كرتون بالشعر العامي

[fanaa]

السلام عليكم
هو أنا جت فى دماغى فكره قولت أعملها معرفش لو كانت اتعملت او لا قبل كدا بس يله مش مهم
الفكره هو انها هنجيب صوره الكرتون المفضل لينا وهنوصف الحدث الا حصل فيه بالشعر. الصوره كرتون عشان محدش يجبلى صور عاديه لاء كرتون واكتب ما تريد بقى ان شله سبع سطور
وأنا هبدأ بالكرتون العالمى شركه المرعبين المحدوده

أول صوره


أنا بس فتحت دولابى لقيت
عالم مليان بالاشباح
وغريبه أنى أخترتك أنت
ولبابى معاك المفتاح
ليه خايف كدا وأزاى خايف
وفى خوفك ليه انا مرتاح
انا بشريه بس شقيه
هدى من قلقك وأرتاح :

تانى صوره


وحشتينى ... وحشتينى
فراقك والله على عينى
يانور عينى وحشتينى
بعادك عنى زادنى جروح
وروحى ناقصه بعدك روح
فاضلى انا ايه
أعيشلى عليه
دا بعدك كل حاجه بتروح
وحشتينى


وأزاى
قدرتى بضحكتك
تحوليه فيدمنك
فبات خايف
ومش شايف
فى ليل عنيه
غير دنيتك
أزاى قدرتى بالبراءه
تسحريه
أخدتى قلبو وبجراءه
خبتيه
وفى لحظه عابره
خلتيه
من وحش ليل لقطتك
فأزاى قدرتى بضحكتك


هامشى يابو
وهقفل باب العشق لقلبك
وهلعن يوم جمعنا وشفتك
وتبقى الذكرى بعينى تابلو
همشى يابو

وتانى كرتون وبحبه جدا طبعا بومبا وتيمون ونقول لأول صوره


مش هترجى ولا أمسك فيك
يعنى يابومبا يأغلى اصحابى
منتش فارق بالتأكيد
ولو على ايامك هنساها
بس بجد يابومبا أنا زعلى
على عمرى ابدا ما عليك
مكنتش اد الصحبه يا صاحبى
فامشى يا بومبا وسبنى وحيد
وتانى صوره

والدنيا
أجلها شمال تيجيلى يمين
تلوعنى تزيد فى حنين
ومش عارف طريقى منين
معندانى ... وكسرانى
انا فعلا يابومبا حزين
aya_yousef
يارب تكون عجبتكو الفكره واشوف مشاركات حلوه

[.Lamar]

حلوة الفكرة فنا هههه
انا بحب الكارتون اوووى
بس مش بعرف اكتب خواطر
محاولتش قبل كدة
هتفرج و اشجع بأة هههه
تسلمى يا جميلة

[۩۩ elMagic ۩۩]

ماشاء الله يابنت والدي
الله ينور



والله لفيت كتير
ما لاقيت افضل منك أرخم عليه
اعمل فيك ايه يا جوجو
قدرك كدا .. استحمل بقى يا بوب
# وليدة اللحظة
والنبي عسل ههههه

[*فجر الاسلام*]

هههه حلوه الفكره
اممم مافيش حاجه بدماغى دلوقتى
تسلمى

[قلب وكلمات]

الفكرة جميله جدا
وبقترح لو حضرتك تنزلي صورة واللي عايز يكتب عليها
وطبعا اللي يجيب ويكتب

سؤال : الصور ليه مش ظهره عندي مفيش الا صورة الماجيك ؟

كل التقدير والتحية

[طبيب الهوى]

الله عليكِ يا بتي

الفكرة حلوة اوي وشيقة

كنت جبت كم صورة لبطوط وعم دهب

وكتبت عنهم بس عصام وريم ضحكوا عليا

رحت انكسفت ومش نزلتهم

كده بئا انتي شجعتيني انزلهم

فكرة قيمة جدا أُحييكِ عليها يا بتي

يثبت الموضوع تثبيت دائم

تحياتي وودي وورودي

أبو عصام

[طبيب الهوى]

أبنتي العزيزة

أنا مع رأي أخي أشرف

أحضري الصورة ونزليها في الموضوع

والأعضاء يكتبوا وأحلىَ تعليق يكسب 50 مشاركه

هدية من القسم

تحياتي وودي وورودي

أبو عصام

[دمعه حائره]

فكرة جميله جدا اول مرة تتعمل
والكلام فى منتهى الجمال

[fanaa]

اقتباس المشاركة الأصلية كتبت بواسطة .lamar حلوة الفكرة فنا هههه انا بحب الكارتون اوووى بس مش بعرف اكتب خواطر محاولتش قبل كدة هتفرج و اشجع بأة هههه تسلمى يا جميلة

هههههه جربى

[Lamees]

حلوة اوي الفكرة والاقتراحات موافقة عليها
وفي انتظار الصورة