مدونتى المفضله (6)....مع احساسى صحيح

[*فجر الاسلام*]

اعضاء بنات مصر يسعد ربى كل اوقاتكم واهلا بيكم فى حلقه جديده من مدونتى المفضله معانا النهارده صاحب الحرف المميز والاحساس العالى الاخ احساسى صحيح تعالو نشوف اختياره كان ايه ما هى المدونه المفضله بالنسبالك؟ فى مدونات كتير بتابعها وبتشدنى بس انا حابب اتكلم عن مدونة معينة لأن فيها اشياء أنا بحبها ونفسى بترتاح لها وبحسها متوافقة معايا فى أشياء كتير وهى مدونة سهر / ميلاد جديد ايه رايك فى اسم المدونه متهيئلى هى غيرت اسم المدونة اكتر من مرة والاسم الحالى تقريبا زى ما انا حسيت إنها حبت تبدأ بداية جديدة لها وانا حبيت الاسم جداَ لأنه بيشعرنى بالتفاؤل اى حد فينا فى بعض الاوقات بيحصله بعض الصدمات فى حياته وبيكون جواه نفسه ينسى ويبدأ من جديد .. ايه المميز فى المدونه المميز هو الخصوصية التى تختص بها سهر لما تحكى عن نفسها ويومياتها وتقربنا منها ومن حياتها وتشعرنا فعلا إننا إخواتها بجد من خلال متابعتك ايه تقييمك ليها مدونة إجتماعية أو اقرب للعائلية وده سر خصوصياتها تصنيف المدونه من بين المدونات زى ما قولت هى اقرب انها تكون عائلية ولها نمط مجدد وغير متفرعة فى اشياء لا تهم القارىء اكتر مشاركه عجبتك فيها؟ هى كانت كاتبة من فترة مش فاكر بالظبط امتى مشاركة كانت واقعية جدا وعبرت فيها فعلا عن جيل إتظلم جدا وهو جيلل التسعينيات .. انا بحثت عن المشاركة وجبتها أهى : .. .. بجد احنا جيل غلبان الجيل اللي هو من اول التسعينات ده لحد 97 شايفين ايام سوده واحنا لسا في عز شبابنا بنتمنى الموت واحنا اصلا لسا ملحقناش نعيش نسب انتحار كبيره جدا لشباب في العشرينات ممكن قله ايمان بربنا وممكن يكون تعب نفسي وعدم قدره على التحمل انا بستغرب حالنا بنصبر نفسنا بالحمدلله احنا احسن من غيرنا كتير بس ده مجرد تصبير للنفس احنا مش مقتنعين من جوانا نفسنا نلاقي الاحسن بس محدش مدينا فرصه ولا حد بيسمع لينا على فكره كل اللي بيتعامل معانا بيحسسك انه بيمن عليك وان ده مش حقك في الحياه .. .. ومشاركه ماعجبتك؟ مشاركة كتبتها مؤخراََ حسيت إنها كانت مدايقة جدا وذكرت أشيااء أنا زعلت جدا إنها ذكرتها ومش حابب إنى أكرر كلامها لأنى حاسس إنها ذكرته نتيجة ضغوط واقعه عليها .. ومشاركه غامضه مافيهمتهاش؟ معتقدش قابلنى اى حاجة غامضة لأنها بتتكلم ببساطة ووضوح لو طلبت منك نقد بناء تقول ايه عليها ؟ الصراحة انا مشوفتش منها حاجة اقدر أنى أنقدها ولكن ممكن إنى انصحها كأخ اكبر لها وأقولها بلاش تشاؤم يا سهر وخليها على الله ( قل لن يصيبنا إلا ما كتب الله لنا هو مولانا وعلى الله فليتوكل المؤمنون ) لو المدونه اتفتحت ممكن تكتب فيها ايه؟ إنتى شخص مميز جداََ وأنا سعيد إنى عرفتك وإتعاملت معاكى انتى الشخص الوحيد إللى محسسنيش بالحرج وانا بتعامل معاه يعنى حسيت إنك أختى فعلا بحق وحقيقى اطلب طلب من صاحبتها؟ تنزل ف المدونة طريقة عمل البيتزا علشان البنات الخايبين هنا تتعلم وجه كلمه لصاحبة المدونه؟ خليكى على طبيعتك وزى ما دايما عرفتك تعاملى بطبيعتك ولا تعيرى إهتمام لأى حد يدايقك وشكرا ليك العفو فجر وشكرا على أختيارى وربنا يوفقك انتى وسهر .. تسلم نورتنى ربى يسعدك

[واد حبيب]

حلقه جميله منك يا فجر
واختيار احساسي متميز جدااا
مدونه سهر فعلا جميله وتلقائيه
متميزه جدااا بكلمها اللي بيكون من القلب
تسلمي يا فجر علي الحلقه
نورت يا ياسر باختيارك الجميل

[❤ ملكة حساسه ❤]

حلقة ممتعة وجميلة جدا يا فجر
وكمان احساس صحيح اجباتة روعة

تسملى فجر

[حـيـــــآة ❤]

منور اخي، ياسر
مدونه سهر جميله فعلا
تسلمي فجرو

[Eng Esraa]

بحب جدا اجابات ياسر ف اي برنامج
و اختياره كان حلو جدا
حلقة مميزة
تسلمي فجر
منورين بقا

[Muhammad_Adel]

حلقة في غاية الجمال
إجابات وضيف رائعين بكل ما تحمل الكلمة من معني
مدونة سهر .. كانت أول مدونة أعرفها في الصفحات ( هي اللي عرفتني الصفحات ) شخصيا تابعتها فترة كبيرة جدا ولكن مؤخرا بس انقطعت المتابعة !
بكل أمانه مدونة فعلا تستحق المتابعة .
فكرة جميلة جدا منك يا فجر ،
متابع .

[سهـــر]

موضوع جميل وضيف ممير تسلمي يا فجر
ياسر ^_^
كلامك فرحني جدا
انت من الناس اللي بفرح لما الاقيهم متابعيني
وبيبعتولوا اراؤهم
انت عارفني من زمان وعارف اني فرفوشه جدا
بس الحلو ما بيكملش بقا
الضغوط زي مانت قولت هيا الي سودت الدنيا في وشي شويه
بس هحاول اشوف الدنيا بمبي تاني
تسلم ياسر ربنا يفرح قلبك
وحاضر هنزل الطريقه ههههههههه

[ايمان طلعت]

حلوه فكرة البرنامج
واختيارك للضيف موفق

فجر
ياسر
تحياتي لكما

[بقايا عشق]

حلقه جميله ياقمر

والاسئله والاجابات كانت مميزه

وسهر فعلا مدونتها رائعه

وطريقتها فالكتابه راقيه

تسلمي فجر عالحلقه

يدوم النشاط

[احساسى صحيح]

الف شكر لكى فجر على اختيارى
واتمنى ان اكون وفقت ف الاجابات
وعبرت عما تمثله فعلا مدونة سهر من قيمة كبيرة
وتحياتى لكى ولها
ربنا يوفقكم