هشتاج عملت ايه في العيد ..~

[Lamees]

بيقولك في هشتاج على الفيس اسمه تقريباً عملت ايه في العيد
ما علينا يلا احنا كمان نعمل هشتاج وكل واحد يدخل يقول عملت ايه في العيد
انا عن نفسي مخرجتش من البيت وقضيتها اسرة مع بعضينا بصوت خالد الصاوي
اصل الخروج اليومين دول محتاج جمعية ^_^

[Aya 7ekaya]

من الصاله للاوضه للتلاجه للسرير شهيصت نفسى وماحرمتش نفسى من حاجة ي رونى ده عيد ومش بيتكرر

[bobaOo]

..

عملت حجات كتيرة اوي
اكلت كحك بالشاي
واكلت بسكوت بالشاي
وشربت شاي واكلت كحك
وشربت شاي واكلت بسكوت
واكلت كحك وبسكوت وشربت شاي
😄

[.Lamar]

هههههههه
كلنا هذا الرجل
و انا قضيته فى السرير
احتقان و حرارة و رشح

من اجمل الاعياد اللى عدت علية
ولسة مكملين ههههه

[Eng Esraa]

هههههههه بصراحه ولا حتي قضيته اسرة مع بعضينا
قضيته ف اوضتي ^^

[Mind language]

انا اكبر عن الشكليات دى بكتير

انا لبست واخدت كام صورة سيلفى

بعد كدا غيرت لبس العيد ودخلت نمت

وصحيت لقيت العيد خلص

[Lamees]

اجدع شباب والله
شركاء النجاح
هو انتوا مش عارفين انكم اغلى ناس في حياتي ولا ايه ... بصوت ليلى ههععع

[^^khL oUD]

لبست البجامه‍ الجديده ووقفت ف البلكونه
رميت صواريخ ع الناس ال رايحه وجايه‍
واكلت لب وشوكولاتات بقي وكدا 😁😁
وناويت انا وصحابي نخرج ومخرناش كالعاده
بس ي خساره البجامه‍ مكانش فيها جيب احط في اللب😟💔💔

[العاشق الذى لم يتب]

كل سنة وانت والجميع طيبين وبخير
بعد صلاة العيد
عيدت على امى واخواتى اللى جنبى
وروحت نمت للمغرب

[Lamees]

الله يا خلود انا نفسي افرق صواريخ ههههه
نوم العافية يا رفعت
وكل سنة وانتوا طيبين