دفتــــر الصفحـــاتـ 2

[fanaa]

كدا انا خلصت
وقمت بتدبيس سهر

[سهـــر]

شكرا ي يوش على التدبيسه الحلوة دي
كنتي منوره المكان ^_^
..
تقريبا الكل يعرفني واللي مش عارفني
سهر
٢٣ سنه
بكالوريوس تجاره
متخرجه بقالي سنتين
وعاطله 😂
ليا عوده

[سهـــر]

المنتدى

من ٢٠٠٩ وانا في المكان هنا
يعني من اولى ثانوي
حاجات كتير عدت عليا هنا
ناس كتير عرفتهم
ناس بقوا صحابي جدا
وناس كرهت اليوم اللي عرفتهم فيه
ناس قابلتهم وطلعوا مختلفين تماما عن الفكره اللي كنت رسماها ليهم
بحب المكان ده
اينعم في فترات بتيجي مشاكله بتكتر
بس المكان بقا جزء من الواحد
داخله على عشر سنين في المكان
بحبه بالوحش قبل الحلو
حاليا معظم صحابي مش بيدخلوه
بس عرفت الناس المتواجده حاليا فيه
كلهم شخصيات محترمه
مشوفتش حاجه وحشه من حد

يُتبع 😂

[سهـــر]

الكليه
انا ات لدت وعشت في السعوديه
لحد ما رجعت مصر على الكليه
كان حلمي في هندسه
بس بعد المعادله والدرجات الكتير اللي بيشلوها
مجموعي نزل من ٩٩% ل ٩٢%
مجاليش غير تربيه وانا كنت رافضه مبدا التدريس نهائيا
مكنش قدامي غير تجاره
المشكله كانت في امي
كانت مدياني فكره ان تجاره مش بيدخلها غير الفشله
وانها كليه بتلم كله
بما مالقتش غيرها قدامي تعبت نفسيا اوي
مبقتش بنام طول الوقت بعيط وشعري وقع
والضغط كان زايد لان بابا واخواتي والحاجه
كانو وقتها رجعوا السعوديه وكنت لوحدي في مصر
بابا اقنعني بالخاص وكنت هقدم لقيت لازم احجز قبلها بسنه
يعني كنت هستنى سنه عشان ادخل كليه
امي قالتلي استني بس متدخليش تجاره
وحصل خناقات وتعبت اكتر ودخلت المستشفى
وفي يوم كدا قررت اني هدخل تجاره
قدمت ملفي قبل التقديم ما يخلص بيوم
ومن غير ما حد يعرف وعندا فيها بس
من يومها وانا بعد ماكنت اكتر حد في اخواتي بيذاكر
وهي بتقول انا مخلفتش غير سهر
بقيت فاشله وغبيه وضيعت مستقبلي
من يومها ولحد النهارده انا بقالي سنتين متخرجه
وهيا شايفه اني فاشله وبتذل لحد دلوقتي بالموضوع ده
احيانا بتكسف اني اقول متخرجه منها بسبب امي
وبس ^_^

يتبع ...

[سهـــر]

الاعضاء
في ناس كنير اوي غاليين عليا عرفتهم هنا
في منهم اللي ساب المكان
وفي اللي لسا موجود
نبدا بالجنس اللطيف
فجر
دمعه حائره
ايه حكايه
لمار
بوبا
جولد روز ( رنا )
جبل عالي
بحبهم جدا كانهم اخواتي
كل واحده ليها تاثيرها الخاص والايجابي عليا
شكرا لوجودكم في ظروف كنت محتاجه فيها دعمكم ده

الرجاله
ابيه ( ابو عصام )
غلاوتك ومعزتك كبيره جدا عندي
محمود الصاروخ ( الزملكاوي )
ملك جبال الاحزان
جوست ( محمد )
برده كلامكم معايا دعمني كنير
تسلموا وربنا يخليكم

يارب مكنش نسيت حد

يتبع

[سهـــر]

الكُتب
موضوع القراءه معايا من وانا صغيره
بس كان محدود يعني مكنتش بحب
غير مجله ميكي بس
وفضلت مش بقرا غيرها لحد ما خلصت ثانوي 😂
بعد كدا وانا في ٢ كليه قريت اول كتاب pdf
طام كتاب ( الاسود يليق بك )
ده اللي حببني في موضوع الروايات
واستمريت في الpdf سنه بحالها
بعد كدا اشتريت اول كتاب كان كتاب ( احلام ممنوعه )
حبيت الموضوع جدا ولقيت ليه طعم تاني خالص
اني اكون ماسكه الكتاب في ايدي
والجمله اللي تعجبني اعلم عليها بالماركر
اول معرض كتاب رحته كان في ٢٠١٥
كنت مبسوطه بطريقه مش عاديه
اشتريت كتب كتير اوي
صرفت فلوس كتير اوي هههههه
بس كنت فرحانه
من يومها ولوقتنا ده بقا عندي مكتبتي الخاصه
بحبها جدا ولا يمكن افرط في كتاب منهم
قرات اكتر من ١٠٠ روايه
وبعد ما كنت محدده نفسي في الوايات العربيه بس
بدات اجيب المترجم كمان لقيته احلى وفيه عُمق اكتر
وبس
الحمدلله على نعمه القراءه ^_^

[سهـــر]

المدونات
بحكم اني مشرفه هنا لازم اتابع كل المدونات
بس في مدونات كدا ليهم اولويه
مش في التكريم وكدا لأ
في دخولي ليهم ومتابعتهم
يعني المدونخ تبقا في الاخر خالص
بس لازم ادخلها هيا الاول
بحس براحه كدا فيهم
بس عموما كل واحد ليه اسلوبه
الخاص بيه
^_^
يتبع

[سهـــر]

الاقتباسات

احنا محتاجين فرحه مفاجأه هديه فسحه سفريه خروجه الحاجات ال بتفرح دي محتاجين فرحه م ال بتخلي الواحد بوقه لغايه قفاه م كتر الانشكاح

مدونه خلود ^_^

[سهـــر]

فى علاقتكم باى حد حاولوا ديما توصلوا لاقصى درجات الاحتمال
استحملوا كل الصعوبات وحاولوا تحلوا كل مشكلة تقابلكم
قدموا تنازلات وتضحيات على قد ماتقدروا
خليكم اوفياء لاعلى درجة
حبوا بصدق وضمير وخافوا على اللى بتحبوهم
امشوا ورا احساسكم حتى لو غلب كرامتكم وعقلكم
عشان يوم لما يحصل فراق او خساره
متندموش وتقولوا كنا مقصرين 
ساعتها هتفارقوا باقتناع حتى لو ممزوج بألم
بس تعرفوا انكم عملتوا كل اللى تقدروا عليه

دمعه حائره

[سهـــر]

إذا شعرت بالحاجة إلى يد دافئه ،،

فأمسك بيدك الآخرى ..
قلن يُهزم إنسان يؤمن ويثق فى نفسه ...!

احساسي صحيح