سعيد عنده صالة حديد !!

[متفائل في زمن اليأس]

سعيد عنده صاله حديد
الحلقه رقم (1)
سعيد والد مكافح بيكافح فى اى حاجه يعملها ولد من ال تحس انه هيعمل حاجه ايه هى متعرفش ولا سعيد يعرف برضه ايه هى بس تحس انه هيعمل حاجه فى حياته بس ظروفه هى ال ملطشه معاه ولو اتعدلت مره ياااااااااااااااااااه خد منه احلى شغل
بداء سعيد كفاحه من قبل ما يتولد................. اه مش تستغرب سعيد من قبل ما يتولد بداء كفاحه
كافح انه يتولد فى الشهر السابع بس ربنا مش اراد واتولد زى معظم الاطفال فى الشهر التاسع وكمان بعمليه قيصريه
كافح انه يبداء ياكل عشان يتفطم لكن جاله تلبك معوى من الاكل ال كله برغم من انه كل سيرلاك للاطفال
كافح انه يمشى بدرى بس كل محاولاته فشلت وكان بيقع ديما
كافح انه يخش المدرسه الابتدائيه بدرى سنه وفشل عشان سنه
كافح انه يخلص الابتدائيه بسرعه طلعت ليه سنه 6 وعطل سنه
كافح انه يخلص اعداديه ويجيب مجموع كويس عشان يخش مدرسه ثانوى عام تجريبى لكنه نجح ب 62%
كافح انه يخلص الثانويه ويكون من الاوئل بتوع الجمهوريه ال احنا بنشوفهم فى الجريد والتلفزيون لكنه نجح بالعفيه وجاب 55%
كافح انه يخش اى كليه عسكريه لكن نظرا لان جسمه صغير ورفيع ونظره ضعيف ومينفعش حتى يخش اى سلاح فى الجيش حتى سلاح التلميذ اترفض
دخل بعدها معهد خدمه اجتماعيه سنتين وفضل برضه يكافح واخير خلص المعهد فى خمس سنين بفضل دعاء الوالدين
واتخرج اخيرا
.....................................يتابع فى حلقه اخرى

[سيزر]

مشكور على المجهود

[bossy 2009]

ميرسي الموضوع جميل بس فين الصاله اللي من حديد