سؤال مهم .."للنقاش

[bobaOo]

..

السلام عليكم ورحمة الله وبركاته

خطر ببالي سؤال او بالأحرى سؤال مركب وتحته كذا استفهام وتعجب!؟السؤال هو:

هل يحق للشب اذا أراد أن يتزوج أن يسال عن ماضي الفتاة؟!


من وجهة نظر كل واحد فيكم الي هنحترمها اكيد.. انتو شايفين انه ليه الحق يفضل يستفسر عن ماضيها وعلى حسب كان ماضيها يقبلها او يرفضها يعني يحط الماضي بتاع البنت المحك انه يرتبكو او ميرتبطوش..

طيب والبنت؟يحقلها تسال عن ماضي الي متقدملها؟وع اساسو تقبل وترفض؟

انا من وجهة نظري اكيد يحقلو ويحقلها يسالو ويعرفو بس زي ماسمعو عن بعض وعن ماضي كل واحد فيهم ينسو وزي ماحكو وفتحو قلوبهم ومخبوش على بعض برضو ف الاخر اسمه ماضي..



شاركوني

..

[ملك جبال الاحزان]

هبداء من الاخر
محدش هيسمع عن الماضى وهينسى وخصوصآ لو الماضى فى حجات ليها علاقه بالحب

نرجع لسؤالك اكيد يحقله بس كله زى ما بنقول كدة بالدماغ
فى حجات تتحكى وحجات اكيد مينفعش نحكيها فاكيد هيبقا حسب الشخصيه التانيه فى العلاقه ينفع تحكيلها حجات معينه وتمشى حياتك ولا هتحكى كله ويتأقلم معاها او ينهى العلاقه
حسب الشخصيه

[محمود الصاروخ]

ده لازم
وهو ده اللي ماشي عموما
واللي هيقول غير كده يبقي بلح

[دمعه حائره]

الطرفين لازم يسألوا عن بعض كويس
لان فيه ناس بتمثل الاخلاق وهم فى ماضيهم بلاوى
ومش لازم يكون الحكم عليهم بانهم مستمرين لو فيه اخطاء
بس على الاقل فى ماضى باخطاء تغفر وفيه لا
او فيه ناس بتتقبل وتسامح وناس لا
تسلمى على النقاش بوبا

[.Lamar]

اختلفت الاراء فى الموضوع دة
بشوف انه حقهم
و الصراحة حلوة طبعا
ما دامت الثقة موجودة

مشكورة هبة حبيبتى
كل ما يجى على بالك
سؤال تعالى هههه
تسلمى يا بطتى

[ana lola]

ومادام هتدوري ف القديم هتبدأي جديد ازاي
الواحد بيتغير و كلنا لينا حق ف فرصه
و الوقت بيبين اكتر ما بيخبي

[احساسى صحيح]

اكيد اى علاقة بتبدأ بالصراحة او المصارحة هى إللى هتستمر
وهى العلاقة الصائبة لأنها قائمة على الشفافية وإحترام الآخر
لأن بإختصار اى حد فيهم له ماضى معين ورفض الافصاح عنه
وبعد فترة الطرف الآخر إكتشفه ربما يعقد العلاقة ويؤدى إلى فشل الزواج او الارتباط
يسلموا هوبا وشكرا على النشاط

[bobaOo]

اقتباس المشاركة الأصلية كتبت بواسطة ملك جبال الاحزان هبداء من الاخر محدش هيسمع عن الماضى وهينسى وخصوصآ لو الماضى فى حجات ليها علاقه بالحب نرجع لسؤالك اكيد يحقله بس كله زى ما بنقول كدة بالدماغ فى حجات تتحكى وحجات اكيد مينفعش نحكيها فاكيد هيبقا حسب الشخصيه التانيه فى العلاقه ينفع تحكيلها حجات معينه وتمشى حياتك ولا هتحكى كله ويتأقلم معاها او ينهى العلاقه حسب الشخصيه

..

..

عندك حق ف كل الي قلتو
بس مهما كان المفروض ميخبوش ويكونو صريحين
وتكون بداية العلاقه واضحة وصريحه
ومبنية ع الثقه

تسلم لمرورك ومشاركتك الرأي
ودي

..

[bobaOo]

اقتباس المشاركة الأصلية كتبت بواسطة محمود الصاروخ ده لازم وهو ده اللي ماشي عموما واللي هيقول غير كده يبقي بلح

...

هههههههه
متصلي ع النبي يمحمود
رايك ع راسي ويحترم اكيد

نورت اخي
واسعدني مرورك

ودي

..

[bobaOo]

اقتباس المشاركة الأصلية كتبت بواسطة دمعه حائره الطرفين لازم يسألوا عن بعض كويس لان فيه ناس بتمثل الاخلاق وهم فى ماضيهم بلاوى ومش لازم يكون الحكم عليهم بانهم مستمرين لو فيه اخطاء بس على الاقل فى ماضى باخطاء تغفر وفيه لا او فيه ناس بتتقبل وتسامح وناس لا تسلمى على النقاش بوبا

..

منوش
عندك حق حبيبتي على حسب التقبل من الطرفين
رأيك يحترم وعلى راسي
اسعدني مرورك حب

نورتيني