استضافه 11 مع طبيب الهوي

[واد حبيب]

السلام عليكم ورحمه الله وبركاته
اهلا بكل اعضاء المنتدى المبدعين وزوار المنتدى اللي منورين دايما
عاوز كل واحد يدخل الحلقه دي يقف انتباه ويضرب تعظيم سلام
لانها حلقه مش عاديه حلقه مع مبدع المنتدي الاول القلب الطيب الاب الروحي لكل الاعضاء
معانا المبدع صاحب الابداع العالي الاب الروحي للاعضاء
ابو عصام
طبيب الهوي
قبل اي شي بحد شرف كبير ليا انك توافق تعمل حلقه معايا انا كده دخلت تاريخ المنتدي من اوسع ابوابه

وعليكم السلام ورحمة الله وبركاته

ميرسي محمد مقدمتك الرقيقة مثلك

والتي أراها كبيرة في حق شخصي البسيط

يؤيؤ تعظيم سلام بس لا يا محمد

أنا عاوز سلام سلاح

منور والله يا ابو عصام عرفنا بنفسك الاول واتكلم برحتك

النور نورك يا محمد ونور الأعضاء الكِرام

الاسم: أبو عصام

المهنة: المدير المالي والإداري بشركة طابا ريزورت للسياحة

أرمل وأب لـ عصام وريم

أهوىَ القراءة وكتابة الشعر والخواطر وركوب الخيل

ببحث عن عروسه

وكتبت مواصفاتها في موضوع حفل الإبداع كلاكيت تاني مرة

وأعتقد نساء وفتيات المنتدىَ يعلمون هذه المواصفات

وهكتبها تاني الأن كي يعلمها الأعضاء الذين لم يحضروا الحفل

أريد عروسه صلعاء بعين واحدة وتكون عوره

بايد واحدة ورجل واحدة ويستحسن تكون خرساء

حتى لا تنكد عليَ بطلباتها التي لا تنتهي

ما أجمل لغة الاشارة بين الأزواج

كتير من اعضاء المنتدي ميعرفوش ان اسمك الحقيقي احمد ليه مكنتش بتقول اسمك

لأن أسم أبو عصام أغلىَ عندي من أسم أحمد

ابوعصام امته سجل في المنتدي

26 - 01 - 2012

وعرفت المنتدي ازاي

بعد وفاة زوجتي رحمها الله بفترة تزيد عن عام تقريباً

قررت العودة لقلمي والكتابة بهذيانه المجنون

بحثت في جوجل عن منتدى مصري

كان منتديات بنات مصر أول رابط

دخلت وجلست فترة أقرأ فيه ثُم قررت التسجيل

ليه اخترت الاسم ده

طبيب الهوىَ كان أول توقيع لي في خاطرة هذيان قلم

التي نُشرت في جريدة اليوم السعودية شهر مايو عام 2003

وكان اختياري لاسم طبيب الهوى

لأني أعشق أغنية وديع الصافي طبيب الهوى

ولأني أرىَ نفسي في هذا اللقب

ابو عصام مسجل في منتدي تاني ولا لا

منذ تسجيلي في منتديات بنات مصر

سجلت في منتديان فقط

المنتدى الأول من 3 سنوات تقريباً

لتلبية رغبة عضوة هُنا ارادت أن اشترك في مسابقة هناك

وبالفعل استأذنت أختي منة دمعه حائره

لأنها كانت الإدارية ذاك الوقت

واشتركت في المسابقة بقصيدة دعاء عرفات وبس

ومنذ حوالي شهر أو أكثر تقريباً

سجلت في منتدى أخر بناء على طلب عضوة ايضاً هنا

وأكتب فيه منذ هذه المدة حتى الأن

انت من الاعضاء اللي ليهم بصمه كبيره في المنتدي ايه اللي اتغير من المنتدي دلوقتي وزمان

التغيير الطبيعي يا محمد هكذا هي الحياة لقاء وفراق أخي

مين من الاعضاء اللي المنتدي مفتقدهم بجد

كتيييييييييييييييييييييييير

لكن المنتدىَ مفتقد الأهم من الأعضاء يا محمد

مفتقد روح المحبة والود التي كانت سائدة أيام أمجد ومنة

اكتر مواضيعك شعر وخواطر دي هوايه عندك ولا دراسه

الاثنان يا محمد

هواية وهبها الله سُبحانَهُ وتعالىَ لي

أشكره وأحمد عليها كثيراً

وأحرص دائماً أن كل حرف ينزفه قلمي

يكون مفيداً للناس خاشياً الله عز وجل

درست الشعر وبحوره المتعددة والعروض وكيفية تقسيمها

في جامعة الملك فيصل بمحافظة الاحساء بالمملكة العربية السعودية

زمان كان الاقسام الادابيه من اهم اقسام المنتدي ايه اللي حصل فيها من وجه نظرك

الأقسام الأدبية خاصة وباقي الأقسام الحصرية بصفة عامة

يحتاجان للأعضاء أصحاب الأقلام

وأصحاب الأقلام يحتاجون التشجيع

وأقصد هنا بالتشجيع الرد القيم على نزف أقلامهم

نرجع الاقسام الادابيه ازاي

بعودة أصحاب الأقلام إن شاء الله يعودوا قريباً

وتعود معهم الأقسام الأدبية لسابق عهدها

شايف ان الاداره ليها دخل في موت الاقسام دي

أكيد لا

الإدارة ما هيَ إلا تقييم لتلك الأقلام

غياب الأعضاء السبب الرئيسي والمباشر

لغياب أصحاب الأقلام

المنتدي الفتره دي كل شويه بيقع شايف ده سبب في حال المنتدي دلوقتي

أكيد سقوط المنتدى من وقت لأخر

سبب في غياب الكثير من الأعضاء

ايه اللي عجبك في المنتدي ومخليك متمسك بيه

أصدقاء وأخوة وأخوات وأبناء وبنات لي هُنا

قريبون من قلبي وتجمعني بهم علاقة أبوية وأخوية

وايه اللي مش عجبك ونفسك تغيره في المنتدي

حالياً لا أستطيع التغيير لكن بعد إنتهاء الاختبارات الدراسية

مع حلول شهر رمضان المبارك

سيكون هناك تغيراً جذرياً لبعض الأمور إن شاء الله

لو رجعت الاداره بتاع زمان طارق وضياء ممكن المتتدي يرحع ولا الاداره ملهاش ذنب

ذكرت لك سابقاً الإدارة ليس لها أي ذنب قديما

لكن الادارة الحالية مشكلتها أن أكثرها نساء وفتيات

أكثرهم طالبات مشغولات بالدراسة والاختبارات

كما أن النساء والفتيات يحكمن قلوبهن وليس عقولهن

لابد من وجود عقل إداري يسيطر على الأمور

ويعيدها لنصابها الصحيح

مين من وجهه نظرك مظلوم في المنتدي هنا

حاليا يوجد أعضاء كثيرة مظلومة

لكن كما ذكرت إن شاء الله سيكون هناك تغيير جذري قريباً

ابو عصام ايه امنيتك في الحياه

أن أرىَ أبني عصام متخرجا من الكلية الجوية كما يتمنىَ

وأن أرىَ أبنتي ريم في يوم عرسها بفستان الزفاف

أدعو الله أن يستجيب دعائي وأن ارىَ هذان اليومان

ليه مفكرتش في الزواج بعد وفاة زوجتك

بحكم عملي يا محمد

تعاملت مع نساء وفتيات من جميع أنحاء العالم

بمختلف الجنسيات

تراهم عيناي ولا يراهم وجداني

لأني أيقن أنه لا توجد إمرأة في هذا الكون

تستطيع ملء الفراغ التي تركته أم عصام

بعد وفاة زوجتك ايه اللي اتغير في حياتك

رحلت روحي وَبَقِيَ جَسَدي

مفيش مره فكرت انك تجوز وكنت محتاج لست في البيت

أكيد لا يا محمد

تعرفت على أم عصام رحمها الله عام 1989 في الجامعة

وبعد تخرجنا عام 1993 بدأنا العمل سويا

أقبض راتبي وأدخره معها وهي كانت تدخر راتبها أيضاً

ومكثنا هكذا حتى شهر اغسطس 1998 تقدمت لخطبتها

وعقدت قراني عليها يوم 1 - 11 - 1998

وتم زفافنا ثاني يوم عقد القران

مكثنا نعمل 9 سنوات كي يكون لنا بيتنا الخاص

ثم سافرنا للسعودية وأنجبت لي عصام وريم

وكانت نعم الزوجة ونعم الأم

قل لي بالله عليك يا محمد

أخبرني عن أي فتاة تعمل وتجتهد مع إنسان

لا تربطه بها أي علاقة رسمية

مدة تتجاوز 9 سنوات علىَ أن يوفي بعهده معها

وبعد الزواج تركت أهلها وسافرت معه

وأنجبت له طفل وطفلة

من ديسمبر 1989 حتى فبراير 2010

20 سنة يحياها القلب سعيدا هانئا مطمئنا

كيف لي أن أمحي من ذاكرتي ومن قلبي 20 عاما بالله عليك

شايف انك معوض اولادك عن فقدان الام

أكيد لا لكني أحاول جاهداً والله المستعان

ايه موضوع الحب بتاع الاعدادي ده

حب انتهى بعلقة سُخنة

ايه امنتيك لعصام وريم

أن يحقق كلا منهم الحلم الخاص به

عصام واخد من اسلوبك ايه

الهدوء والرزانة

عوزين نجوز عصام بئا ولا ايه رايك

أخبره أنت يا محمد لأنه أمس اتصل بي

وأخبرني أنه لم ولن يتزوج

قلت له لماذا يا عصام

قال لي أنه يريد فتاة لم تخاطب شابا أخر غيره

ولم تواعد وتخرج مع شاب دون علم أهلها

ثم قال انه يرىَ زميلاته في المدرسة والدرس يواعدون زملاء لهم

يخرجون معهم دون علم أهلهم

وطلب مني أن أصدر أمر لأبنتي ريم أن تتحجب الأن

أخبرته أنه يوجد فتيات كثيرة

مثل أخته ريم ومثل مامته رحمها الله

عليه فقط أن يبحث جيدا قبل اتخاذ القرار

وأخبرته أن أخته ريم لازالت صغيرة

لم يحن وقت حجابها بعد

ايه رايك في مصر دلوقتي والغلاء اللي فيها

ارتفاع الأسعار الأن أمر طبيعي يا محمد

بعد أن اتفق الغرب خاصة أمريكا واعوانها

انجلترا والمانيا واسرائيل وكلبتهم تركيا

علىَ شن حرب اقتصادية غير معلنة على مصر

حتى يتم تفكيكها كما كان مخطط له بعد ثورة يناير

شايف انها ماشيه في الطريق السليم

مصر الأن تسير في الطريق الصحيح وعلينا الصبر حتى نحافظ عليها

مصر كبيره علي السيسي ولا ايه

السيسي أم غيره كان سيقوم الغرب بحرب اقتصادية غير معلنة

أما انك تقصد رائي الشخصي في السيسي

مع أني اختلف معه كثيراً

وأرىَ يداه ملوثة بدماء الكثير من الأبرياء

إلا أني أشفق عليه لأن أي حاكم يجتمع ضده الغرب

ويريدون اسقاطه بشتى الطرق

يكون حاكما يسير في طريق تصحيح مسار شعبه

أما هذه الدماء سيحاسبه عليها الله يوم العرض العظيم

لو جالك سفر بره مصر توافق ولا لا

لا

ندخل علي المدونه
عملت المدونه امته وليه اخترت الاسم ده

بدأت الكتابة في المدونة يوم 12 - 2 - 2013

بناء على رغبة أختي سارة

الله يصبرها ويهب قلبها الهدوء والسكينة آمين

اخترت اسم هذيان قلم ليه

لأنه اسم أول خاطرة تم نشرها لي في الجرائد والمجلات

ايه سبب اللي خلاك تعمل المدونه
ابو عصام ممكن تكلم عن اسرارك في المدونه

أخبرتك أنها كانت رغبة سارة الأميرة رودي

هذيان قلم مليئة بأسرار خاصة بي لكن لا يعلمها أحد غيري

ايه المشكله اللي قبلتك قبل كده في القسم

سوء تفاهم مع سارة وأبنتي آية حكاية

والحمد لله أنتهىَ علىَ خير

شايف ان ده المكان اللي تقدر تتكلم فيه برحتك

يمكن تكون صح لكني أكتب بأريحية تامة في الإبداعات الأدبية

لأنه القسم المُحَبَبْ لقلبي

حد انتقد كلامك قبل كده وزعلت منه

كثيرون أنتقدوا كلمات لي

وجميعهم لم يغضبوني

لأن أصحاب النقد البناء يوجهوني للطريق السليم

وأصحاب النقد الهدام أشفق عليهم

مين من الاعضاء اللي بتبعهم باستمرار

الكثير والكثير

ايه اكتر مدونه عجباك عنونها

مدونات كثيرة تجذبني إليها

لأن أصحابها يكتبون وفق عنوان مدوناتهم

مين من الاعضاء عاجبك كلامو اوووي

العضو الذي يسخر قلمه للنصح والإرشاد وإفادة الناس

مين اكتر عضو بيبعتلك تقييم

قديما أم الأن حدد الفترة يا محمد

قولي افضل 3صفحات من وجهه نظرك

كيف أذكر لك 3 مدونات فقط

وأنا أتصفح أكثر من 30 مدونة

وأنا لا أقرأ ولا أتصفح إلا للقلم الذي يجذبني

مين العضو اللي بعتلك تقيم وضحكك اووووي

الأستاذ فتحي عيسى وأم أحمد أطياف الماضي

أرسلوا لي في وقت واحد تقريباً تقييمان متشابهان تقريباً

يقولون لي يا استاذ آمين

ضحكت كثيرا والله

لأني بعد كل دعاء أرسله في تقييم لأي عضو أكتب اللهم آمين أبو عصام

الاثنين افتكروا ان اسمي آمين

ابو عصام مشرف علي الصفحات ليه مش بتعمل نشاط فيه

ظروف صعبة مريت بها لكن الحمد لله أنتهت على خير

وتأكد يا محمد أن نشاطي في قاعة الصفحات أو الأقسام الأدبية

ليس له أي علاقة بأني مشرف أم لا

شايف ان سهر هتكون اضافه للقسم ولا لا

سهر نشيطة جدا وتمتلك فكرا راقيا جديدا على الصفحات

سيكون لها بصمة واضحة إن شاء الله

ايه اللي بيميز القسم ده عن باقي الاقسام

لأنه الركن الهاديء للأعضاء

قول كلمه لاعضاء القسم

أشتقت لكم ولمشاعركم الرقيقة التي تنثروها بقلوبكم

ايه تقيمك لمشرفين القسم

جميع المشرفين عدا أبو عصام

تقييمي لهم 5 %

أما الحاج أبو عصام سامحه الله لا يستحق أكثر من 0 %

قولي نقدر نعمل ايه علشان ننشط القسم ده

اممممممممممممممم

اقولك يا محمد

المشرفات يطبخوا بصارة لعمهم أبو عصام

ومحمد يشتري الفاكهة والمشروبات الغازية

سعيد جداا بوجودك يا ابو عصام
تقبل تحياتي

أنا الأسعد يا محمد والله

ميرسي يا محمد لاتاحتك لي تلك المساحة للفضفضة

تحياتي لشخصك وأسرتك الكريمة

أبو عصام

[سيناا]

شييييييق الحوار مع اخونا الكبير ابو عصام

بتعرف والله من سماتك الاخلاص يا ابو عصام

لدلوقتي مش عايز تتزوج خاصة بالمواصفات الى كاتبها ههههه

احيك ياغالي وربي يخليلك عصام ومريم وتفرح فيهم قريب

ابدعت ابو اياد بالاستضافة الفريدة

يعطيك الف عافية

[*فجر الاسلام*]

منور الدنيا يا استاذنا
ربنا يكرمك ويرضى عنك
بس احنا ناخد 5بالميه بس
ليه ماسكين عفريت
الله يسعدك
تتسلم يامحمد يدوم النشاط

[*فجر الاسلام*]

الذين يشاهدون محتوى الموضوع الآن : 7 ( الأعضاء 7 والزوار 0) ‏*فجر الاسلام*, ‏دمعه حائره, ‏حـيـــــآة ❤+, ‏سيناا, ‏سهـــر+, ‏واد حبيب, ‏طبيب الهوى

[حـيـــــآة ❤]

ونعم الاب حقيقي

منور عمو ابو عصام<<وعاشت الاسامي وطال عمرك يارب
الله يحفظلك ابناءك
ملاحظتي انك صاحب الرد القلبي
احترامي لحضرتك

...
تسلم ابو اياد، ع اختيارك الجميل

[دمعه حائره]

حوار رائع مع استاذنا ابوعصام
قدم للمنتدى كتير هو فعلا الاب الروحى لاعضاء كتير هنا
ولا يتأخر عن نصحهم وافادهم بخبرته فى اغلب المجالات
ربنا يخليلك اولادك وتفرح بيهم
منورنا اخى وديما يارب متجمعين على خير
شكرا محمد على الاستضافه

[سهـــر]

ي ابيه ي ابيه
منور الدنيا كلها
انت بجد انسان محترم جدا
من الناس القليله في الدنيا
اللي بتعمل الخير بدون مقابل
ربنا يفرح قلبك باخواتي الصغنين
عصام وريم ^_^
وتشوفهم احسن الناس في الدنيا
وان شاء الله اكون عند حسن ظنك

ابو اياد تسلم على مجهودك

[.Lamar]

حوار شيق شمل الكثير من الجوانب
الخاصة و العامة
تعرفنا عليك اكثر من خلاله اخى ابو عصام
و ان شاء الله كل الاقلام المهاجرة تعود الى بيتها
مرة اخرى
و ربي يبارك لك فى صحتك و اولادك

مشكور اخى ابو اياد على الاستضافة المميزة
تحياتى و تقديرى

[bobaOo]

استضافه جميله اوي
وحوار روعه
منور الدنيا ابو عصام وابو اياد
تحياتي

[Fatma eissa]

لقاء ممتع ومميز
مع استاذنا الكبير
وكاتب الكبير
ابو عصاء
حضرتك منورنا
بس في سوال
ليه حضرتك عوز وحده
بعين وحده