دفتــــر الصفحـــاتـ 2

[جبل عالي]

بتدبسووووني ...!!

ماشي ماشي ....لا وانا قال يعنى متواجدة ...

يلا ربنا يسعدكم وتفضلوا فاكريني بقاااا

حاضر هظبط نفسي ف التلات ايام دول واقرفكم 😂

[جبل عالي]

طيب حيث أن النت بيقطع معايا معرفش ليه
استحملوني بقاااا ف التاخير



اعرفكم بجبل .... هى انسانة بسيطة جدااااا
اسمها ...امال .....وبس
معاها ليسانس حقوق ...وبس
اشتركت هنا من يجي ست سنين او سبع سنين اى والله


العمر ده شفت فيه كل عصور المنتدى الذهبية والفضية والبرونزية
مرورا حتى عصر الجليد اللي احنا فيه ده ...او العصر الحجري

اتمنى من الله ان يظل مابيننا من ود ومحبة عبر كل العصور
هو الباقي ان شاءالله

[جبل عالي]

طعم الايام فعلاااااااا بقا مر ....

[جبل عالي]

لو سيبت نفسي للكتابة والفضفضة مش هبطل كلام
بس اللي بيمر علينا صعب اوي...
واللي بنبات فيه ....بنصبح برضو فيه
ربنا يرحمنا برحمته

[جبل عالي]

كنت عايزة اتكلم عن كل الناس اللي عرفتها هنا ع المنتدى
بس فعلا خائفة انسى حد او يروح من اسم
عشان كده هقولكم والله بدون استثناء انى فعلا بحبكم

حتى اللي عادانى ...وباعنى ...وظلمنى ...والله العظيم بحبكم كلكم
واى مخلوق انا زعلته بقوله حقك ع راسي من فوق

وصدقونى جبل كانت بتتسرع وتتعصب وتخبط .....
بس بتصفى وتنسى بسرعه جدااا

[جبل عالي]

ورجعت بعد يومين راحوا غصب عنى
تعبت وحاليا فيروس ف عينيا ..... وأدوني قطرة
لونها اخضر ...هههههههه
مع أن لون عينيا اخضر ههههههههههه .....بضحك طبعا
هم لونهم بنفسجي اصلا 😂😂😂😂
المهم فعلا كنت تعبانه جداااا
بدأت الحمدلله اروق شوية
فياريت تسامحوني بقا غصب عني



صباحكم ورد وخير وحب

[جبل عالي]

بصو هو مفيش وقت خلاص اني اقتبس بقا وانعكش ف المدونات

بس خلوني بجد اتكلم عن ناس كتير هنا انا عاصرتهم
من بدايتها لغاية وقتنا هذا ......

ناس فعلا تطوروا ونضجوا جدا في كتاباتهم واقلامهم
وأصبح ليهم شخصية مميزة ....

ع سبيل المثال وليس الحصر .....وده مش معناه أن الباقيين
غير مميزين ....لا انا حددت انى عاصرتهم ....


نبدأ بسم الله ....


الجميلة.... نغم الشام ..
رائعة واكثر واجتهدت لغاية ما درست عروض وكتبت وطبقت دروسها
وفهمتها وده اكيد خلاها تقدر الكلام المكتوب فالواحد بدأ يخاف منها
ههههههههه ..... نغم انتي فعلا رائعة وتحية من قلبي لك دائما...


الجميلة .... روني ...أو أطياف ..أو مؤخرا لميس
سنة عن سنة كتابتك واسلوبك الادبي بيثقل
وده اكيد من اهتمامك ومداومتك للقراءةوالاطلاع
تحية ليكي من كل قلبي

الجميلة.....دمعه حائره ....فعلا انتي مجتهدة
وتطورتي كتير من ناحية اللغة والأسلوب
واستعمال التشابيه البلاغية ....برافو عليكي جداااا
وياريتك تجميعي كتاباتك وتطبعيها كتاب ان شالله لحبابيك بس
صدقيني خسارة حاجتك تضيع ع النت بس ...ربنا يوفقك دايما


الراقي ...شاعر الاحساس
انت فعلا اسم ع مسمى ... كتاباتك دائما وابدا تعتمد ع احساسك
وهذا ما يجعلها قريبة الى القلب ...مفرداتك قوية راسخة مميزة جدا
رعاك الله ووفقك دائما

المتفرد الرائع....قلب وكلمات
تطورك اخذ منحنى بديع بأقصى درجة ....فقد انحاز قلمك
الى الصوفية الملموسة ...الممتعة حد العشق
احساسك واغبطك كثيرا على تلك النعمة التي حباك بها الله


القدير .... ياسر احساسي صحيح
تطورت وابدعت وتحولت لاحساسك وتمتعت بانفرادية
ميزت قلمك .... واجتهادات اللغة عندك ملموسة جداااا
وأكاد اراك ... صاحب قلم نزاري النزعة ولكن بطابع خاص بك
ببصمتك انت ..... فهنيئا لك دائما على روعتك التى تزداد
يوما بعد يوم ..... ولك ايضا ولمن سبقك ....نصيحة من قلبي
أن تقوم بجمع لؤلؤاتك بطبعها بكتاب يحمل اسمك ...

[جبل عالي]

في ناس بقا حابة اسال عنهم ولو شافوا كلامي هنا يعرفوا
اننا مش ناسينهم ...

ناس عرفتهم ع مدوناتهم اكتر

منهم ..... عكاشة ...لو حد فاكره ...خارج عن القانون

و تقى ...... سامبا تكا.....

وبرايت برين ......

فتحي عيسى .....

شظايا عمر ....

ايميليا ....

طارق طروق .....



وكتير اوي ....تواجدهم بيعمل فرق كبير
ربنا يوفق الجميع يارب


ط
أما الموجودين فبصراحة ....احب اقولكم


انتوا ابطاااااااااااااال والله ابطاااااااااااااال

لان انتوا جيتوا ف وقت ميشجعش ع التواجد ولا التفاعل
ومع ذلك مبتبخلوش ومجتهدين جداااا
وده يحسب لكم اكتر مننا كلنا ..... ربنا يسعدكم جميعا يارب



والف شكر للي جاب سيرتي وافتكرني سواء ف حوار
أو ف مدونته أو ع اي موضوع .....

ط


ومن قلبي بحبكم كلكم





جبل عالي

[سهـــر]

تم تسليم الدفتر الى أ/ ياسر عبد الباقي
^_^

[بحر القمر]

السلام عليكم ورحمة الله وبركاته
بعد صباح الخير


بقدم الشكر الجزيل الى أ سهـــر
بسبب اختيارها ليا هنا رغم اني صراحه في حيره مش عارف ابتدي منين او يكون مضمون الحوار ازاي وخصوصا وانا مش بحب يكون كلامي كتير وممل ويزهق المتلقي مني
على اي حال انا هحاول الكلام هنا
لو ربنا وفقني فالحمد والشكر لله ولو كنت ضيف ثقيل او حتى فشلت سامحوني رجاءا


اسمي ياسر عبد الباقي
حاصل على كلية تجاره
بشتغل والحمد لله في شركة تجاره خاصه انا مش صاحبها لكني اعمل فيها
عندي 3 اخوه بنات دول اللي طلعت بيهم من الحياه هما مش اخواتي وبس لالا هما ولادي بعتبرهم ولادي وبحبهم وبخاف عليهم بجنون رغم انهم ماشاء الله زوجات وزواج مش تقليدي
يعني اختاروا ازواجهم بقناعه ورغبه منهم هما ويشهد الله اني ما قصرت مع اي واحده فيهم ويشهد الله كمان اني عاملتهم معامله واحده بحياديه واحده
اه يمكن اكون احيانا عصبي عليهم لما كانوا معايا قبل جوازهم بس ده من خوفي عليهم ولكني كنت عاطيهم كل صلاحيات الثقه والحمد والشكر لله كانت في محلها جدا


اعمل بس فنجان قهوه وارجع اكمل ان سمحتوا لي ولو اي اخ او اخت يحب يشرب قهوه يبلغني الحمد لله بعمل قهوه تمام