البنت الجريئه

[الأميرة رودي]

اقتباس المشاركة الأصلية كتبت بواسطة رنوش روشي احنا في عصر الانفتاح ولا انت ضد الانفتاح يا استاذ ملواني هاهاها حبيبتي ربنا يهدي الجميع ولو فضلتي مركزه بالموضوع دا نفسيتك انتي اللي هتتعب

هههههه كان اسمه بيومي أفندي مش ملواني
منوره بطلتك الحلوه يانوشا

[الأميرة رودي]

اقتباس المشاركة الأصلية كتبت بواسطة فداااااااااااء صحيح عزيزتى انه امر مؤسف تلك الفتيات يعتقدن ان ذلك يعطيهم نوع من اعجاب الشباب بهم ان الانحلال الاخلاقى اصبح امر متفشي بصورة محزنة كثيرا ما شعرت بالتعجب من تلك الالفاظ والتصرفات التى اراها فى اساليبهم وتعليقاتهم و المصيبة الكبرى انهم يفاخرون بها ويضحكون عليها وكانها شيء ممتع ولا يعلمون انه امر يهينهن الشباب من كثرة ما يرون من تلك الامور اعتقدوا ان الانحلال ذلك اصاب جميع الفتيات بل وصل الامر الى انهم لا يصدقون ان هناك من مازالت تحافظ على اخلاقها وانوثتها البعض من تلك الفتيات يقولون لماذا تعيبون علينا والشباب يقولوا تلك الالفاظ ان كان البعض من الشباب عديمى الاخلاق والحياء فليس من الذكاء ان تتساوى معهم نحن مجتمعى شرقى ما تقوم به الفتاة وما تتلفظ به يكون مسلط عليه الضوء اكثر من الشباب احيانا اشعر وكانى فى عالم ليس عالمى فنحن لم نربي على ذلك سلمتى رودى

الله يفتح عليكي
أوقات فعلا بحس انهم بيتباهو بكده
فاكرين بكده بقو شيك و روشين وبنت مودرن
الشياكه فى الادب والحياء
وفعلا صدقتى أفعال ماتربينا عليها.
نورتيني فدا شكرا لوجودك

[الأميرة رودي]

اقتباس المشاركة الأصلية كتبت بواسطة دمعه حائره للاسف قلة الادب بقت موضه وعدم الاحترام هو السائد حتى بينادو بعض بشتيمه بستغرب ايه الجمال والخفه فى كدة بس ده عيب الام اولا وباقى الاسرة بعدها والانفصام سعات بيكون عند البنت نفسها تلاقيها فى البيت هادية ومؤدبة وعلى الفيس وبرا البيت بتشتم موضوع قيم تسلمى رودى عودة جميلة

صدقتى فعلا البيت هو المسئول الأول عن تصرفات الأبناء وخصوصا البنت.
بس زي ماقولتى فيه بنات في البيت شكل ومع أصحابها فى الشارع ومواقع التواصل شكل.
الأم هتمشي وراها فى الشارع أو هتراقبها ع المواقع
اكيد صعب. هنا المفروض يزيد حجم التوعيه من الصغر
يعني نربي نشئ مسئول
نزرع جواهم حب القيم وايه العيب والمفروض ميتعملش
البنت كمان عليها دور كبير فى تكوين نظرة الناس عنها
بس هى للأسف فاكره أنها بالألفاظ والتصرفات الغريبه المسترجله دي بقت ورشة وحلوه.

ربنا يهدي
نورتيني يامنه سعيده بوجودك

[توحد ارواح]

وعليكم السلام ورحمة الله
فعلا ظاهره مؤسفه لان البنت عنوانها الحياء فى كل امورها حتى الكلام
المسئول البيت فى المقام الاول لان التربيه من الاساس
ولكن صدقينى ساعة اما البنت بتنفتح على مواقع التواصل وتمشى مع اصحابها
بيأثوا عليها جامد وشويه شويه بتتغير
ربنا يهدى شباب وبنات المسلمين
نقاش جميل هادف
وفقكِ الله الى ما يحب ويرضى حبيبتى
نورتى وعودا حميدا

[^^khL oUD]

بصي انا معاكي جدا ف ال انتي بتقوليه
بس جيل ع جيل بيفرق وكل م جيل بيجي بيبقي انيل م ال قبله
وخصوصا زمننا دا دي بقي بنات بتبقي منفتحه شويه زياده ع اللزوم
وف نفس الوقت بترجع م الاساس وهي تربيه الاهل دا عامل اساسي اصلا
وبرده م الذات يعن هي كبيره مش صغيره وعارفه الصح م اغلط
بس ف وقتنا الحالي مبقتش شايفه فرق بين الولد والبنت الواحد بيبقي ماشي ف الشارع بيسمع الفاظ غريبه سواء م بنت او ولد
ربنا يهدينا ويهديهم ويسترها ع الاجيال ال جاايه

تسلمي ايدك ي روودي ع التوبيك ^^

[Lamees]

السبب الرئيسي هنا قلة التربية
يعني غياب دور الام والاب في تربية
بناتهم ومراقبة سلوكهم بداية من طريقة
لبسهم وكلامهم وهزارهم يعني البنت بتقلد
اللي بتشوفه لانها مش شايفة حد بيمنعها
عنه ويقول لها ده صح او غلط
بجانب ان في تقصير في دينا
حتي البنت اهلها مش بيحثوها علي الصلاة
زي زمان ومع انتشار النت بكل المساوئ
طيب يبقى البنت هنا ضحية لكل الظروف دي
وربنا يهديهم
تسلمي رودي علي الفكرة الهادفة
منورة الدنيا

[*فجر الاسلام*]

ربنا يهدى الجميع
هقول ايه بس
مافيش خوف من ربنا فالطبيعى ماتخافش من الناس ولا اخوها ولا حد