ليه كلمات الحب بتموت بعد الجواز '

[.Lamar]

هههههه
ايه العنصرية دى ما تسيبي الناس كلها ترد
الحب عشان يعيش و يستمر
لازم الطرفين يتعبوا عشان يحافظوا عليه
كل طرف يشوف الطرف التانى محتاج منه ايه
انهم يحافظوا على مشاعر بعض
يقيسوا منسوب الحب لو بيقل
يشوفوا العيب فين و يصلحوه
بس بعد الجواز غالبا بيحصل
تكبير دماغ
و ادينا سوا و هنروح فين
غير مسئوليات الحياة و ضغوطها
اللى ليها دور برضو
و بتأثر كتير

موضوع حلو وواقعى بوبا
متابعة معاكم باقى الاراء
تسلمى

[عهود~]

مع ان هذا الامر يحتاج الى تجربة مثل ما تفضلتي
ولكن بطرح وجهة نظري

الحب والمودة بين الزوجين (في حياة بعض الأزواج وليس الكل ) ممكن يمر بفصول أربعة

واجملها بالتأكيد فصل الربيع وهو ينطبق على أيام الخطوبة وممكن السنة او السنوات الأولى من الزواج

وبعد ذلك تتغيير الحياة بظروفها المختلفة فهناك ظروف مشتركة
وهي لابد منها في كل حياة :

- وجود الأولاد وهو عامل يشغل المرأة عن نفسها .. لو لم تلتفت طبعا
- إدارة المنزل الذي في الغالب عندنا هو ملقى على المرأة
- والرجل واهتمامه بتوفير لقمة العيش للأسرة

هذه ألامور في حد ذاتها ليست هي السبب ، وانما السبب هو
عدم فهم الحياة والمسؤوليات وعدم إدارة الوقت

وممكن أقول ان هذه تسبب بفترة برودة في الحب وفتوره وليس موته


وهناك أمور تعتبر تقصير في حقوق خاصة ولعل المتزوجين اكثر معرفة بها
واني بتصور ان هذه تكون سبب موت الحب بين الزوجين
وليس فقط البرود والفتور

شكرا على التناول الجميل

[بقايا عشق]

بصي ياقمر

انا هتكلم عن الموضوع من وجهة نظري انا

هو مبدئيا صوابعك مش زي بعضها

وزي ما في حالات كتير

بتموت جواهم كل حاجه حلوه

في حالات برضو بيفضل جواهم

كل احساس حسوه مع بعض حتي بعد الجواز ..

وخلينا متفقين ان فعلا فترة الخطوبه

غير الجواز نهائي

لان طبعا في الخطوبه بيبقي اقصي الطموحات

ان كل واحد بيفكر امتي هيقابل التاني

امتي هيقعدوا يتكلموا وش لوش

بيبقي كل اللي شاغل تفكير الواحد

هو الشخص اللي بيحبه وبس .

علي رأي اللمبي ( الشوق الشوق الحب الحب )

ههههههههههههه

فبيبقي في مسئوليه اه علي الشاب

زي انه يحاول يحوش كويس عشان الشقه

وغيرها من المتطلبات

بس مش بتبقي نفس المسئوليه وهو متجوز

لانه وقتها بيبقي فيه في رقبته حاجات اكبر

مسئوليه بيت وزوجه واطفال

مسئول عن كل حاجه تخصهم كبيره وصغيره

فهنا طبيعي لازم الخطوبه تختلف عن الجواز !!

اما بقي للحالات اللي بتموت المشاعر بينهم

بعد الجواز فانا شايفه ان ده ممكن يكون

من الحياة الروتينيه

الروتين دايما بيجيب ملل بسرعه رهيبه

فلازم الطرفين يساعدوا بعض

علي التغير والتجديد دايما عشان يمنعوا

اي احساس ولو بسيط بالروتين .

الجواز عمره ما كان بان الراجل

بنك متحرك !!

حياته مقتصره علي الشغل وازاي يكبر دخله !!

ولا عمره كان ان الست تكون

انسان الي !!

حياتها مقتصره علي شغل البيت والاطفال بس !!
وازاي تلبي طلباتهم وطلبات جوزها بسرعه

لو كل واحد فينا فهم ده كويس

واتعاملوا مع بعض بتلقائيه وسلاسه

وسابوا مجال لمشاعرهم

من غير ما يكبتوها جواهم ويحبسوها

متهيألي ساعتها الوضع هيختلف جدا !!

اكيد بعد الجواز بيبقي في مسؤليات كتير

وكل مدي بتزيد اكتر

بس ده مش معناه ان كل واحد يلغي مشاعره

ويعيش كده والسلام

لازم كل فتره الزوج والزوجه يدوا نفسهم

فرصه ويخصصوا وقت ليهم هما بس

بعيدا بقي عن مشاكل الحياه

والمسؤليات والاطفال والضغوطات .

..

موضوع جميل حببتي

يطول النقاش فيه

تسلمي علي طرحك المميز الراقي

دمت بهذا التألق ياقمر

وعارفه اني ممكن اكون طولت حبتين كده

بس مش مشكله فدايا 😅😅

محبتي

[طبيب الهوى]

هكتبلك أنواع الحب في حياة الطرفين

الحب في الخطوبة فترة استطلاع قبل اندلاع الحرب

الحبيب يتكلم والحبيبة تسمع ( تسجل وتخزن )

الحب في اول سنة زواج

الزوجة تتكلم والزوج يسمع

( يندم على كل حرف نطق به أثناء الخطوبة )

بعد 3 سنوات من الزواج

الزوج والزوجة يتكلمون وأُمة لا إله إلا الله هي اللي تسمع

[شاعرة الرومانسيه]

ده الطبيعى
مفيش حاجه بتموته الا الجواز هههههه

[bobaOo]

..

نورتو يجماعه جميعا
كل واحد اثبت بطريقة
نقاشه وباسلوبه وحلل ايه الي ممكن
يقلل من الحب

تسلمو

[^^khL oUD]

بصي فتره الخطوبه عاديه وربنا كلها مشاكل وع حاجات تافهه هههههه
بس منكرش انها فتره حلوه برده وهيبقي ليها ذكريات لبعد كدا
بس ال بيحبوا بعض بجد مش هتموت كلمات ال حب ال م بينهم يعن مشكلمه ال هيقولها هي ال هتاخد م وقته شويه ولا كلمه البنت تقولها هي ال هتتعبها مثلا
بس ف ناس بتقولك عشان بعد الجواز بتبقي مسئوليه بقي وعيال الجو دا ف كتر خيرهم ف اي ولا ف اي
الاطفال مش عائق انكوا تقولوا كلمه حلوه لبعض ولا تحسسوا بعض ان الحب لسه موجود م بينكوا
م الاخر يعن هي بتختلف م كل اتنين بيحبوا بعض لان مش كل العقليات زي بعضها
كل واحد بدماغه

تسسلمي ي بوبا

[Dr. AnOosHo]

الحب مبيقلش الضغوط هي اللي ممكن تحسسك ان الحب قل يمكن الكلمات هي اللي بتقل لكن الحب مبيقلش طول ما في موده واحترام ...

[بحر القمر]

فاقد الشيئ لايعطيه
بمعنى اني اعزب والحمد لله
ربي يسعدكم

[Fatma eissa]

عشان هيعيشو في أرض الواقع
وروتين الحياة الي تحكم
وتلاقي كل حاجه اتغيرت
لأنه خلاص بقي ليه

وفيه جوازات بيكبر فيه الحب
وكلامه
موضوع قيم
ومهم