الدبله

[Dr. AnOosHo]

اقتباس المشاركة الأصلية كتبت بواسطة .lamar هههههههه انا لو منه اعضك يا هنون يا بنتى الدبلة رمز للارتباط مش اكتر و اكيد هيحب يشوفها فى ايدك و كل الناس تشوفها و تعرف انك له طبيعى يتضايق يعنى يا هنون دة انا اهوه اتضايقت له هههههه بس فعلا بتبقى كبيرة عندهم و جارحة حاولى تتفهمى نفسيته و مشاعره زى ما بتطلبى منه يفهم انك مش بتحبي الخواتم ربنا يسعدك يا قلبي و يحلى ايامك ومنورة طبعا

والله يلمار انا شايفه ان الموضوع مش بيحب ايه ومابيحبش ايه الفكرة ان لو حاجه تافهه زي دي ومحصلش فيها تفاهم يبقى ازاي الصعب يعدي ... دي اكتر حاجه بفكر فيها انا مش بس بكلم عن فكرة الدبله انا بكلم عن ان في حاجات اهم واكبر بكتير ممكن الواحد يعمل عليها مشكله او يزعل عليها

اكيد طبعا راييك يحترم بس ممكن اسالك سؤال لما يكون هو شايف حاجه وانا شايفه جاجه واحنا الاتنين متمسكين بفكرة معينه وصعب نتنازل عنها الحل بقى ايه وقتها

عموما ربنا ييسر الحال تسلمي لي يارب على مشاركتك الحلوة

[Dr. AnOosHo]

اقتباس المشاركة الأصلية كتبت بواسطة حـيـــــآة ❤ اظن ان دي فضفوضه لطيفه مش نقاش ياهنون بصي هو انا شايفه انه عادي يعني انا لما بلبس خاتم مثلا فتره طويله بزهق عادي الدبله ممكن عشان هي الواجهه او العلامه المميزه لانك مخطوبه او متزوجه وكدا فادا موضوع ممكن يزعل اه انا لو اتحطيت بالموقف هزعل بصراحه وهمد بوزي بردو

لا متمديهوش ههههههههههه

بس برضه السؤال هنا مين اهم راحه شرك حياتك ولا الواجهه والناس ؟؟؟

نورتي يقمر تسلمي على مشاركتك

[Dr. AnOosHo]

اقتباس المشاركة الأصلية كتبت بواسطة ^^khL oUD بصي انا مش بحب الدهب خالص والشبكه كنت عوزاها فضه واتنفخت لما قولت كدا هههههههههه انا معاكي ان ف ناس بتضايق جدا منها وشيفاها ملهاش لازمه ال هو مش دبله يعن ال هتثبتلك بحبك وباقيه عيك ولا لا بس عشان دي عادات وتقاليد مجتمع ف مينفعش الدبله متتلبسش ف عقليات وفئات معينه هتطلعلك ف النص هتقولك اه دا شكلها مغصوب عليها اه دي شكلها مش بتحبه والجو دا والهري بتاع الناس هي بس عقليات بتتفهم الكلام دا وعقليات لا وف الاول وف الاخر دي عادات وتقاليد مجتمعنا تسلمي ع التوبيك يستحق النقاش

الله يفتحها عليكي بالظبط ده هري في النص
وللاسف احنا لسه مش عارفين نطلع بره العادات حتى اذا ماكنتش لا عيب ولا حرام
شرفتيني يخلود ومبسوطه انك فهمتيني

[Dr. AnOosHo]

اقتباس المشاركة الأصلية كتبت بواسطة eng esraa انا شخصياا لو مخطوبة و لقيته مرة قدامي من غير الدبلة هقلبها عليها اسود هههههههه معرفش سبب معين لكده بس بحس انها حاجة مهمة فعلا اي ان كان من الطرفين بس اكيد الاراء تختلف تسلمي ع توبيك يا جميلة

ربنا يستر عليه ... شرفتي يحبيبتي

[Dr. AnOosHo]

اقتباس المشاركة الأصلية كتبت بواسطة noble falcon هههههههههههه موضوع جميل أنوش عندي فكرة إلبسيها طول اليوم وإقلعيها لما تغسلي المواعين الدبله رمز مهم للقلب كمان احساس جميل في الخطوبة وفي الجواز شيء وهمي حياة تانية مش بس واجهة قدام الناس

هي اكيد احساس جميل اول مبنلبسها يوم واتنين وعشرة بعدها لو حد مش متعود على الخواتم وبيضايق منها مش حيبقى احساس جميل خالص ههههههه

شرفت برايك

[Dr. AnOosHo]

اقتباس المشاركة الأصلية كتبت بواسطة واد حبيب انا عن نفسي من يوم الخطوبه لحد دلوقتي عمري ما لبست دبله علي الرغم ان عندي ٣فضه لكن عمري ما لبستهم ولا البسهم خالص علشان مش بحبهم اصلا ولما خطبت قولتلها كده والموضوع عادي محصلش اي ازمه بسبب ده تسلمي علي موضوعك

طيب ده حاجه جميله قوي اهو يعني في حد مختلف عن العادات ومرن ....

[gold rose]

بصي بعد فتره هتتعودي عليها
وأكيد لو مش حاباها خالص كدا بلاها مش أزمه يعني
بس أنا عن نفسي لو لقيته قالع الدبله هخرب بيته

[Dr. AnOosHo]

اقتباس المشاركة الأصلية كتبت بواسطة aya 7ekaya بصراحه الدبله بحبها جدا وبحافظ عليها ولا كانها بنتى يعنى بقلعها لو بطبخ او بنضف علشان مايحصلهاش حاجه 0 الفكرة انها رمز للارتباط لكن لو هى بتضايقك ف عادى ده مش اجبار لان الدنيا مش هتقف عليها و لا انتو كده انفصلتو يعنى بس بالنسبالى لما نتخانق بقلعها بصراحه هبل كده

بالظبط يا ايوش هو ده اللي انا بتكلم فيه ... ان لازم المرونه في المواضيع البسيطه اللي زي دي خلاص بتضايقني يبقى نعدي الموقف

ربنا يتمملك على خير ومايحصلش بينكم مشاكل ابدا ولا تتخانقوا

[Dr. AnOosHo]

اقتباس المشاركة الأصلية كتبت بواسطة *فجر الاسلام* بوصى ممكن االموضوع يكون عادى ومافهوش حاجه مش الفضه اللى هيعبر عن الحب بس للاسف فى ناس بتعتبرها كده وطالما هو زعل خلاص مافهاش حاجه البسيها عشان خاطره مش مستاهله زعل ربنا يسعدك

والله يفجر مش رخامه ولا حاجه ولا انه عند بس حقيقه مبحبش الخواتم بتضايقني وانا لبساها ... تسلم حبيبتي على مشاركتك معايا

[Dr. AnOosHo]

اقتباس المشاركة الأصلية كتبت بواسطة gold rose بصي بعد فتره هتتعودي عليها وأكيد لو مش حاباها خالص كدا بلاها مش أزمه يعني بس أنا عن نفسي لو لقيته قالع الدبله هخرب بيته

هههههههههههههه يمكن انا لو لقيته قالع الدبله وعارفه ان معندوش مشكله مع الخواتم ممكن برضه اخرب بيته ههههههههه

الفكرة ان بدام في سبب مقنع الدنيا ممكن تمشي يعني

تسلمي على مشاركتك روز