كان ذنبه إيه

[دمعه حائره]

كان ذنبه إيه
قلبى اللى حبك تجرحه
معرفتش فى يوم تفرحه
وقسيت عليه

عايش معاك مش حاسس بالامان
قلبك كمان ميعرفش معنى الحنان
كان يعمل ايه

سابك وضحى بحب عمره ماتخيله
وشايفك بعيد مستحيل هاتعوضه

صعبان عليه

ليالى يستناك ويبكى
مش قادر حتى لحد يشكى
هيقوله ايه

هايقوله خان وباع فى ثانيه
وراح وعاش فى دنيا تانيه
هتديله ايه

هتديله حب زى اللى كان
او حتى هتنسيه الزمان
ويهون عليه

خليه يهون ماهو ياما هان

والماضى يشهد إنه خان

وهابكى ليه

الجرح صعب لكنه لازم يتنسي

وهافتكرله بس انه عليا قسي

mena_hassan

4-5-2017

[Abdallah]

روعه و تسلم ايديك .

[فصيح]

عجبتني أوى ، احساسها عالي جداً
وشكلي هكتب عليها لإحساسها الرائغ
طبعا لو حضرتك سمحتي
اسلوب جميل ، وتصوير رائع ، وعتاب قلب

لكِ التحية خالصة
فصيح

[.Lamar]

خليه يهون ماهو ياما هان

تعرفى يا منة اللى يحب بجد
عمره ماىيهون عليه يجرح قلب حبيبه
لو هان يبقى مكنش حب

جميلة كعادتك منون
تسلمى

[bobaOo]

جميله جدا سطورك وكلماتك

عاشت ايدك منه

تحياتي

[العاشق الذى لم يتب]

يسلام على الكلمات والعزف واللحن
متنغمة ومطربة
وتفع اغنية جميلة
الاهم جمال النثروالمعنى
والمشاعر الناعمة والحانية
تسلمى
شاعرتنا منة

[*فجر الاسلام*]

اه مع فصيح احساسها واصل اوى
ونغمتها حلوه جدا دايما مبدعه منون
تسلم ايدك

[دمعه حائره]

اقتباس المشاركة الأصلية كتبت بواسطة Abdallah روعه و تسلم ايديك .

شكرا اخى نورتنى

[دمعه حائره]

اقتباس المشاركة الأصلية كتبت بواسطة فصيح عجبتني أوى ، احساسها عالي جداً وشكلي هكتب عليها لإحساسها الرائغ طبعا لو حضرتك سمحتي اسلوب جميل ، وتصوير رائع ، وعتاب قلب لكِ التحية خالصة فصيح

شكرا سيف على حضورك وردك نورتنى

[دمعه حائره]

اقتباس المشاركة الأصلية كتبت بواسطة .lamar خليه يهون ماهو ياما هان تعرفى يا منة اللى يحب بجد عمره ماىيهون عليه يجرح قلب حبيبه لو هان يبقى مكنش حب جميلة كعادتك منون تسلمى

انتى الاجمل لولو
شكرا نورتينى