بخاف البعد

[دمعه حائره]

وبخاف البعد يقسينى
وانساه وهو قصاد عينى

البعد ده كان غصب عنى

علشان ف القرب بيهملنى
واتكلم عمره مايسمعنى

فيها ايه لو يفهم ويقدر
أو يهدى شوية ويفكر

محتاجه لقلبه يكملنى
محتاجه لعقله يفهمنى

وإن خوفت أنا منه يطمنى

انا عاوزة حبيب مش بس كلام

عاوزاه لما اتعب يسندنى
عاوزاه مايهدش لأ.. يبنى

بغلط وأنا عارفه انى عنيدة
بس بحبه ده حاجة اكيدة

وإن يوم فكرت إنى اسيبه

برجع من تانى إكمنى..

ف بعاده النوم ده مخاصمنى
ده انا كنت بشوفه ف أحلامى
ماهو اللى محلى أيامى
وبيفرح قلبى ويسعدنى

ف بخاف البعد يقسينى

وانساه وهو قصاد عينى
mena_hassan

20-8-2017

[Magic Dreams]

جميله جدا يا منه تسلم ايدك عليها من زمان مش شوفنا حاجه حلوه كده من القلب طالعه

منورنا دايما

[شاعرة الرومانسيه]

الله الله عليكى يامنه
مشتاقه كتير لحروفك
الى بتلمس الروح قبل القلب
الله لا يحرمنا منك حبيبتى

[fanaa]

الله ع الكلام الجميل
يسلم قلمك ياجميله

[بحر القمر]

اسلوب وفكر نقي وقوي
الله يوفقك ويسعدك

[السفيره عزيزه]

هو القلب الطيب بيعرف القسوة
لا ما افتكرش انا


ربنا يسعد قلبك ويروق بالك
وتحياتى وودي لشمسنا الانيقة

[.Lamar]

طب ليه منون
هى بس اللى تخاف
و تتعب عشان تحافظ عليه
و هو بيهملها
ليه دايما فى كل علاقة
طرف بيدى و يتحمل اكتر

طبعا روعة منون
و حسيتها حقيقية اوى
تسلم ايدك

[كـريـم الحـفنـى]

قلم ينساب الأبداع من محبرته
حروف وكأنها زهور يفوح عبيرها فوق الحروف
برغم الم البعد فأن جمال العرض طغى على الم المعنى
تحياتى لقلمك الماسى

[نجاة حسام]

يابخت اللى يحبه قلب طيب
جميل منه احساسك

[*فجر الاسلام*]

يا عينى عليكى وعلى جمالك
تسلمى روعه بجد