آخـــر مــره

[*فجر الاسلام*]

السلام عليكم ورحمة الله وبركاته كل مره نحط نقطه ونقول دي خلاص اخرها ولبعض ناخد لقطه عشان يبقي العقل فاكرها كل مره نقول خلاص انتهت كل الحكايه بس يرجع الاحساس يجيب تانى البدايه كل مره بننهي فيها كل لحظه من المحبه ونقول بكره نداويها بس الفرقه والله صعبه كل مره نقول مشينا ولمينا فعلا ذكرياتنا وف شنطتنا دي حطينا كل موقف من حياتنا ولما نبقي خلاص هنرسي علي شط البعاد نلاقي قلبنا مايقسي ويرجع تاني المعاد امتا مره بس نقدر نمشي ومانرجعش تانى وقلبنا مره يصبر ويبطل يبقي اناني ويفكر مره ف حالنا وياخد بجد القرار يخلص خلاص سؤالنا وينتهي بنا المشوار وتبقي فعلا اخر مره وندوس ع اللي فات حتي لو هتبقي مٌره حتي لو قلبنا مات بس تبقي اخر مره فجـــر 3/8/2017

[Eng Esraa]

كل مره نقول خلاص انتهت كل الحكايه
بس يرجع الاحساس يجيب تانى البدايه


حلوة اوي كتابتك
تسلمي

[عاشقه الورد]

مش هتبقي اخر مرة عشان قلوبنا ضعيفه
بس هيجي يوم وهتقسي ومش هنرجع تاني زي الاول


كلمات غايه الروعه والجمال
بحب كتاتبتك اوووي
واحساسك بيوصل للقلب
دمتي بود

[*فجر الاسلام*]

Eng Esraa
مرورك الاحلى حبيبتى
نورتى

[*فجر الاسلام*]

عاشقه الورد
عندك حق
للصبر حدود برضو
يشرفنى طبعا حبيبتى انتى الاجمل وتواجدك اجمل
نورتينى الله يسعدك

[إيلاانا]

هذا شعور طبيعي بيمر به القلوب الطيبة التقية الصافية
كلمات رائعه معبرة
سلم نبض إحساسك
لك خالص التقدير والاحترام أسعدك الله
إيلانا

[احساسى صحيح]

مشاعر صعبة
حسيتها ولامستنى جدا
اجمل حاجة انك بتعرفى تعبرى عن نفسك
وبدون ما تخرجى عن القالب الادبى
دام تميزك فجر
احترامى وتقديرى

[دمعه حائره]

اللى فات مستحيل يفوت ويبقى ماضى
حتى لو حاولتى بيفضل حاجة تفكرك بيه
كلمات رائعه فجر تسلمى

[*فجر الاسلام*]

إيلاانا
وجودك الاروع غاليتى
تسلمى من كل شر
نورتينى

[*فجر الاسلام*]

احساسى صحيح
يسلم وجودك
الله يسعدك بيشرفى ويسعدنى رايك
تسلم نورتنى