احـكـي عـنـكـ (7) مع احساسي صحيح

[Eng Esraa]

ازيكوا بقا
هنزل انهاردة توبيك جديد من احكي عنكـ
هيكون الضيف احساسي صحيح (ياسر)
تعالوا نعرفه اكتر بقا ..





1 ــ لو التطلب منك تعرف نفسك قدام حد
اول مرة يشوفك هتقول ايه ؟؟

اسمى ياسر
من طنطا
وعمرى 33 سنة وشوية كدا
حاصل على بكالريوس تجارة
بشتغل محاسب فى شركة خاصة ..


2 ــ اية اكتر الاماكن تحب التواجد فيها ؟

اكيد البحر
اكتر حاجة برتاح نفسيا لما اكون قريب منه
بشعر براحة نفسية كبيرة وبنسى اى مشاكل
او هموم بتكون عالقة بيا

" هدوء ــ تجمع مع ناس كتير " ؟

اكيد الهدوء وده بلاقية زى ما قولت وانا قرب البحر



3 ــ لو حد قريب منك جدا طلب رايك ف شئ ما
هترد بضميرك ولا بمجاملات ؟؟ و ليه اي ان كان الاختيار ؟

اكيد هقول الحقيقة وبضمير
بس على حسب نوعية الموضوع إذا كان حساس وسيأتى
بنتيجة عكسية أو يأثر عليه صراحتى
ممكن ببعض الكياسة ما احرجه
او اسبب له اى جرح واوصلة النصيحة بطريقة
لا تؤثر عليه نفسياََ
سواء حتى كان مقرب منى او حتى غير مقرب ..

4 ــ مين أقرب الأشخاص ليك فى العائلة ؟

الجميع قريبين منى وبحتاج لهم كلهم
مفيش حد عندى مفضل عن الاخر
او اقرب من الاخر..



5 ــ صداقة الطفولة بتكون حلوة هل ليك أصدقاء
من الطفولة لحد دلوقتى؟

يااه
كتيرررر جداا
وبتيجى لحظات نفتكر شقاوة زمان
ونفضل نضحك على الهبل إللى كنا فيه

6 ــ متسرع .. هادي .. عصبي .. " اه او لا " ؟؟

مفيش بنى ادم لا يجمع كل تلك الصفات
لأننا ببساطة بشر ونتفاعل مع ما يحدث حولنا
ولكن الانسان مع الوقت وكل ما يكبر بينضج
واكيد العصبية بتقل والغضب ممكن نقدر نحتوية

صح جدا ..



7 ــ ما هي سلبياتك ؟؟

انا مقدرش احدد سلبياتى
ولكن ممكن الناس تشوفنى عصبى
اعترف بده فعلاََ
وبثق فى الناس بسهولة
ويمكن حساس بدرجة كبيرة

8 ــ ما هي ايجابياتك ؟؟

بردوا صعب احدد ايجابياتى
اسيب الاجابة للسؤال ده للناس



9 ــ ما هي أحلامك التي تم تحقيقها وما هي أقصى أمنياتك ؟

الاحلام لا تنتهى زى ما كتبت قريب
حققت القليل وما زلت اطمح للكثير
امنياتى ان بلدى ترجع تانى زى زمان ويعود الاستقرار
ويتوقف القتل والدمار والتهجير

10 ــ _كيف كانت طفولتك وما أهم المواقف التي تتذكرها فيها؟

هى كانت شقية شويه واغلبها مغامرات ههههه
والمواقف كتير بس حاليا مش متذكر بالتفصيل



11 ــ موقف حصل تتمني تكراره كل يوم
في حياتك وموقف لا تتمني أن تتذكره؟

شخص حبيته حصل مواقف جميلة كتير بينا
اتمنى تعود وتتكرر ..
موقف لا اتمناه ،
مواقف الموت عموما
وانا حضرت تقريبا مواقف وفاة والدى ووالدتى وشقيقى الاكبر وزوج شقيقتى
مواقف صعبة لا اتمناها لاحد ربنا يحفظ الجميع

ربنا يرحم لجميع و يجعل مثواهم الجنة

12 ــ هل لديك هوايات معينة ؟؟

بحب لعب كورة القدم مع اصحابى
ومتابعة مباريات الكورة بشغف
وبحب السفر كتير لمناطق ودول مختلفة
واكيد هواية الكتابة دى عشق لوحده



13 ــ متى تتولد الثقة بالنفس برأيك
وكيف تكون إنسانا ً نادرا ً إذا ما قورنت مع غيرك من البشر؟

تتولد الثقة بالنفس من الايمان والثقة فى الله
بتنعكس على الثقة بالنفس ..
مفيش إنسان نادر
فى إنسان سوى بيحاول يكون نافع للمجتمع
ولنفسه والمحيطين به ويقوم بكل ما يطلب منه
من واجبات بإمانه وضمير
وما يأذى احد او يتسبب فى أذى لأحد ..


14 ــ إذا رأيت بكاء الرجال فأعلم أن هناك
أمر جلل هل تعتقد أن بكاءهم ينتقص
من رجولتهم كما يُقال أم أنه يُعبر عن أمر كبير أم ماذا برأيك ؟

لا طبعا لا ينتقص من رجولته
لأن الرجل هو فى الاول والاخر بشر
بيـتأثر بما حوله ومشاعره ليست ملكه
وبالتأكيد الاحداث الكبيرة تؤثر به ..



16 ــ رايك ف التوبيك من سلبيات و ايجابيات ؟؟

نوعية الاسئلة جديدة وده اكتر حاجه جذبتنى للموضوع
واستمتعت جدا بالاسئلة والاجابة عليها

انت اكلت السؤال ال 15 ليه طيب !
عموما تمام .. منور بقا يا ياسر
و ربنا يوفقك ف حياتك يا رب

[ندوشه 2011]

ما شاء الله عليك ربنا يحميك ويحفظك ويكتب لك الخير اخي وهنيالك يا فاع الخير هههههههاي تسلمي حبيبتي

[Fatma eissa]

منور البرنامج ياياسر
واجوبتك علي لاسئله
أعجبتني
جدا
تسلم ايدك ياسراء علي البرنامج الجميل
الي من خلاله نتعرف علي لاعضاء اكتر
ومجهود مميز منك

[^^khL oUD]

ياسر طبعا م الشخصيات الحلوه اوي هنا ومدونته جميله
وم شاء الله اجاباته تلقائيه وحلوه ^^
تسلمي ايدك ي ايسو ع الاستضافه

[إيلاانا]

كل الشكر لك اختي أسراء على الاستضافة الرائعة لشخص راقي
وشخصية من الشخصيات التي لفتت انتباهي بسرعة منذ عرفته من كتباته وقلتها مرار
والآن اخي ياسر من الاقلام التي تكتب يشجاعة من غير مجاملة يكتب بالحق وقلمه قوي
الي جانب انه يكتب ايضا بحس مرهف جدا فقد استطاع الجمع بالقوة والشجاعة
والثورة عند الخطأ ومنه والحب والحنين والمشاعر الرقيقة فهو إنسان يحمل بين
جنباته قلب طيبا مسالما ذلك ما استشفيته وأشعرت به من خلال ما قرأت وعرفت عنها
ايضا هنا راقت لي أجوبته التي تظهر لنا بل وتؤكد مدى طيبته ورقيه
فحقا أكرر شكري لك وله
أتمنى من الله ان تحقق كل أمنياتك ويبعد عنك كل حزن وضيق
وان يسعدك ما حييت
لكما مني خالص الشكر والاحترام والتقدير
دمتما في حفظ الله ورعايته
إيلانا

[الفيلسـوف]

ياسر من الشخصيات الجميله وقلمه جميله فعلا ربنا يبارك فيه ويحفظه ونسلمى يااسراء لبرنامجك الجميله

[*فجر الاسلام*]

منور ياسر وحلوه الاجابات
ربنا يحفظك ويرضى عنك
تسلمى اسراء
تحياتى

[سيناا]

منور ياسر الورد سلسلة احكي عنك

طول عمرك اديب بتفكيرك وتصرفاتك

ربي يسعدك يا صديقي

[❤ ملكة حساسه ❤]

منور البرنامج يا ياسر
وهلا وسهلا بيك

تسلمى Eng Esraa

[دمعه حائره]

الاسئله جديدة واجابات جميله
ياسر من الشخصيات المؤثرة هنا فى المنتدى
وقدم للمنتدى كتير ابداعات ويمتلك موهبه مميزة
نورت الحلقه وربنا يوفقك فى كل حياتك
تسلمى اسراء