تسيبيني إزاي

شاعر الحب الحزين · منذ /08-01-2017, 06:23 PM

بعد الحب ده كله تسيبيني إزاي

بعد ما رسمتك في عمري الجاي

كتبت باسمك أحلامي وأمنياتي

ورهنت بوجودك أيام حياتي

بعد ده كله تسيبيني هنت عليكي إزاي

خدتي معاكي أحلامي وأيامي

مشيتي وفضلت صورتك قدامي

إزاي تهون العشرة عليكي

إزاي تحلى الدنيا ف عنيكي

من غير حبي ليكي من غير غرامي

ليه الهجر يحلالك ليه قابلة بخصامي

ألف كلمة قلنا عشان نوصل لبعض

وبكلمة وحدة إحنا خسرنا بعض

هو انتي كنتي دنيتي ولا كنتي أوهامي

كنت حبيبك ولا كان بيخدعني فيكي كلامي

إزاي تسيبيني لما انتي بتحبيني

وليه مش قادر اصدق غيابك

كدابة لو قلتي إنك قادرة تنسيني

هتفضلي لإيمتا قافلة بابك

مش هترجاكي ترجعيلي وتحبيني

خليني ذكرى جميلة بكتابك

صعبة حياتي من بعدك

بس عمري ما كرهتك

في كل مناسبة هتلاقيني جنبك

بثبتلك قد ايه بحبك

من قلبي بدعيلك بالخير وبدعي لقلبك

إنك تلاقي الإنسان اللي يستاهلك

ش. ح. ح

Eng Esraa · منذ /08-01-2017, 06:28 PM

كنت حبيبك ولا كان بيخدعني فيكي كلامي

حلوة اوي !
شفتها عتاب و بس
بس جميلة جدا
تسلم

❤ ملكة حساسه ❤ · منذ /08-01-2017, 06:30 PM

وااااااو كلمات ولا اروع تسلم ويسلم قلمك الرقى

والحساس شاعر الحب كلمك مميز جدا

دام النشاط

تحياتى
ملكة

فداااااااااااء · منذ /08-01-2017, 06:43 PM

قلبك طيب ومحب بصدق غير انانى

سلمت اخى شاعر واسعدك الله بكل خير

دام نبضك الجميل اخى

^^khL oUD · منذ /08-01-2017, 11:42 PM

عتاب ولوم ومحبه
كلام جميل ي استاذ خالد تسلم ايدك

*فجر الاسلام* · منذ /08-02-2017, 06:18 AM

امممم هو ده الصدق فى الحب
بس متهيالى اللى يسبنا بالسلامه بقى مش هنمسك ف حد
تسلم ايدك شاعرنا بجد جميله
تحياتى

ندوشه 2011 · منذ /08-02-2017, 06:56 AM

معلش تعيش وتاخد غيرها

شاعر الحب الحزين · منذ /08-02-2017, 03:07 PM

اقتباس

المشاركة الأصلية كتبت بواسطة eng esraa


	كنت حبيبك ولا كان بيخدعني فيكي كلامي حلوة اوي ! شفتها عتاب و بس بس جميلة جدا تسلم

تسلمي يا اسراء الأجمل حضورك اكيد
نورتيني واسعدتيني بتواجدك الرقيق
ربي يوفقك ويسعدك يارب

شاعر الحب الحزين · منذ /08-02-2017, 03:11 PM

اقتباس

المشاركة الأصلية كتبت بواسطة ❤ ملكة حساسه ❤


	وااااااو كلمات ولا اروع تسلم ويسلم قلمك الرقى والحساس شاعر الحب كلمك مميز جدا دام النشاط تحياتى ملكة

تسلمي يا ملكة الإحساس
الأروع وجودك الجميل بين سطوري الصغيرة
نورتيني واسعدتيني بكلامك الحلو ده
ربي يوفقك ويسعدك يارب

شاعر الحب الحزين · منذ /08-02-2017, 03:14 PM

اقتباس

المشاركة الأصلية كتبت بواسطة فداااااااااااء


	قلبك طيب ومحب بصدق غير انانى سلمت اخى شاعر واسعدك الله بكل خير دام نبضك الجميل اخى

الله يديمك ما بيننا يارب يا فداء
تسلمي على روعة تواجدك العذب
نورتيني واسعدتيني بحضورك الطيب فداء
ربي يوفقك ويسعدك يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إزاي توقعي ولد.....	bobaOo	نكت - طرائف - وناسة - فرفشة	5	08-01-2017 10:11 PM
إزاي يا جدع	stefo	نكت - طرائف - وناسة - فرفشة	9	03-23-2013 08:38 PM
إزاي تهون	amndatarik	مواضيع عامة - ثقافة عامة	5	11-04-2011 07:38 PM
أنت فاهمها إزاي ؟؟؟؟؟؟؟	محمد شرف	قصص - روايات - حكايات ...منقولة	4	12-20-2009 05:11 PM
إزاى تحب زوجتك	عاشق الجمال	زواج - ثقافة زوجية - مشاكل الزواج	3	09-09-2009 11:49 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

تسيبيني إزاي

ابداعات الاعضاء العامية