ادي النهاية

[a7med -3del]

انا اللي بغلطة عاش عمره في ويل وهموم
بدفع تمنها سنين جراح ودموع في كل يوم

وبعيش علي ذنب زمان.. كل سنيني اللي جاية
الاختيار حتي القرار.. بقي فعلا مش في ايديا
اتحكمت فيا ظروف.. توهة كبيرة وزحمة مشاعر
حتي المقبول مرفوض.. وخلاص مبقتش قادر
وبعيش افراح في جراح.. نسخة منها وهيا هيا

وانا هاعمل ايه.. ايوة عارف كنت بغلط. لكن كفاية
ازاي اعيش بذنب عملته يوم . مكسور كده للنهاية
بقي بيني وبين الموت خطوات.. عايش باحساس واحد مات
ولا قادر اقول مش قادر.. مانا قلبي كان مليان خطايا

ايوة توبت من كل حاجة . وكل حاجة بجد رفضتها
ذنوب عيوب. وانا يادوب. فاكر حياتي لحقتها
والحقيقة اني متعلق في حبل واخره دايب
ضاع مني اغلي عمر.. والي فاكرهم حبايب
هما اول ناس سابوني.. واخدو بايديهم عزايا
وادي النهاية

Ahmed Adel
10/7/2017

[*فجر الاسلام*]

اوقات كتير بنفتكرهم جبايب
ومابيطلعوش اى حاجه
الله يسعدك
حلوه اوى نورت يدوم ابداعك

[دمعه حائره]

معاتبه النفس من وقت للتانى حاجة مهمه
والكلام طالع من القلب بمنتهى الاحساس
تسلم ويدوم الابداع

[احساسى صحيح]

روعة احساسك ابو عادل
احلى حاجه فيك احساسك البسيط الل طالع م القلب
يدوم يا صاحبى
وكل سنة وانتا طيب

[بقايا عشق]

برغم ما تحمله همسآتك من أحزآن

الا انها تميزت بالكثير ..

احساس صادق

جعل حروفك تتألق هنا بين السطور

لتلامس القلب بكل سلاسه

حفظك الرحمن وأسعد قلبك

مودتي