احـكـي عـنـكـ (6) مع حـيـــــآة ❤

[Eng Esraa]

ازيكوا بقا ^^
هنزل انهاردة توبيك جديد من احكي عنكـ
و هيكون معانا فيه حـيـــــآة ❤

خلينا نشوف اجابتها بقا ..



1 ــ لو التطلب منك تعرف نفسك قدام حد
اول مرة يشوفك هتقول ايه ؟؟

انا هاجر من اسكندرية كمان 3ايام همشي ف20سنه
بدرس في كلية الآداب قسم philosophy جامعة اسكندرية

تعديل .. انتي كملتي ال 20 خلاص

2 ــ اية اكتر الاماكن تحب التواجد فيها ؟
" هدوء ــ تجمع مع ناس كتير " ؟

لا انا الهدوء مبحبش الازعاج بس بحب الله ف نفس الوقت



3 ــ لو حد قريب منك جدا طلب رايك ف شئ ما
هترد بضميرك ولا بمجاملات ؟؟ و ليه اي ان كان الاختيار ؟

انا شخصيه مستحيل اجامل لأني دبش ههههه عمري ماجاملت

4 ــ مين أقرب الأشخاص ليك فى العائلة ؟

اختي طبعاً

ربنا يخليكوا لبعض يا حبيبتي



5 ــ صداقة الطفولة بتكون حلوة هل ليك أصدقاء
من الطفولة لحد دلوقتى؟

للاسف لا من فتره قصيره الخط بتاعي تلف
والارقام راحت معرفش عنهم حاجة ناو

6 ــ متسرع .. هادي .. عصبي .. " اه او لا " ؟؟

بالظبط وحطي تحت عصبيه مليون خط هههههه



7 ــ ما هي سلبياتك ؟؟

العصبيه الشديده بذات الفتره دي ومممم دبش

8 ــ ما هي ايجابياتك ؟؟

والله سؤال زي، دا غيري يجاوب عليه هههه
عشان مبحبش اتكلم عن نفسي



9 ــ ما هي أحلامك التي تم تحقيقها وما هي أقصى أمنياتك ؟

حفظت جزء كبير من اجزاء القرآن.. ونفسي احج جداً

10 ــ _كيف كانت طفولتك وما أهم المواقف التي تتذكرها فيها؟

طفوله مشرده ههههههه
لما كنت طفله اخويا اللي اصغر مني بسنه كان اقرب حد ليا وكنا بنلعب
ونكسر ونهبل كان بيطير وانا كنت بنفخ نار متفهميش ازاي ههههههه



11 ــ موقف حصل تتمني تكراره كل يوم
في حياتك وموقف لا تتمني أن تتذكره؟

مممم انا بحب اوي المواقف اللي، زي، دي.. مره حلمت
بمعلمتي اللي كانت بتدرسلي ف سنه اولي ابتدائي كانت
بتحبني اوي مره حلمت بيها وانا ف سنه سادسه يعني فرق 5سنين
مشوفتهاش حلمت اني شفتها ف العمره عند الصفا والمروه كنت فرحانه
اوي اصلها واحشاني وكدا.. بعدها ربنا قدر ان نطلع عمره بعد الحلم
بيومين واقسم بالله نفس المشهد بالظبط اتحقق وشوفتها
مواقف بقي وحشه اي مواقف اي لحظه تعب وموت لاي حد عزيز، بتقهر

12 ــ هل لديك هوايات معينة ؟؟

الرسم والكتابه والغلاسه ههههه

ههههههه انتي عسل مش غلسه



13 ــ متى تتولد الثقة بالنفس برأيك
وكيف تكون إنسانا ً نادرا ً إذا ما قورنت مع غيرك من البشر؟

الثقه بالنفس من وجهةة نظري لما تفوكك من كلام الناس
اللي، دايما بيجيب ورا.. انما فكرة ازاي، ابقي انسان نادر من
رايي اذا تحليت بالصبر وتجاهلت الاغبياء لان التجاهل دا نعمه
والله تخلي اللي، قدامك كدا ياخذ ذنوب عشان يحاول يهزك وانت
تتجاهله بقوه.. دي حاجة شايفاها نادره جدا بس الحمدلله انا بعمل
بيها والقليل اللي، بيعمل كدا لان الجزاء عند الله مش عندي انا

14 ــ إذا رأيت بكاء الرجال فأعلم أن هناك
أمر جلل هل تعتقد أن بكاءهم ينتقص
من رجولتهم كما يُقال أم أنه يُعبر عن أمر كبير أم ماذا برأيك ؟

لا بالعكس مش نقص ابدا وعلفكره في رجاله بتعيط علطول من كتر التعب
اكيد حاجة كبيره طبعا.. انما فكرة الا انا مبعيطش وعمري
وبتاع دي مصدقهاش واصلا مش من الرجوله انك تبقي بلا احساس
الرجل كائن حي بيحس زي كل المخلوقات يعني
الحيوانات هتحس وحضرتك لا الله يكرمك



15 ــ المرأة هي نصف المجتمع وهي
التي تُربي النصف الآخر أنت كفتاة ما هو
رأيك بحال المرأة العربية اليوم من حيث
الحقوق والمساواة والإلتزام بنمط العادات والتقاليد ؟

مفيش كل دا لا حقوق ولا مسواه ولا عادات وتقاليد.. وكله راجع لبعضه ازاي؟
المرأه السويه العاديه في علم النفس ادا انعدم شئ هتسحب من شئ اخر
مفيش حقوق مفيش مساواه. المرأه في حاله كبت كبت ايه كبت شغل
كبت خروج معامله سيئه عدم المساواه بينها وبين اخوها.. ودا طبعا
بيكبر لحد مايكون عدم المساواه، بين المراه والرجل ف المجتمع اصلا..
المرأه حقوقها انعدمت تماماً فهتضطر تسحي من عاداتها وتقاليدها
هتدور ع اللي هي عاوزه بطريقه غلط منافيه للتقاليد ايا كانت تقاايد اسريه اجتماعيه...
وطبعا مش اي حد عشان ردي ميتفتحش موضوع للنقاش بعدين

16 ــ رايك ف التوبيك من سلبيات و ايجابيات ؟؟

لا جميل جدا ومختلف وعطاني مساحه كبيره والله تسلمي ياعسل



نورتي يا جميلة و اجاباتك بسيطة
و حلوة زيك بقا

[سيناا]

طفولة مشردة ههههههههه

ربي يخليلك اختك جوجو

وينور دروبك ويعطيك ايام كلها سعادة

على طول مميزة بأجوبتك كتير حبيت الاستضافة

منورة ام الجوج

[بقايا عشق]

عسل والله ياهجوره

اجابات خفيفه وتلقائيه

حبيت الاستضافه جدا ..

تسلمي اسراء عليها

وعلي الاسئله الجميله

دمتم بكل حب

[طبيب الهوى]

جميل البرنامج يا إسراء

ومجهود قيم ومميز منك يا بتي

العصبية من الطيبة

هو أنتِ طيبة اهاجر

إجاباتك يا هاجر نابعة من قلبك ونقية مثلك

الله يسعدك يا بتي ويسترك ويحفظك من كل سوء وشر آمين

تحياتي لشخصك وأسرتك الكريمة

[.Lamar]

كنتى بتنفخى نار ازاى
قوليلى هههههه
طفولة ايه العسل دى
هاجر بنت جدعة جدا
عيبها عصبيتها فعلا
بس من جواها طفلة بحسها
محتاجة الامان و الحب
ربنا يسعدك يا حبي
و فهمينى هتمشى فى 20 ازاى بعد 3 ايام دى
مش عيد ميلادك عدى من كام يوم
غاوية تلغبطينا يعنى هههه
منورة يا جوجو بجد

تسلمى يا سيرو
حلقة تحفة بجد

[Muhammad_Adel]

هاجر ... شخصية من الشخصيات الجميلة هنا
ربنا يحفظلك أختك وأهلك جميعا
اجابات في غاية البساطة ،، نورتي
بتمنالك التوفيق في حياتك الأكاديمية حاليا ثم العملية والاجتماعية 😊
اسراء يا اسراء 😊
فكرتك غاية في الجمال 👍

[عاشقه الورد]

اجاباتك جميله زيك حبيبتي
تسلمي اختي اسراء ع المجهود الجميل

[حـيـــــآة ❤]

اسراء انا اول سؤال قلت اللمه مش الله هههههه
انتي ال عسل والله حبي تسلمي ع الحوار اللطيف

[حـيـــــآة ❤]

اقتباس المشاركة الأصلية كتبت بواسطة سيناا طفولة مشردة ههههههههه ربي يخليلك اختك جوجو وينور دروبك ويعطيك ايام كلها سعادة على طول مميزة بأجوبتك كتير حبيت الاستضافة منورة ام الجوج

ههههههه مشرده ع الاخر:d
منور سامر تسلم اخي

[حـيـــــآة ❤]

اقتباس المشاركة الأصلية كتبت بواسطة بقايا عشق عسل والله ياهجوره اجابات خفيفه وتلقائيه حبيت الاستضافه جدا .. تسلمي اسراء عليها وعلي الاسئله الجميله دمتم بكل حب

انتي اللي عسل ياقلب هجوره
منورانا
تسلميلي