الحلقه ١٦ من حلقات استضافه عازف الاحساس

[واد حبيب]

السلام عليكم ورحمه الله وبركاته
اهلا بكل اعضاء المنتدي الموجدين ومنورين دايما هنا
النهارده حلفه جديده من حلقات استضافه ولكن حلقه غير عاديه حلقه فيها اسرار كتير عن المنتدي مع عضو من اقدام اعضاء المنتدي هنا
له بصمه جميله في الاقسام الادابيه وانا شخصيا كنت بتابع موضيعه باستمرار
مبدع باسلوبه جميل في كلماته ولكن بقالو فتره حرمنا من ابداعو الجميل
معانا في الحلقه الضيف الجميل المبدع

عازف الاحساس

منتديات بنات مصر - مشاهدة الملف الشخصي: عازف الاحساس
اهلا بيك يا عازف منور المنتدي طبعا

دا نورك ياغالي ربنا يبارك فيك يارب


عرفنا بنفسك بس اتكلم برحتك

انا هشام 30 سنه متزوج وعندي فارس احلى حاجة في دنيتي بعد امه طبعا

ايه السر في تسجيلك باسم دي

انا الاول كان اسمي فارس الاحزان
وبعد ما عرفت مراتي من على المنتدى قررت اغير
اسمي والسر اني بعشق اي شيء له علاقة
بالاحساس

قولينا عرفت المنتدي ازاي

بالصدفة ببحث عن شيء ما ودخلت المنتدى وسجلت فيه

عازف انت من اقدم اعضاء المنتدي شايف ايه اللي حصل للمنتدي وخلاه يكون ممل كده

والله يمكن يكون الجيل اختلف شويه
زمان كان المنتدى فيه روح وحياة وتفاعل
وحكايات ومواضيع هدفه
لكن الان تغير كثير
ودا يمكن لاسباب كثير
اولا الانفتاح وعالم النت بقى نطاقه واسع جداا
ودا يمكن سبب اساسي ان المنتدى اصبح في
حالة خمول شوية

ايه الفرق بين المنتدي ده وايه منتدي تاني

والله المنتدى دا له مكانة في قلبي خاصة حبتين
يكفي اني عرفت زتونة من علية
زتونة دي تبقى مراتي

شايف انك واخد حقك في المنتدي بما انك عضو قديم وصاحب نشاط عالي

والله يا غالي واخد حقي مش قوي
لكن يمكن السبب هو انقطاعي فترات كثيرة عن المنتدى
لكن زمان اتعرض عليا اشراف وانا رفضت
لان وقتها كنت مشغول ومكنتش هكون قد المسئولية

ايه الفرق بين اداره المنتدي دلوقتي والمنتدي زمان
وايه التغيير اللي حصل في المنتدي

الفرق ان الادارة الي كان ماسكة زمان ناس كبيرة سنا
وكانت عارفه تدير المكان ومسكه زمام الامور مظبوط
رغم ان عدد الي كانو بيدخلو يوميا مش اقل
من 500 عضو
وهذا ليس تقليل ابدا من الادارة الحالية فهي شغالة ومجتهدة جدااا
لكن ربما يكون فرق السن والانفتاح الي ذكرته سابقا
خلى في امور كثير تتغير ويمكن دا الي خلى المنتدى
يتغير ايضا

مين الاعضاء المظلومين في المنتدي من وجهه نظرك

والله انا مقدر اقول لمين لاني انقطعت فترة طويلة عن المنتدى فمش هعرف اقول مين

نفسك مين من اعضاء زمان يرجع ويفضل في المنتدي علطول
الصراحة رغم صرامته وحزمة الا نفسي (ابو ادهم) يرجع
كان انسان محترم جداا وفي نفس الوقت ذات شخصية سيادية معندوش تفاهم

لكن ربما اتعوضنا مكانه بالغالي ابو عصام
يمكن ابو عصام فيه روح وسعة صدر عن ابو ادهم
يعني بياخد ويدي معاك مش كل حاجة عنده قفش


يعني ممكن ترشح ابو عصام ليكون اداري

طبعا ودا شيء هيسعد الجميع
ابو عصام الاب الروحي لجميع الاعضاء والمشرفين والاداريين كمان فطبعا هكون اول واحد يرشحه اداري

عازف زمان كنت بتكتب موضيع شعر وخواطر ليه بطلت تكتب

والله يا غالي مشاغل الحياة وبعدين يمكن تكون
الغربة والشغل سبب من الاسباب الي خلتني
مبقتش اكتب لكن هحاول ارجع تاني

انت تستحق انك تكون مشرف علي قسم من الاقسام الادابيه ليه مطلبتش تكون مشرف

والله انا مش بطلب شيء الادارة مش شايفة اني استحقه
ولكن اتعرض عليا في وقت ما وانا رفضت بسبب
انشغالي وانقطاعي ووقتها مكنتش هعرف اكون قد المسئولية

سمعت كده انك زمان اتعرفت علي عضوه هنا وخطلتها واجوزتو
احكيلي حصل ازاي واتعرفت عليها ازاي

ايوه دا حقيقي انا مراتي حاليا هي بقايا عشق
واتعرفت عليها من منتدى بنات مصر
ودا الي مخلي له مكانة خاصة عندي
عجبتني كلماتها وتلقائيتها وبرائتها

وبعدها اتكلمنا وبعد ما اتكلمنا على الرسائل باسبوع
كلمتها على الميل وبعدها قبلتها شخصيا
وحبتها ( يمكن اكون في وقت ما جرحتها
لكن لقيتها هي فضلت بتحبني وفضلت عوزاني
ودا الي خلاني احلف لها اني هعمل المستحيل عشان متروحش مني )

ايه العواقب اللي حصلتلك علشان توصلها

العواقب كثير جدااا ( يكفي بس ابوها ههههه )

علي كده ابوها مكنش موافق علي جواز منها وليه

ايوة مكنش موافق ليه بقى اساله هو مش انا ههههه
هو كان بينظر للمستوى المادي كثير وكان هو عنده
تصور بان هشام شخص مش كويس
ودي المشكلة
لكن الحمد لله في امور كثير اتغيرت ويمكن يكون هو كمان اتغير وغير نظرته لما قرب مني
وعرف هشام كويس

ايه اكتر حاجه عجبتك فيها وخلاك تتمسك بيها وتكون زوجه لك

طفولتها وتلقائيتها وبرائتها ( بس الحجات دي فنيتو بعد الجواز هههه شكلي هضرب


لو رجع بيك الزمن ورا
وكان في ايدك تختار من تاني
تتجوز مراتك ولا حد تاني
هتختار مين

هختار انتحر ههههههههه
حد اتجوز ولو رجع بيه الزمان يتجوز لا طبعا

طبعا مراتي حبيبتي


ايه رايك في الغيره العمياء اللي موجوده عند معظم البنات

اعوذ بالله من ضمن اكثر الاسباب الي عمللنا مشاكل في حياتنا
عندها غيره لدرجة انها بتحقد على فارس ابننا
لانه خد شويه من الحب بتاعها هههههههه


ازاي بتحقد علي فارس في امه بتحقد علي ابنها

انت صدقت ياعم بهزر بس هي وفارس بيغيرو من بعض
يعني ادلع فارس هي تغير اجي ادلعها فارس يغير
وانا المحتار في النص
بس حقيقي ام فارس غيورة جدااا
لدرجة ان اوقات غيرتها بتخنقني يعني


او قولتلك اكتب بيتين شعر رومانسي لزوجتك تحب تكتبلها ايه

زتونتي
الحب منك غار على قلبي بحبكِ
فكيف تكون غيرة الحب حرامُ
اليس الحب يعرف ان نبض قلبي عشقكِ
وان دمكِ في عروقي غرامُ

بتين شعر بمنفعهم اهو هههههه

ايه رايك في الحب علي النت

النت مجرد وسيلة وانا مبعترفش ان الحب بيجي
من على النت فهو مجرد وسيلة
يعني مثلا تلاقي ( واحد عمال يحب واحده بقاله سنه ونص وهو ولى شافها ولى شفته تيجي ازاي دي )!!

عازف شايف مصر ازاي دلوقتي

مصر ام الدنيا وهتبقى قد الدنيا
مصر ماشيه في الطريق الصح ان شاء الله
ولولا ستر ربنا وجيش مصر كان علينا السلام

ممكن يقوم ثوره جديده بسبب غلاء الاسعار

مفيش الكلام دا لان لو دا حصل معتش هيكون في مصر تاني

ايه الفرق بين مبارك ومرسي والسيسي من وجهه نظرك

مبارك ( فاسد يمكن يكون له ايجابيات بعض الشيء
لكنه فاسد )

مرسي ( خاين )

السيسي ( مصري اصيل ) يمكن يكون في اخطأ في نظامة ولكن انا بشوفه ان بيبني مصر


شايف ان السيسي ناجح في حكم مصر ولا كبيره

السيسي ناجح في حكم مصر لكن الحرب عليه شرسه جداا وفي ناس بتدفع مليارات الدولارات عشان تخليه يفشل وهو صامد ومش هيفشل بعون الله


بما انك في السعوديه ايه الفرق بين مصر وعندك

معتش في فرق يابو اياد كلها خربانة
السعودية الي الناس بتتكلم عنها مبقاش فيها فلوس
وعلى سبيل المثال
انا لسه من يومين او 3 واخدين مني 3500 ريال
يعني بمعدل 16700 جنيه دا بس تجديد اقامة
لام فارس وفارس
السنه الجايه ضعف والي بعدها ضعف الضعف
فالشرق الاوسط كله ضايع مش بس مصر

لو اخد القرار انك تنزل تعيش في مصر شايف انك هتقدر في غلاء الاسعار دي

الرزق على ربنا مش على حد تاني
ربنا رايد اعيش في مصر هعيش
رايد اعيش في السعوديه هعيش
انا راضي بكل الي كاتبه ربنا
الحمد لله

بما انك شاب ايه طموحك في الحياه

اتجوز ههههههههه

اعيش مستور ووربنا ميحوجنيش غير ليه هو وبس


ندخل علي المدونه

امته عملت المدونه

من 8 سنيين تقريبا

ليه اخترت الاسم ده

انا غيرت اسمها كذا مره لكن الاسم دا اخترته
عشان هي بها مزج بين احساسي والم الدنيا


شاايف ان المكان ده ممكن تقول فيه اسرارك

لا طبعا مش كل حاجة

ايه اللي بيميز الصفحات عن اي قسم تاني

ترجمة المشاعر والاحساس بتكون فيها
عشان كده بتكون فيها راحة


حصلك مشاكل قبل كده في الصفحات
لا الحمد لله

ايه رايك في الاعضاء اللي بيلقحو كلام علي بعض هنا

ياعم صلي مهو كلو بقى يلقح على كله
افكار خاطئة
وللعلم في ناس عملت الموضوع دا معايا قبل كده
ودخلت رديت ونزلت الحقيقة كاملة وكانت قصف جبه بالنسبه لهم
ساعتها طلبو حذف الموضوع لما لقو نفسهم في مواجهة مش قداها


مين اكتر عضو بعتلك تقيم

كثير والله مش فاكر اسماء

اخر تقيم كان من مين

من مراتي هههههه

مشاركاتك هنا بتكتبها لحد معين ولا ليك لوحدك

اوقات ليا لوحدي اوقات لمراتي اوقات للمزه( في دي بهزر لحسن عندي حد كده بيصدق على طول ) ههههههه


الفتره الحاليه ليه متوجد في الصفحات بس

عادي يعني بدخل اشارك واطلع احساسين او 3 وامشي ههههه

قولي افضل مدونه من وجهه نظرك

في مدونات كثيرة الصراحة
شهوة حرف ثملة
رذاذ المطر
ذات
احبك ربي
وظني فيك يارب جميل
العمر لحظة
وغيرها


وافضل اسم مدونه

ذات
عجبني صغر حروف الكلمة رغم معناها الكبير


مين الاعضاء اللي بتبعهم باستمرار

كثير والله وبخنق عليهم في تقيمات


كلمه لاعضاء القسم

كن كما انت في الواقع والوهم
فالواقعية تكون ذاتك
والوهم يكون مماتك


في اسئله تاني بس خلص دولت
بجد سعيد جدااا اني بعمل حلقه معاك

[نجاة حسام]

حلو كتير ابو اياد بالتوفيق ديما

وربنا يوفقك ابو فارس ويرجعك بلدك بخير

[سيناا]

واخيرا اتعرفنا اكثر على اخونا عازف الاحساس

كان نفسي زمان اتعرف على هذه الشخصية الراقية

ابدعت ابو اياد بأسئلتك ياغالي

ومنور الدنيا عازف الاحساس

[^^khL oUD]

حلقه جميله جدا واجاباته حلوه
ربنا يخليكوا لبعض ويخليلكوا فارس ^^
تسلم ايدك ي ابو اياد

[بقايا عشق]

أممممممم

مسيرك ياملوخيه تيجي تحت المخرطه

ها ..

هههههههههههههه

منور الحلقه ياروحي

وتسلم ابو اياد علي المجهود الجميل ده


يدوم النشآط علي طول

[دمعه حائره]

حلقه جميله بحد وهشام عضو قديم ومبدع
قدم للمنتدى كتير
واتمنى يرجع للكتابه تانى انا فاكرة ذكريات حلوة فى القسم الادبى
منور اخى وربنا يسعدكم ديما
تسلم محمد على الاستضافه

[عازف الاحساس]

اقتباس المشاركة الأصلية كتبت بواسطة دموع الصمت حلو كتير ابو اياد بالتوفيق ديما وربنا يوفقك ابو فارس ويرجعك بلدك بخير

تسلمي اختي وتحيتي لرقيق كلماتك

ويارب نرجع على خير سالمين


تحيتي

ابو فارس

[عازف الاحساس]

اقتباس المشاركة الأصلية كتبت بواسطة سيناا واخيرا اتعرفنا اكثر على اخونا عازف الاحساس كان نفسي زمان اتعرف على هذه الشخصية الراقية ابدعت ابو اياد بأسئلتك ياغالي ومنور الدنيا عازف الاحساس

جبيبي يا سينا تسلم ربنا يبارك فيك
ودا شيء يشرفني ويسعدني معرفتك


تحيتي

ابو فارس

[عازف الاحساس]

اقتباس المشاركة الأصلية كتبت بواسطة ^^khl oud حلقه جميله جدا واجاباته حلوه ربنا يخليكوا لبعض ويخليلكوا فارس ^^ تسلم ايدك ي ابو اياد

تسلمي خلود
اللهم امين ويوفقك في حياتك


تحيتي

ابو فارس

[عازف الاحساس]

اقتباس المشاركة الأصلية كتبت بواسطة بقايا عشق أممممممم مسيرك ياملوخيه تيجي تحت المخرطه ها .. هههههههههههههه منور الحلقه ياروحي وتسلم ابو اياد علي المجهود الجميل ده يدوم النشآط علي طول

مسيرك يا زتونة تتخللي هههههههه
وسعتها هديكي لفارس
وانتي عارفه هو بياكل الزتون ازاي :d:d

دا نورك مش هتتم مناقشة مشكلة جنوب شرق الصوومال