سؤال ترفيهي للنقاش '

[bobaOo]

..

السلام عليكم ورحمة الله وبركاته
خطر ع بالي سؤال ممكن تقولو عليه سؤال للتسليه ترفيهي يعني..حبيت اشرككم بيه واشوف اراءكم ف الاجابة عليه..

السؤال هو:

إيه إحساسك لما تنزل توبيك ومحدش يعبرو ولا يرد عليه ولو حتى بمشاركة واحده !؟ بالذات لو حصري!

هههههههه
نا عن نفسي ببئا بتمنى اني احذفه ومكونتش نزلته او الارض تنشق وتبلعني هههههه
انا حصلت معايا كتير ف الحصري بس ان اعضاء تدخل ومتشاركش يعني تتفرج من بعيد لبعيد
والمواضيع الي مش حصريه دي هيا الي محدش بيشارك فيها بس برضو بضايق من حتة المشاركات0 دي


.
شاركوني رايكم

[*فجر الاسلام*]

ههههه حلو السؤال يا هبه
بوصى انا بحس انى كتبت حاجه لو خاص معفنه اوى ومحدش عاوز يقرب منها من كتر الوحاشه اللى فيها
بس ماجربتش تبقى صفر فتره طويله حد بيعبرنى الحمد لله ف الاخر
لا الغير حصرى ده اتعودت عليه انه يبقى صفر
وربنا يصلح الحال
تسلمى بوبا

[رعد السـماء]

طبعاً هو شعور وحش أوووي ولا يشجع على الاستمرار
حصل معايا كتير ولكن مش لدرجة الصفر
أكيد بتضايق وبتخنق
ولكن اللي مصبرني إنها حالة عامة في المنتدى

أيام الدراسة والامتحانات قلنا يمكن بسبب الدراسة
وبعدها قلنا يمكن بسبب رمضان والعيد
ودلوقتي بنقول يمكن بيصيفوا
هههههههههه

تسلم الأيادي bobaOo
وأشكرك على الدعوة الكريمة

[Eng Esraa]

السؤال مش ترفيهي خالص ع فكرة هو شئ واقعي الايام دي
هههههههه
هو المنتدي فيه كمية خمول لا توصف بصراحة
بس الردود شبه موجودة بس مش كالعادة
ربنا يسهل و الامور ترجع تتظبط

[bobaOo]

اقتباس المشاركة الأصلية كتبت بواسطة *فجر الاسلام* ههههه حلو السؤال يا هبه بوصى انا بحس انى كتبت حاجه لو خاص معفنه اوى ومحدش عاوز يقرب منها من كتر الوحاشه اللى فيها بس ماجربتش تبقى صفر فتره طويله حد بيعبرنى الحمد لله ف الاخر لا الغير حصرى ده اتعودت عليه انه يبقى صفر وربنا يصلح الحال تسلمى بوبا

هههههه
تسلميلي قلبي
نورتيني

[bobaOo]

اقتباس المشاركة الأصلية كتبت بواسطة رعد السـماء طبعاً هو شعور وحش أوووي ولا يشجع على الاستمرار حصل معايا كتير ولكن مش لدرجة الصفر أكيد بتضايق وبتخنق ولكن اللي مصبرني إنها حالة عامة في المنتدى أيام الدراسة والامتحانات قلنا يمكن بسبب الدراسة وبعدها قلنا يمكن بسبب رمضان والعيد ودلوقتي بنقول يمكن بيصيفوا هههههههههه تسلم الأيادي bobaOo وأشكرك على الدعوة الكريمة

ههههه
وهنفضل نقول يمكن ويمكن لحد منموتت
نورت رعد السماء
تسلم ع المرور
ودي
.

[bobaOo]

اقتباس المشاركة الأصلية كتبت بواسطة eng esraa السؤال مش ترفيهي خالص ع فكرة هو شئ واقعي الايام دي هههههههه هو المنتدي فيه كمية خمول لا توصف بصراحة بس الردود شبه موجودة بس مش كالعادة ربنا يسهل و الامور ترجع تتظبط

..

نتمنى يسيرو
نورتي يقلبي
ودي

.

[فداااااااااااء]

فى الغالب بيحصل ردود بسيطة ودا بيرجع لحالة النشاط
شوفى يا بوبا الفرد منا ينزل ليه موضوع هنا اكيد علشان يحصل على تفاعل معاه والا كان من الاولى ينزله فى مكان تانى ويلاقى تفاعل معه احسن
انا بشوف لو العضو مالاقش تفاعل لكتاباته اللى بيعرضها يبقى من الافضل انه يحذفها وخلاص
ويشوف مكان تانى يقدر كتاباته الا بقا لو مكنش بيفرق معاه الرد وانما الزوار

بس الاهم من كدا ان الشخص لما يكتب موضوع يكون من فكره مش سارقه
لان البعض وللاسف بيسرقوا
سلمتى بوبا

[.Lamar]

مش عارفة يا هبة
انا مش هقولك انها مبتفرقش معاية
بنبسط بالتفاعل مع اى حاجة تعبت فيها
فاى حد هيزعل طبيعى
بس وجودى هنا من فترة
علمنى ان مش شرط الموضوع يكون مش حلو
لان الرد اوقات كتير بيكون حسب صاحب الموضوع مش جودة موضوعه
و بيدخل برضو فيها اه دة مبيردش عليا مردش عليه
عارفة رايى يصدم
بس دى الحقيقة

تسلمى هبة على النقاش الحلو

[اذار .]

بصي ،
انا ب افضل يكون الردود صفر ، على انه حد
يعلق بتعليق سطحي ، " يعطيك العافيه ، تسلم ايدك .. الخ "
كأني عامله طبخه ، مش تصميم مثلا بما ان الحصري بتاعي يخص الفوتوشوب .
ف انا ب اشوف ان المعاناه ان الرد يبقا سطحي مش انه يبقا صفر ،
مش بحب المجاملات في الرد ، او تكتب رد علشان زيادة
مشاركات مش اكتر ،
ف دا سبب برضوه يخليني مش اعمل حاجه حصري ،