سبب نشأت الجماعات المتطرفة

[Abdallah]

السلام عليكم ورحمة الله وبركاته

فكرت كثير اكتب موضوع من خيالي المريض فشفت
ايه أكثير ناس مأثرة فيه و صعبانه عليه و ببكي عليهم
فوجدت هؤلاء الذين ينضمون الى الجماعات التى تحمل
مبادئ عجيبه مبادئ من صنعهم أمنوا بها و نسوا ربهم
اللى جعلوه دينه سبب لكل جريمة يرتكبوها و الدين برئ منهم

فليه كده فمن وجهه نظرى التى ليس لها أهمية على الأطلاق

هوه ان السبب الرئيسى هوه الموضه ايوة الموضة

نبدأ بالشعر : نجد من الشباب من يحلق قصات غربية
مثلا :الشعر المبعثر-الشعر الطويل-قصة الشعر المرتفعة
وحلق شعر الجانبين و ترك المنتصف و غيره كثير ...
و حلق الشنب و حلق اللحية سواء كليا او بشكل محدد .

ثانيا اللبس : فقد ترك الشباب لبس الجلباب و لبسوا
القميص و البنطلون و كمان الحزام و الحملات
و طبعا كلنا عارفين يوجد أكثير من 100شكل لكل دول
القميص المخطط و المربعات و المزخرف و المنقرش
و البنطلون المقطوع من عند الامام و من الخلف كمان
ده غير الشورت و الكت و النص كم و غيره كثير ...

ثالثا : الأكل اصبح يوجد اكلات غريبه جدا مثلا اللبن
أخترق كل اصناف الطعام و كأنه غزو و الماشرو
و المستردا و الكاتشب و المايونيز و غيره كثير جدا .
و ليه تحط اللحمة على المكرونة انا عايز اكلها هبر
وبعدين ليه نخلط بين الجنسين فى كل الاكل .

رابعا : الشرب اصبح هناك عشرات انواع من الحاجة الساجعه
رمان و اناناس و شعير و يانهارى على الكحوليات و المخدرات
و السجاير وغيره ،انتشرت بشكل كبير بين الشباب و كبار السن.

و من خامسا الى عاشرا هكتبهم بالجزء التانى

ليه اشوقكم لحاجة انا مش عارفها ليه يا أخى

قد يرى البعض ان كل ما ورد بالموضوع
حرية شخصية و مين قالك انهم بيعترفوا بحاجة اسمها حرية
هى فى وجهه نظرهم بدع ما أنزل الله بيها من سلطان
و عشان يحاربوا هذا الفساد ذكروا الناس بيدنهم
عن طريق دعوى القتل و التكفير و اقامة حدود الله
وكأنهم ملكوا الأرض ومن عليها وتلاشوه القانون
و الحكومه و السلطة و ارادة تلك الشعوب التى
تعيش بأمان لولا تدخلهم فى امورنا الشخصية .

و على فكرة بقا الموضة وحشة جدا
بدليل انها بتتغير كل سنة لو كانت حلوة
كانت استمرت معانا عطول و لا أيه !

انتظروا الجزء الثانى او بلاش
براحتيكم انا بحب الحرية !

و السلام ختام .

[bobaOo]

ههههه

سطور ممتعه

كمل طبعا

تسلم ايدك استاذ عبدالله

[دمعه حائره]

ههههه
ماشاء الله خيالك المريض وحريه شخصيه
ده انت تيجى تكتب بدالى بقى
خزعبلايه جامدة ليك مستقبل باهر

[Abdallah]

تشكرااااااااااااااااااااااااااااااااات

[Rakan ahmed]

اشكر خيالك المريض

[Abdallah]

شكرا.لمرورك.العطر.

[.Lamar]

حرية كل انسان مكفولة اخى

فى التعبير عن رأيه

عندما يكون محقا

ذكرت هنا العديد من الاشياء

و التى ارى ان فطرة الانسان السليمة

تستطيع ان تعرف الصواب من الخطأ

فى كل ما يقال له

و هناك بعض الجماعات المتطرفة فعلا

وهناك جماعات البسوها قسرا لباس التطرف

لاسباب كثيرة تخدم مصالحهم

فعلينا رؤية كل الامور بوضوح اولا

جزاك الله خيرا

[Abdallah]

شكرا.لمرورك.العطر.