر الاسلام*]

نفسي افهمِك

راضيه بيا ولا ايه شايفه ضلي من بعيد

قلبي ياتري بتسمعيه ولا قلبك بقي حديد

تملي دايما ناسيني وف القسوه ليه تاه

مابقاش يداويني اتعلم من الحياه

يوم ضدي ويوم معايا ويوم سامعه وشايفه

وحاسه باللي جوايا وايام مني خايفه

نفسي مره افهمك انا ايه بالنسبالك

مش عاوز اصدمك وامشي واسبهالك

ريحيني من العذاب ده انتي اغلي الحبايب

ده لوكل عاشق تاب انا ف عشقك لسه دايب

رجعيني ف احضانك نسيني اللي وجعني

ماتحرميني من حنانك نفسي قلبك ده يسمعني

ليه احس اني غريب وماليش فيكي مكان

وكل أملي الجرح يطيب وتداوي فيا الحرمان

تسدي فيا الجوع تكرميني ما انا ابنك

ولا اتكتب ابقي موجوع ومالاقيش حلو منك

ليه بس ف وجعك انا اشيلك كالعاده

هو انا بجد تبعك ولا عايش كده زياده؟


*فجر*

[*فجر الاسلام*]

ماتخافيــش

اكتبي
وكل جمله ارسمي
لو مهما حاولوا يسكتوكي
أنتي برضو اتكلمي
اضحكي
نوري حياتك بطلتك
وامسحي بإيدك دمعتك
ومهما كانت وحددتك
اصبري
وبطموحك اكبري
وبخيالك صوري اي حاجه تشوفيها
وماتخافيش إحلمي
ودوري
ع اي حد يرفعك
وسيبي اللي بيوجعك
ولو مالقيتي اللي يسمعك
لازم انتي تفهمي
ان محدش هيناديكي
مهما بكت عنيكي
ويوم ماانتي تتمسكي
هيسيبو هم ايديكي
فاتعلمي
انك مع ربك تتكلمي
هو اللى حاسس بحالك
مهما كنتي بتتألمي

*فجر*

[*فجر الاسلام*]

بلاش الغدر

يا دنيا باقيه عليا كده ليه
ولا شوفتى حلم فاضل قررتى تدمريه
ولا شعاع الامل ناويه خلاص تطفيه
بتخططيلى بس لايه
ايه تانى هتكمليه
وكل القصص منتهيه
وقلبى قربتى تقضى عليه
سبيلى نفس سبيلى روح تناديه
يمكن نبض الفرح يرجع تانى يحييه
سبيلى شعاع نور امشى طريقى بيه
ماتقضيش على كل حاجه
ده الوجع صعب حد يراضيه
مديلى ايدك انا طالبه الامان
وبلاش الخوف انسيه
حطيت بينى وبينك ميثاق
وعهد على قلبى ما تاذيه
اتمسكت بالوعد فاتمسكى
وبلاش الغدر ابعديه

*فجر*
13/9/2018

[*فجر الاسلام*]

صحصحى --- - منتديات بنات مصر
اسرقى منا الاجابه
وارميها فى وسط غابه
وسط وحوشك المفتريه
اللى تاكل الغلابه

كممى كل الأنفاس
وامحى طيبتك من الأساس
واللى يحاول يعمرك
اكسرى من ايده الفأس

طمنى كل غريب
واوهميه انه حبيب
وشيليه فوق راسك
وبعدى كل قريب

دفنتى ليه القلب الحزين
اللى حبك من سنين
وانتى بهجرك ضيعتيه
ورمتيه تحت الطين

الحال كده عاجبك
عايشه ازاى من غير قلبك
صحصحى قبل ماتفوقى
وماتلاقيش حد جنبك
.
*فجر*
20/9/2018