ذكرياتي مع المنتدى

[Dr. AnOosHo]

صباح الخير عليكم جميعا

بقالي كام يوم بدخل على المنتدى بقلب لو في حاجه جديده اقراها بعد طبعا غياب فترة

وانا بقلب من يومين افتكرت احمد الماجيك وقولت فين ايام زمااان وفعلا بعتله على الواتس وطلبت منه يرجع المنتدى

دحلت على موضوع عضو في عيون الاعضاء كان عن واد حبيب لقتني بفتكر قد ايه كانت الايام حلوة وازاي كنت قبل مقول للي عندي في البيت صباح الخير ادخل المنتدى اشوف مين متواجد وايه الرسايل الخاصه اللي جاتلي واطمن على كل الاعضاء ... بعدها ابدا امارس حياتي

بعدت فجاه للخبطه في شغلي وحياتي الشخصيه

كنت قريبه من ناس وزعلوا لاني بعدت فجاه وفكروا اني ببعد لسبب زي لمار مثلا كانت من اقرب الناس ليا في المنتدى ...
بس فعلا معزتهم في قلبي زي ماهي



وجود الاعضاء القدام دافع جميل ان الواحد يرجع تاني لان بيلاقي ناس جميله كان يعرفها لسه موجوده

ووجود اعضاء جداد دافع برضه عشان ندخل ونتعرف عليهم ونتعرف على كتابتهم

من الحاجات كمان اللي لفتت نظري

بقلب في الشكاوي لقيت ليا موضوع مسخره مع الماجيك ههههه ... كنت ازاي بشد معاه ومضايقه انه حذف عضو .... وفي مواضيع تانيه ازاي كنا بنتناقش انا واعضاء تانيه كتير كاننا نعرف بعض فعلا ومش بس ورا شاشه

حقا وصدقا كل لحظه في المنتدى كانت ايام حلوة جدا ... ايامها حلوة بيكم وحتفضل حلوة بيكم

اتمنى كل اللي ساب المنتدى يرجع واتمنى اللي لسه موجود يفضل موجود والجداد اتعرف عليهم اكيد

يومياتي في المنتدى بجد كانت حلوة وكل قسم فيها له ذكريات جميله عندي

وفي الاخر اجب اقدم الاغنيه دي لكل واحد غاب ومرجعش

عودي يا بليه

[ندوشه 2011]

الحمد لله بالسلامه نورتي يا سكره عودي يا بليه هههههههاي

[Eng Esraa]

ياريت المكان يرجع زي الاول فعلا و احسن
ان شاء الله يرجعوا يتواجدوا كل اللي غايبين تاني
منورة القسم يا حبيبتي

[طبيب الهوى]

حمداً لله علىَ سلامتك يا بتي

والحمد لله أنك بخير وسلام

انتي كاتبة أعضاء قُدامىَ زي ما يكونوا قُدامىَ الحرب

وأعضاء جديدة نفسك تتعرفي عليهم وتقرأين لهم

طيب والأعضاء العواجيز اللي زي حالاتي يعملوا ايه بئا

أنوووووووووووش

ممكن نتعرف يا به

نورتِ مكانك يا دوك

إن شاء الله تعودين لنشاطك وتميزك

بمواضعيك القيمة وافكارك الرائعة

ويعود كل الغائبين ليعود المنتدى أفضل من قبل

تحياتي لشخصك وأسرتك الكريمة

أبو عصام

[.Lamar]

الاول منورة يا نوشة
تصدقى بالله انا دخلت لقيت اسمك
فى المتواجدين سالت عليكى فى ملفك
و جيت لقيت موضوعك
انا عارفة انك كنتى بتمرى بظروف صعبة
اتمنيت وقتها اكون جنبك مش اكتر
اصل الصداقة مواقف مش كلام
بس انتى فضلتى تقفلى على نفسك و تبعدى
فالزعل كان سببه معزتك عندى مش اكتر
كلامك فكرنى بحاجات كتير اوى
ربنا يرجع الغايبين و يخلى الجاى احسن
و انتى متختفيش تانى يا بنتى
و خليكى متواجدة معانا
نورتى يا بطة

[حـيـــــآة ❤]

نورتي من تاني حبيبتي

[bobaOo]

..

انوووووووش
حبيبتي حبيبتي
نورتي ي قلبي مكانك من جديد
ويارب تكون اخر الغيبات
ويارب يسمع منك والي راح يرجع

.

[*فجر الاسلام*]

اهلا نورتى من جديد
امممم مش بقالى كتير بس لحقت ايام الماجيك
ربنا يصلح الحال واللى كل اللى غاب يرجع

[دمعه حائره]

حمد لله على السلامه انوشه
وحشتينا والله ووحشنا نشاطك وخفه دمك
نسيتى تحكى على الشقلبات اللى جننت المنتدى
ياريت كل الغايبين يرجعوا
المنتدى هنا بيت لكل واحد فينا

[Just Ahuman]

منوره يا أنووش .. بس للأسف المُنتدي فقد الروح اللي كانت موجوده فيه والنشاط اللي كان موجود الأول تقريباً مش أنتي بس اللى غايبه .. فيه ناس كتير تانيه غايبه أنا كمان فضلت حوالي ست أو سبع شهور مدخلتش وأما دخلت مبقاش ليا نفس أشارك زي الأول .. ياريت الوضع يرجع زي الأول ومنوره مكانك تاني