هاشتاج مقاطعة شركات الاتصال !

[Eng Esraa]

صباح الخير بقا ..

هو انا مليش ف السياسة بصراحة بس عاوزة افهم الفكرة بس ..

لفت نظري ع الفيس من يومين لحد انهاردة هاشتاج

مقاطعة شركات الاتصال .. و ايفنت غفلوا شركات الاتصال قبل ما يغفلونا !

الغرض من الهاشتاج و الايفنت ده .. انهم يتفقوا ع وقت محدد و يقفلوا موبايلتهم فيه

و ده طبعا هيتم باكبر عدد من الناس .. و ده بسبب غلاء كروت الشحن تقريبا !؟

بس انا مش فاهمة .. ايه الخسارة الملايين للشركات لما الموبايلات تتقفل ف وقت واحد ؟؟

مش فاهمة بجد معنديش خلفيه عن الموضوع ده بصراحه ..؟

هو فعلا دي ممكن تكون حاجة هتغير الاسعار و ترجع زي الاول ؟؟

بتكلم ع شركات الاتصال تحديدا ؟؟؟

لو ف نتيجة ايجابية مستعدة اقفل موبايلي يومين

؟؟؟

[*فجر الاسلام*]

بوصى انا لو هقاطع هقاطع عشان هم حراميه هههه اه وربنا حرميه ونصابين
وانا اكرملى التلفون يبقى من غير خط احسن
بس انا موافقه برضو قوليلى امتا عشان اقفل انا كمان ههه

[.Lamar]

اكيد هتاثر يا سيرو
المشكلة بس ان الناس مش بتاخد
موقف جماعى
بس بعد حال البلد
احنا محتاجين وقفة كبيرة
لكل حاجة بتحصل
مش شركات الاتصالات بس
قوليلى امتى عشان مش متابعة
واقفل موبايلى معاكوا

[Eng Esraa]

اقتباس المشاركة الأصلية كتبت بواسطة *فجر الاسلام* بوصى انا لو هقاطع هقاطع عشان هم حراميه هههه اه وربنا حرميه ونصابين وانا اكرملى التلفون يبقى من غير خط احسن بس انا موافقه برضو قوليلى امتا عشان اقفل انا كمان ههه

هههههههه عندك حق
انهاردة من الساعة 9 ل 11

[*فجر الاسلام*]

اوك من 9 ل 9تانى يوم مش بس 11

[Eng Esraa]

اقتباس المشاركة الأصلية كتبت بواسطة *فجر الاسلام* اوك من 9 ل 9تانى يوم مش بس 11

ههههههههه زي ما تحبي يا حبيبتي

[شاعر الحب الحزين]

ممكن تكون حل حكاية قفل الموبايلات دي
بس اقفلوهم بعد ما تخلصوا الرصيد
المقاطعة الأفضل إنكم مش تشحنوا رصيد لفترة محددة
بكده صلاحية الرصيد هتنتهي وهتبقى خسارة للشركات دي
ربنا يقدم اللي فيه الخير يا رب
ويكون في عون الناس على دنيا رخيصة وكل ما فيها غالي

تسلمي اسراء ربي يعطيكي العافية
ويوفقك ويسعدك يا رب

[Eng Esraa]

اقتباس المشاركة الأصلية كتبت بواسطة شاعر الحب الحزين ممكن تكون حل حكاية قفل الموبايلات دي بس اقفلوهم بعد ما تخلصوا الرصيد المقاطعة الأفضل إنكم مش تشحنوا رصيد لفترة محددة بكده صلاحية الرصيد هتنتهي وهتبقى خسارة للشركات دي ربنا يقدم اللي فيه الخير يا رب ويكون في عون الناس على دنيا رخيصة وكل ما فيها غالي تسلمي اسراء ربي يعطيكي العافية ويوفقك ويسعدك يا رب

ربنا يستر ..
تسلم ربنا يخليك

[حـيـــــآة ❤]

اه يختي ابقوا قولولي امته عشان نربيهم ايه العالم دي هههه

[دمعه حائره]

كتير حملات زى دى بتتعمل
بس الناس مابتقدرش تكمل اخرها امبارح
كان فيه دعوة لوقفه ضد غلاء البنزين
ولا اى حاجة اتعملت
الناس بقى عندها يأس ولا مبالاة واستسلمو للى بيحصل