يوميات صائم مع جبل عالي

[سيناا]

الســــــــــــــــــــــــــلام عليكم


ازيكم يا احلى الاصدقاء


اليوم معنا الاخت الغنية عن التعريف


ملكة الحرف


الاخت المرحة الغالية


جبــل عالـي


ياعين ياعين اتفضلي

- أول رمضان قمتي بصيامه اختي جبل عالي كم كان عمرك ؟

اهلا اهلا بالاخ الجميل سينا ربنا يسعدك يارب انك فاكرني ههههه
شوف سيدى اول رمضان انا فاكراه كويس كان عندى حوالى ١٢ أو اكتر
ليه بقا،؟؟ عشان كان ساعتها رمضان بيجي ف الصيف وشديد الحرارة
واختك كانت ضعيفه جدا فكنت بنزف جامد بكل سهولة وبدون صيام كمان فكانت امى تسمح لى بصيام يوم وفطار يوم هههه لغاية ما انا اعترضت وصممت اصوم كل الايام ...ومن ساعتها بقا الحمدلله ....

- مشهد يسعدك أن تريه في رمضان ؟؟

مشهد الفوانيس واللمض الملونة وبتاع الكنافه والقطايف


- موقف طريف لا يغيب عن بالك حدث لك في رمضان ؟

منساش يوم مانشيت الصيام خالص ونزلت اكل في المانجو هههه
شبعت منها وبعدين ...اوبسسسسس انا صايمة 😂😂


- متى افطرت بالسر إعترف ؟؟؟؟؟؟؟؟؟؟؟

يمكن هي مرة واحدة وانا صغيرة وفعلا حزنت ساعة الفطار وكنت حاسة بخجل جامد وان الكل عارف ....

- برنامجك في رمضان كيف سيكون ؟

الحمدلله بصوم واصلى واقرا القران ويارب يتقبل منا جميعا



-ماهي الأكلة أو الطبق الذي يجب أن يتواجد أمامك في رمضان ؟

بصراحة هو طبق السلطة مهم جداااا وبعدين صينية الجلاش أو الرقاق



- بمن تفكري أول ما تسمعي بحلول الشهر الكريم بعد الوالدين الله يحفظ الموجودين

ويرحم من انتقل الى جوار ربه ؟

افتكر كل اللي غاب بصراحه ...ربنا يجمعنا بيهم ع خير
وبجد بفتكر الجو اللي كنا عاملينه هنا ع المنتدى ....


- شخص تفتقديه في رمضان ؟

امي ربنا يرحمها يارب


- هل ذقتي طعم الصيام في غير بلدك ؟

هو رمضان واحد بس ...وكان في السعودية


- كم مرة ختمتي القرآن ؟؟ أو إلى وين واصلة ؟؟

الف حمد وشكر ليك يارب ...اكتر من مرة ...وحاليا ف الجزء الرابع عشر



- آية قرآنية أول ما تسمعها تبكي عيونك ويخشع لها قلبك ؟

قوله تعالى كلا إذا بلغت التراقي وقيل من راق وظن أنه الفراق والتفت الساق بالساق إلى ربك يومئذ المساق .....صدق الله العظيم


- وقتك المفضل لــقرآءة القرآن الكريم ؟

قبل الفجر


- صفي لنا شعورك عند إعلان شهر رمضان المبارك ؟

الفترة دي بقيت ابكي أن لسه لياعمر أدرك رمضان ..ً


- هل سبق وإن إعتمرتي ؟

الحمدلله رب العالمين اعتمرت من عدة سنوات


-هل هناك اختلاف بين رمضان سابقا والان؟ وماهي

اكيد في اختلافاااااات ....ربنا يصلح الحال يارب


-هل تحرصي على شراء ملابس العيد وحاجياته بشهر رمضان ام قبل ذلك؟

الكلام ده بصراحه كان زماااأاان لكن الكل كبر ومبقاش الموضوع ده...


- نصيحة لمن توجهيها ؟؟؟

اولادي .....اتقوا الله فيا وف انفسكم


- وجهي دعوة لــ خمسة من الأعضاء على الإفطار ؟
من ســتـخــتار ؟؟؟

بجد والله والله هختاركم كلكم فرد فرد ونفر نفر بدون اى تمييز
ابتداء من اجدد عضو لأقدم عضو ...وده فعلا ومن قلبي

- وجهي دعوة لــ خمسة اشخاص على السحور
؟

نفس الإجابة اللي فوق والله ع مااقول شهيد


الله يسعد قلبك اختي


نورتينا جبل عالي

[سيناا]

آحلى جبل عالي


منوووووووووووووووووووورة بالاجوبتك


ربي يرحم امك


ويخليك تاج فوق راس اولادك

[.Lamar]

ههههه يعنى افتكرتى بعد ما خلصتى المانجو

كل سنة و انتى طيبة امولة
وربي يتقبل صيامك وقيامك

تسلم اخى سينا على الاستضافة الحلوة
ضيفتك مميزة و غالية علينا كتير
تحياتى

[ايمان طلعت]

اهلا اهلا بالغاليين
نورتي ام عبدالله
ربنا يتقبل صيامك و صلاتك و تلاوتك
و يرحم من رحل
و يرحم ايام زمان هنا

مشكور سامر علي الحلقة و مجهودك
و كل سنه وانتم طيبين

[Fatma eissa]

لقاء مميز
مع جبل عالي
منورة الحلقه
وتسلم ايدك يا سينا
مجهود مميز

[سيناا]

اقتباس المشاركة الأصلية كتبت بواسطة .lamar ههههه يعنى افتكرتى بعد ما خلصتى المانجو كل سنة و انتى طيبة امولة وربي يتقبل صيامك وقيامك تسلم اخى سينا على الاستضافة الحلوة ضيفتك مميزة و غالية علينا كتير تحياتى

الله يسلمك منورة اخت لمار

[bobaOo]

استضافه رائعه
منورة ام عبدالله
ربنا يرحم والدتك
ويطول بعمرك ويخليلك ولادك

تتسلم ع المجهود العالي سامر

[عاشقة كتاب ربى]

مشكووووووووووووره