مدونتى المفضله (7)....مع Eng Esraa

[*فجر الاسلام*]

السلام عليكم ورحمة الله وبركاته يسعد ربى اوقاتكم بكل خير حلقه جديده من مدونتى المفضله معانا النهارده Eng Esraa تعالو نشوف اجاباتها ما هى المدونه المفضله بالنسبالك؟ حائره..على جسر من الذهب مدونة منه ايه رايك فى اسم المدونه بحب جدا معناه ايه المميز فى المدونه بصي انا بتعامل مع المدونات ع انها اماكن مثلا ! ههههههه ف بحسها مكان هادي كده ده بعد كتابتها طبعا من خلال متابعتك ايه تقييمك ليها ممتاز اكيد تصنيف المدونه من بين المدونات مش فاهمة تقصدي تصنيف كنوع ولا بالنسبة لي !؟ ممكن نقول الاولي بالنسبة لي و بعدها مدونة ياسر و بعدها مدونة اية و كنوع المدونة فيها كتير من مواقف و كتابات بقا اكتر مشاركه عجبتك فيها؟ هو كتير بس دي لفتت نظري اكتر صعب اوى تكون وحيد وسط ناس كتير مفروض بيحبوك لكن الحب مش كلام الحب احساس ومسئوليه ناحيه اللى بتحبه خوف واحتواء وقت مايكون محتاجلك يعنى ماتصدقش اللى يقولك بيحبك صدق اللى افعاله تبين حبه وخوفه عليك اللى تلاقيه جمبك وفى ضهرك بيحميك ويساعدك من غير ماتطلب اللى ماتكسفش من ضعفك ولا مرضك او احتياجك وانت معاه لكن للاسف قليل اوى اللى يفكر كدة فى زمن الكل بيفكر ياخد وبس ومشاركه ماعجبتك؟ لا معتقدش فيه ومشاركه غامضه مافتيهاش؟ مفيش حاجة غامضة كل مشاركتها تلقائية لو طلبت منك نقد بناء تقولى ايه عليها ؟ لا لحد دلوقتي مش شفت حاجة فيها نقد بالنسبة لي لو المدونه اتفتحت تكتبى فيها ايه؟ لا مش هكتب بردوا علشان اللي هكتبه مش هيبقي حاجة مع كتابتها اكيد ههههههه اطلبى طلب من صاحبتها؟ اممم .. مفيش حاجة فـ دماغي دلوقتي بقا ^^ وجهى كلمه لصاحبة المدونه؟ ربنا يفرحك دايما يا حبيبتي و يوفقك ف حياتك وشكرا ليكى الشكر لله يا حبيبتي تسلمي ع الدعوة

[قلب وكلمات]

ردود جميلة من اسراء واختيارها لمدونه دمعه حائره
ممتاز ، ربنا يوفقكم ، مجهود مميز فجر
لكم التحية

[دولة الرئيس (حرامى الاعضاء)]

يعني نشارك

حلو ورائع منك

[احساسى صحيح]

اجاباتك جميلة يا سيرو
وفعلا مدونة منة من اروع المدونات
اختيار جميل
وبيسعدنى طبعا متابعتك مدونتى
منورة بقا
والف شكر على مجهودك يا فجر

[دمعه حائره]

مش عارفه اقولك ايه بجد ده شرف ليا متابعتك مدونتى
وان اللى بكتبه بيعجبك
المشاركة دى انا ناسية كتبتها امتى وليه ههههه
حتى مدونتك جميلة وانا بتابعها باستمرار لانها تلقائية جدا
شكرا اسراء حيبتى وديما يارب منورانى ومتواجدة فى المنتدى
تسلمى فجر على الاستضافه

[Eng Esraa]

تسلموا كلكوا منورين اكيد
فجر تسلمي حبيبتي ع الأسئلة و مجهودك
يدوم النشاط بقا

[طبيب الهوى]

صدقتِ يا إسراء

لأن مدونة مِنَة من المدونات القيمة في الصفحات

لأنها كما ذكرتِ تِلقائية وعفوية صادقة لأبعد حد

مجهود قيم يا فجر أُحَييكِ عليه

يدوووووووم النشاط بئا

الله يسعدكم ويستركم ويحفظكم من كل سوء وشر آمين

تحياتي وودي وورودي

أبو عصام

[❤ ملكة حساسه ❤]

حلقة جميلة منك فجر وردود جميلة اسراء

[إيلاانا]

حقيقة مدونة منة اكثر من رائعة وكل الي من منة جميل
حلقة استمتعت به وبالاجابات من الغالية أسراء
ومجهود تشكري عليه فجر
حفظكم الله جميعا
تحياتي وتقديري لكم
إيلانا