الحلقه ١٢ من حلقات استضافه مع Eng Esraa

[واد حبيب]

السلام عليكم ورحمه الله وبركاته
اهلا اعضاء المنتدي الغالي منتدي بنات مصر
منتدي المبدعين والمحترمين والابداع العالي
عوده جديده بعد غياب طويل بحلقات استضافه لكن العوده لها طعم تاني عوده مع عضوه ليها بصمه جميله في المنتدي
رغم غيابها الكتير لكن موجوده بابداعها ودمها وقلبها الطيب
اهلا بيكم مع ملكه الابداع

منتديات بنات مصر - مشاهدة الملف الشخصي: Eng Esraa

تسلم يا محمد ربنا يخليك

اسراء
اهلا بيكي منوره الاستضافه
في اعضاء كتير هنا ميعرفوش عنك حاجه

عرفينا بنفسك

تمام .. تسلم ع الدعوة بقا
اسراء طبعا عارفين اسمي من المنصورة
مهندسة باترونست كان نفسي ابقي مهندسة اتصالات بس محصلش نصيب بقا .. الحمد لله

امته سجلتي في المنتدي وعرفتيه ازاي
بقالي 6 سنين .. عرفته لما كنت بعمل سيرش ع حاجة

مسجله في منتدي تاني ولا لا

لا

ايه اللي بيفرق المنتدي ده عن اي منتدي تاني

مجربتش ابقي موجودة ف منتدي تاني
بس هنا الاختلاف ان كل واحد موجود لحد دلوقتي
بيحرص ع نشاط المكان و بيحبه فعلا
خصوصا بعد تواجد السوشيال ميديا بطريقة كبيرة
و لسه بنتواجد هنا و ده يخلي اي حد يحب المكان

ايه سبب غيابك عن المنتدي الفتره اللي فاتت

كنت مشغولة جدا ف دراستي فعلا

بعد ما رجعتي ايه رايك في المتتدي

لمنا رجعت لقيت ان النشاط قل بدرجة كبيرة
بس هيرجع بدرجة اكبر ان شاء الله

وايه اللي اتغير فيه

مفيش حاجة اتغيرت غير اختفاء اعضاء بس

شايفه المنتدي عوز ايه علشان يرجع زي الاول

شوية اهتمام من الجميع و تفاعل اكتر بشكل صح

لو عندك فكره ترجع المنتدي قوليها

حاليا مش ف دماغي حاجة معينة والله
بس اكيد ف اكتر من حد عنده افكار غيري

شايفه مين من الاعضاء اللي لهم نشاط في المنتدي الفتره دي

مش عاوزة اقول اسماء علشان مش انسي حد
بس اكتر اللي بيتواجدوا عموما لهم نشاطهم

اسراء
ايه امنيك في الحياه

ان اخويا يكون بخير دايما

شي حلمتي بيه واتخقق

انا بحلم بس لسه مش حققت بس هيتحقق ان شاء الله

وشي نفسك تحققيه

حاليا معتش ف حاجة معينة بعد ما معرفتش اكمل هندسة اتصالات
بس خير اكيد الحمد لله

اسراء عايشه حياه سعيده ولا في حاجه مزعلها

ف حاجات مزعلاها و سعيدة بردوا هههههه

مفيش مشروع ارتباط قريب ولا حاجه

ادعيلي بس حاليا مفيش حاجة

اسراء ست بيت شاطره ولا فاشله في الحاجات

بيقولوا شاطرة

ندخل علي المدونه

امته عملتي المدونه

اول ما بقيت هنا تقريبا

وايه السبب في عمل المدونه

الاول مكنتش فاهمة بالظبط يعني ايه
بعد كده لقيتي بشارك كل حاجة ليا فيها
و ف اكتر الوقات بقعد اتفرج عليها من اولها للاخر

ليه اخترتي الاسم ده بذات

لا انا بغيره كتير بصراحة ف عادي

شايفه ان ده المكان اللي تقدري تتكلمي فيه برحتك

جدااا

شايفه ان ده المكان اللي تقولي فيه اسرارك

ممكن ..

ايه اكتر مشكله حصل ليكي في المدونه
لا مفيش مشكلة حصلت

مين الاعضاء اللي بتبعيهم باستمرار

انت و فجر و هاجر و لمار و اية و محمد عادل و ياسر
و كتير تقريبا

مين اكتر عضو بيبعتلك تقيم

محمد عادل

تقيم ضحكك اووي كان من مين

كان من حد مبقاش متواجد هنا ف ما علينا بقا

وتقيم زعلك كان من مين

لا مش زعلني بس مكنتش فهماه اوي كان من ادم Magic Dreams

ايه المدونه اللي عجبك اسمها

العــمــــر لــحـــ!!ــظـه•~

وايه السر لحبك للمدونه

ان فيها كل حاجة تخصني من سنين بشوف نفسي دلوقتي
و قبل كده كنت عاملة اواي

ايه الفرق بين الصفحات زمان ودلوقتي

الاحداث بتتغير اكيد

عوز منك تقيم لمشرفي القسم

الشراف ممتاز ف القسم و متابعة مستمرة

وايه النصيحه ليهم

اعملوا مسابقات ههههههه

احكي علي موقف
حصل ليها هنا في الصفحات

هو مش موقف بالظبط بس مشاركتي يوم ما كنت بجيب نتيجتي
السنة دي و كتبت المشاركة دي
محسيتش بكلمة اتظلمت قد ما حسيتها انهاردة !
و لا عيطت بطريقة زي اللي حصلت مني انهاردة غصب عني
لما حسيت ان فعلا خلاص معتش ف فرصة اوصل ل الحاجة اللي عوزاها
و بعمل علشانها بقالي 5 سنين ع فرق 2 او 3 % !

نتيجتي
92% تقدير ممتاز

كنت بتمني اكمل هندسة عام بعد هندسة الباترونست دي
بس ربنا اختار الحاجة الاحسن اكيد اللي انا لسه مش عرفاها
بس الاكيد انها مش هندسة .. الحمد لله
قدر الله ما شاء فعل
المهم ان الامتياز كمل معانا السنتين
هههههه
الحمد لله .
كان من اسوء المواقف اللي مرت عليا الفترة الاخيرة

قولي كلمه لمشرفي القسم واعضاء الصفحات

تسلموا ع متابعتكم و اهتمامك بتواجدكم ف المدونات
و اعضاء الصفحات كتير لهم كتابات عظيمة فعلا
بدون ذكر اسماء علشان مش انسي حد

سعيد جدااا بوجودك في الحلقه
تسلمي يارب علي اجابتك
تقبلي تحياتي

[*فجر الاسلام*]

اهلا اسراء منوره الدنيا
مدونتك جميله زيك وانا بحب اتابعها
استضافه حلو واجابات احلى ربنا يسعدك ويوفقك يارب
تسلم يا محمد على الموضوع يدوم التواجد

[سيناا]

ياعييييييين واخيرا عودة القاءات الجميلة مع ابو اياد

واختيارك ل اسراء عين العقل

دايما نقول العضو المناسب بالمكان المناسب

هل المرة حنقول العضو السوبر بالمكان السوبر

اسراء اثبتت انها من المشرفين الجامدين من خلال الابداعات الى بتقدمها لنا

واهتمامها الكبير بقسمها وتعاملها مع الاعضاء

حلقة رائعة تشكر عليها ابو اياد

[❤ ملكة حساسه ❤]

هلا يا اسو منورة الدنيا واتمنة اتعرف عليكى اكتر بقا

[Eng Esraa]

محمد
تسلم ع الاستضافه الجميلة دي بقا
انا كنت اسعد والله
مجهود جميل منك
يدوم نشاطك

[Eng Esraa]

اقتباس المشاركة الأصلية كتبت بواسطة *فجر الاسلام* اهلا اسراء منوره الدنيا مدونتك جميله زيك وانا بحب اتابعها استضافه حلو واجابات احلى ربنا يسعدك ويوفقك يارب تسلم يا محمد على الموضوع يدوم التواجد

تسلمي حبيبتي
انتي اجمل

[Eng Esraa]

اقتباس المشاركة الأصلية كتبت بواسطة سيناا ياعييييييين واخيرا عودة القاءات الجميلة مع ابو اياد واختيارك ل اسراء عين العقل دايما نقول العضو المناسب بالمكان المناسب هل المرة حنقول العضو السوبر بالمكان السوبر اسراء اثبتت انها من المشرفين الجامدين من خلال الابداعات الى بتقدمها لنا واهتمامها الكبير بقسمها وتعاملها مع الاعضاء حلقة رائعة تشكر عليها ابو اياد

لا كده كتير
هههههههه
تسلم يا سامر
ربنا يخليك

[Eng Esraa]

اقتباس المشاركة الأصلية كتبت بواسطة ❤ ملكة حساسه ❤ هلا يا اسو منورة الدنيا واتمنة اتعرف عليكى اكتر بقا

تسلمي حبيبتي
بنورك

[حـيـــــآة ❤]

منوره ياسيرو

ربنا يوفقك ف حياتك. يارب
ويحققلك كل ال بتتمنيه حبيبتي
تسلم ابو اياد

[رعد السـماء]

منورة يا إسراء
ردرودك كلها حلوة وموضوعية بس مش فاهم يعني إيه "مهندسة باترونست"
اشرحيلي كده بهدوء كأني قاعد في المحاضرة
هههههههه