ياااا أهل الليل لى عندكم حبيب

[العاشق الذى لم يتب]

يا أهل الليل

لى عندكم حبيب

ساكن قلبى وعشقه بالروح دليل

كلمته مرة وقلتله انت منى قريب

وكلامى واضح صافى مثل الحليب

ويشهد عليه ربى الجليل

معرفش ايه كان رده غريب

سبنى ليه ودمعى يسيل

وشوقى ليه فى قلبى لهيب

وبعاده تعبنى خلانى عليل

سألنى وقال عرفتنى ليك حبيب

واليوم تقولى قلبى ليك يميل

وتانى يوم عتبنى بهجوم عجيب

قال يسلام قلبك كبير والف حبيب يشيل

زعلت منه بكانى ودمعى نحيب

قلت يااااارب انت الشهيد وانت الجليل

وانت عالم نيتى عاوزه يبقالى النصيب

حلفتكم وبحق شهر الصوم عرفوه

اخبروه

انى أحبه وعشقه خلانى ذليل

يرضيكم يعمل كده فيا خصامه صعيب

يا اهل الليل

بلغوه وعرفوه انى احبه وهو الحبيب

رفعت

2017/6/7

[شاعر الحب الحزين]

لا ما يرضينا زعلك أبدا ابو الحروف

كلمات جميلة وفيها عتاب رقيق من القلب

تسلم رفعت وكل سنة وانت طيب يا رب

[Lamees]

لا لا ما يرضينا
كلمات عتاب صافية
هيكون لها مردود اكيد
سلم قلمك استاذنا

[bobaOo]

◐

أكيد مايرضينا
كلمات نابعه من القلب لتصل للقلب
تحياتي لرقي قلمك شاعرنا

مودتي

◑

[.Lamar]

مش عارفة صراحة
لكن اكيد هيكون لها عذر
تشك و متصدقش يعنى
ما دام عرفته مرتبط بغيرها
لان الحب مش سهل يتحس
و لا بيكون كلمة بتتقال

جميلة خاطرتك اخى
و مرحبا بعودة قلمك
تحياتى

[رنوش روشي]

لاء مايرضنيش هههههههاي

[عاشقه الورد]

كلمات جميله اخي
ربي يسعدك
تقبل مروري

[Fatma eissa]

كلماتك عتابيه رقيقه
طلعه من القلب
صافي وصادق
تسلم تيدك

[العاشق الذى لم يتب]

كل الشكرلكم جميعا
كل سنة وانتم طيبين
ولاحرمت اسعد برؤياكم
تقبلوا تحياتى

[فداااااااااااء]

اسعدك الله اخى رفعت
سلمت والنبض جميل