آسف

[شاعر الحب الحزين]

آسف أنا لكل اللي زعلتهم

ومش قادر اروح اعتذرلهم

اللي مش بيفتكروني بخير

وبكل خير انا بفتكرهم كلهم


آسف على كل جرح سببته

في قلوب عمرها ما جرحتني

لو تعرفوا ان الندم صاحبته

والدنيا بعدكم ولا مرة ريحتني

آسف لكل من اخلص لي وسبته

وتفيد بإيه كلمة آسف وياريتني


آسف يا أمنياتي اللي فاتت

آسف يا ذكرياتي اللي فاتت

شفتكم بتنتهوا قدام عيني

ما عملت حاجة وفضلت ساكت


آسف يا قلبي اني علقتك ف أحبة

علقوك في جروح ما ينفعلهاش أطبة

وإني بعدتك عن ناس بتحبك

وقربتك من ناس في حضنهم حسيت بالغربة


هقول آسف لمين ولا مين

ومين اللي رح يقبل أسفي

ومين يعتذر مرة لقلبي الحزين

اللي انكسر من طيبتي وضعفي

انا وقلبي اللي بقالنا ايام وسنين

مش عارفين بنخلص لمين وبنوفي

في الحب بينتصر الفراق والحنين

مبقاش جوانا للحب حب ووفا يكفي

مش بس لوحدي آسف احنا كلنا آسفين

بإيدينا بنختار عذابنا وتكتبه كفوفهم وكفي


ش. ح

[حـيـــــآة ❤]

لو الحاجات دي تطيب بالاسف مكنش حد غلب
تسلم شاعرنا

[bobaOo]

..

أ.خالد
كلمات صادقه
واعتذار مميز يليق بصاحبه
تسلم ايدك
ويدوم الابداع شاعرنا

ودي

..

[رنوش روشي]

اسف جدا على اخطائي اسف على بركان اشواقي انت عمى مصطفي كامل احنا اسفين يا صلاح.ربنا يسعدك ويكتب لك الخير اخي

[.Lamar]

الدنيا فيها العجب
وفيه مواقف حقيقى
مبينفعش فيها الاسف
اصله مش هيمحى الوجع

كل الشكر اخى شاعر
تحياتى

[ايمان طلعت]

الندم اول الطريق الصحيح للمصالحه
و الاعتذار واجب
لكن احذر هناك غلطات لا يمحيها كلمه اسف

[Lamees]

في اسف مش بيقدر يداوي جراحنا
راقية كلماتك خالد
تسلم ويسلم القلم

[Eng Esraa]

آسف يا قلبي اني علقتك ف أحبة

علقوك في جروح ما ينفعلهاش أطبة

وإني بعدتك عن ناس بتحبك

وقربتك من ناس في حضنهم حسيت بالغربة

جميلة اوي ..
تسلم بجد كلماتك جميلة

[*فجر الاسلام*]

والاسف كل الاسف لنفسنا والله مش لحد تانى
تسلم ايدك جميله اوى الله يسعدك
تحياتى

[بقايا عشق]

آسف يا أمنياتي اللي فاتت

آسف يا ذكرياتي اللي فاتت

شفتكم بتنتهوا قدام عيني

ما عملت حاجة وفضلت ساكت

..
..
..


حروف لآمست القلب

ليتذكر ضجيج المآضي !!

دمت ودام تألق حرفك

لك ودي