معركة المانيكير

[طبيب الهوى]

إخواني وأخواتي & أبناءي وبناتي

أعضاء مُنتدانا الغالي

أسعد الله مساءكم وكل أوقاتكم بالخير والسلام

لاحظت في الفترة الأخيرة ترابط أخوي شديد بين فتيات المُنتدىَ

خاضة في قسم صفحات مكشوفة وصداقتهم المتينة

حتى أنهم جميعاً قاموا بعمل صفحة صراحة

لتكون ترابط أخوي قوي ومتين بينهم

وهذه صورة توضيحية للترابط الأخوي وسعادتهم ببعضهم البعض



أكيد بعد الصورة التوضيحية عرفتوا الفتيات

هجوره بعجوره

هابا هابا المجنونة

خلود خوخه عازفة الكمان

سهر اللي عمرها ما سهرت

فجر الإسلام فجوره الطيوبه

إيلانا بت ام اسماعين

مروة صاحبة الخروف الشهير

منة ريا

إيمان سكينة

لكن النهاردة لاحظت شيء غريب الظاهر حد دخل بينهم وحسدهم

فوجئت لما دخلت المُنتدىَ بمعركة شرسة بينهم

قلت يا ساتر يا ستار في ايه وايه حصل بينكم

ردت هاجر وقالت سوري يا عمو خليك بعيد عشان مش تتعور

وانا بضرب هابا هابا وفجورة والبت خوخه ام لسان طويل

عشان سرقوا المانيكير بتاعي واعطوه للبت سهر

ال ايه فرحها قرب وانا مالي يا عمو ياخدوا المانيكير بتاعي ليه

ما خطيبها يشتريلها

قلت ادخل واهدي النفوس بينهم عشان يرجعوا اصحاب تاني

اللهم أجعلني ممن يهدون النفوس دائماً

قلت لهاجر عندك حق يا حبيبة عمو على الاقل كان لازم هابا هابا

تستأذنك الأول لكن مين اللي سرق المانيكير بتاعك يا هاجر

قالت هبوشه وفجوره وام الخلول يؤيؤ قصدي خوخه اعمو

قلت اروح لـ هبة وفجر وخلود عشان افهم منهم

كان ردهم واحد بالظبط

يا عمو البت هجوره بعجوره نصابه عشان زجاجة المانيكير

كانت شبه فاضيه مفيهاش كميه تعمل ايد واحده

واحنا خدنا زجاجة ايلانا عشان نكمل الايد التانية للعروسه سهر

قلت اروح للبت إيلانا بت ام اسماعين عشان افهم منها

قلت يا ايلانا ايه حكاية المانيكير دي

قالت مانيكير ايه يا عمو المانيكير بتاعي في الشنطة

قلتلها لاء مش في الشنطة عشان البنات اصحابك سرقوه منها

عشان يزينوا ايد العروسه سهر

وفوجئت بالبت إيلانا بتصوت وتنوح بالبلدي



اه يا مانيكيري يانا يا اللي ملحقتش افرح بيك يا حبيبي

منكم لله يا حرامية وعاملين اصحابي وبتحبوني


رديت وقولتلها ابئي خلي بالك من شنطتك يا بتي

احسن يغفلوكي ويسرقوا منها المبرد ابو سوسته

ولا المصيبة يسرقوا صباع الروج اللي جبتهولك هدية

من خمس سنين فاكراه يا إيلانا

المهم قلت اروح اشوف البت مروه وصاحبتها الانتيم ريا

عشان يدخلوا يصلحوا بين البنات

كم أنت طيب يا أبا عصام

رحت عند ريا وقالت من يوم ما اتسرق خروفي يا خويا

اتصل على البت مروة واسمع صوت يقول

مااااااااااااااااااااااااااااااااااااااااء نعرفش

وسرقة المانيكير دي مكنتش موجودة زمان وانا إداريه منتخبه

أكيد البت سكينة ورا السرقة دي

ولما سألت سكينة ردت وقالت والله يا ابو عصام يا خويا

انا مشغوله وملخومه في التصاميم وشغل الاكسسوار بئالي مدة

وبريئة من اتهام اختي ريا اللي شكلها هي اللي مدبرة السرقة

عشان كان نفسها في المانيكير الفوشيا بتاع بعجوره من زمان

قلتلها بس اللي اتسرق المانيكير البينك يا سكينة مش الفوشيا

قالت بهدوء عجيب البت فجوره بتحب البينك يا خويا

يبئا هي اللي سرقته عشان كانت عينها عليه هي والبت خوخه

وأسأل صاحبة ريا الانتيم مروة اللي سرقت خروف ريا واختفت

رديت عليها وقولت يا سكينة مروة سرقت الخروف صح

بس انا اخدته منها واديتها الليه عشان تعمل عليها ملوخية

بعد ما خسرت صاحبتها يا عيني مخدتش غير الليه

قلت لنفسي بئا لازم تتدخل يا أبو عصام عشان تصالح بينهم

محدش هيصالحهم غيرك

أخدت الكاميرا بتاعتي وقلت اصور البنات وهم بيصالحوا بعض

وقلت انزل الصور هنا عشان الاعضاء يشوفوهم وهما اصحاب

زي ما كانوا قبل سرقة المانيكير

لكن من غير قصد صورت المعركة بينهم



دي صوره هجوره وفجوره

شايفين الرقه والحنيه بينهم



ودي صورة خوخة وهي ماسكه هبوشه بتحظرها من غضبها

واضح حبها للكمانجة والبيانو في الصورة الحقيقة



ودي صورة ريا وسكينة وهما ماسكين في بعض

ريا بتقول لسكينة بتفتري عليا وعلى صاحبتي الانتيم الحراميه

ده انا هقطعك النهاردة والدور الدور موعوده يا اللي عليكي الدور

شايفين البنات مبسوطين ازاي واضح حبهم لبعض

وواضح انهم اكتر من الاخوات كمان



ودي صورة العروسه سهر وهي بتضرب بعجوره

وبتقولها قضحتيني وانا بئا هقطع شعرك ولسانك

راحت البت إيلانا الطيوبه قالت لنفسها لازم تتدخل تصلح بينهم

وكان ده جزائها المسكينة




البت مروة المُفترية خطفتها وسفرتها موزمبيق تشتغل هناك

معلش بئا يا إيلانا عشان مش تسمعي كلام قلبك الطيب تاني




ودي صورة هبوشه هابا هابا

وهي ماسكه شعر اختها حبيبتها بعجوره

يا نهار يانهار كل ده عشان زجاجة مانيكير

طيب تعالوا المحل عندي وانا اهدي كل واحدة منكم زجاجة

اخر ما زهئت منهم قلت ابلغ عنهم وادخلهم الجيش واخلص منهم



ودي صورتهم بعد ما دخلوا الجيش

الحمد لله كسبت فيهم ثواب عشان بئوا رجاله



ودي صورتهم وهما بيزفوا العروسه سهر

عقبال عندكم بئا ابناااااااااااااات

وكفاية كده النهاردة عشان مرهق من الشغل

أبو عصام

[بقايا عشق]

😅😅😅😅😅😅😅😅

عسل والله أستاذنا الغالي أبو عصآم

بس ايه الخيآل الوآسع ده كله

ههههههههههههههه

ربنآ يسعدك ويفرحك

زي ما أسعدت القلب هنا

محبتي 😊😊

[^^khL oUD]

ههههههههههه وربنا فصلت ضحك هههههههه
جميييل اووي التوبيك ي عمو ابو عصام بجد مبهج ومضحك
تسلم ايدك
❤❤

[*فجر الاسلام*]

احلى حاجه الزفه دى اللى ف الاخر
بقينا تبع داعش ههههه باشكالنا دى
انا من مكانى هذا اعلن بكل هدوء انى ما اخدش حاجه
هههه تسلم استاذى ربى يسعدك جميل الموضوع

[bobaOo]

..

ههههههههههههههههههه
متأكد انها قزازة مونكير مش اطنان ذهب؟
ههههههه والله ضحكتني اوي

[Eng Esraa]

ههههههههه
جميل الحوار
تسلم

[فداااااااااااء]

انت دوما كدا اخى ابو عصام دايما مودينى بلاد حلوة ههههه

سلمت استاذى ودامت خفة ظلك

[حـيـــــآة ❤]

هههههههههه احيه ايه دا
اسمي مكتوب واتهزقت ههههه
كدا ياعمو

[طبيب الهوى]

😅😅😅😅😅😅😅😅

عسل والله أستاذنا الغالي أبو عصآم

بس ايه الخيآل الوآسع ده كله

ههههههههههههههه

ربنآ يسعدك ويفرحك

زي ما أسعدت القلب هنا

محبتي 😊😊

طول عمري عثل يا بقايا

عثل اسود ومهبب بعيد عنك

الحمد لله أني كُنت سبب في إسعادك يا بتي

واحد بيكتب أكيد بيكون خياله ليس له حدود

دُمتِ بود وَحُب وَسَعادة

أبو عصام

[طبيب الهوى]

ههههههههههه وربنا فصلت ضحك هههههههه
جميييل اووي التوبيك ي عمو ابو عصام بجد مبهج ومضحك
تسلم ايدك
❤❤

طبعا الصورة اللي انتي ماسكه فيها صاحبتك هابا هابا

من ايديها وبتحذريها فيها جت على هواكي صح

الأجمل وجودك فيه وردك عليه يا بتي

ربي يسلمك من كل سوء وشر آمين

دُمتِ بود وَحُب وَسَعادة

أبو عصام