لكل مغترب

[Dr. AnOosHo]

موضوعي النهاردة متعلق اكتر بالمغتربين واقصد بيهم المغترب عن بلده وعايش في بلد تانيه وكمان للي عايش في مصر

انا دايما حاسه بحاله من عدم الارتياح دايما في شعور متلخبط وسؤال بياكل في دماغي انزل بقى مصر واستقر واكون نفسي وانا لسه صغيرة بدل مفضل قاعده لا مني بحوش فلوس ولا مني قاعده مستقرة بعمل حاجه ليا

التضارب ده موجود عندي انا بس ولا عند اغلب المغتربين

من غير دخول في سياسه عشان قوانين المنتدى لكن هل فعلا انا صح في كلامي ؟؟
عارفين احساس ان لا مش حعمل كذا او حرام يتعمل ده هنا اصل احنا مش عايشين عمرنا كله هنا استنوا لما ننزل مصر

لا قادر تفتح حاجه ليك او تعمل ولو مشروع صغير ليك لان في الاخر احنا مش دايمين هنا ... ( اقصد بيها الغبلد التانيه )

المغترب فاقد كل شيء غير شويه فلوس ... ناس كتير بتحسد المغترب بس فعلا انا عندي احساس بعدم الامان او الاستقرار .. صحابك صحاب مرحله مع كل مرحله بتعدي بتفترق عنهم .. مافيش اي حياه اجتماعيه مع العيله والاقارب ... بتنزل بلدك تبقى غريب عنهم لا ليك صحاب ولا معارف وحتى قرايبك انت بعيد عنهم وخارج عن حسابتهم

هل قراري صح ان انزل وانا عندي فرصه اختياريه ولا استنى لحد ما اجبر على النزول ؟؟؟ هل صح كلامي اني احاول ابدا اعمل حياه ليا في بلدي ولا استنى لحد ميكون الموضوع اجباري حتى لو عمري كبر ؟؟؟

مستنيه ارائكم اللي اكيد حتفرق معايا جدا

[Eng Esraa]

مجربتش ده طبعا
بس فكرة انك مش حاسه براحة و امان ف مكان
كفيلة تخليكي متكمليش فيه مجبرة
و حرية الاختيار ليكي اكيد
ربنا يوفقك يا جميلة

[العاشق الذى لم يتب]

اظن السائل ادرى مثلما المسئول عن الاجابة
ومايحتاج اى حد يستفسر عن الحالة
لانملك سوى ان ندعو لمصر والمصريين
شكرا انوشة
وحمدالله على السلامة
كل سنة وانت طيبة

[الفيلسـوف]

اهلا بيكى د هنا باعتبارى مغترب يمكن انا ماحسيت اللحساس من ناحيه الاهل بس ام عن صحابى يمكن علشان اتعودت انى كل واحد ليه حياته فكره النزول ده اكيد وحتما حتروحى ليها انا معاكى لو عندك فرصه تفتحى مشروع خاص وتكونى مرتبه حتعملى ايه وتكبرى واحده واحده من غير التزمات تخنقك وتعجزك انزلى اه اينعم انا من اكتر الناس اللى شايف لو عندى اللى يخلينى ابدا مشروع صغير واكبره واحده واحده حنول يمكن انا اتخليت عن الفكره لما لقيت المشروع اللى يضمن ليه ولغيرى فرصه كويسه بس وقتها لقيت ان الكل عايز تعجيز وبس وقولت السفر فيه فوايد اينعم الدنيا مش جنه زى ماكل مامتصور هنا ف الغربه اه فى فلوس بس ع اد مابناخد فلوس ع قد مابتاكل من عمرنا الغربه اخيرا لو عندك الفرصه والاستعداد والقرار انك تبدى مشروع ف بلدك وتكبريه ابدى بدون تردد بس اهم حاجه نقطه البدايه والتركيز عليه قبل الاستغناء ع ماانتى عليه الان ربنا يسعدك ويلهمك الصواب يارب

[اندرسون]

كلنا مختلفين عن بعض وكل واحد صاحب رؤيه مختلفه
.................................................. ................
الاستقرار مش لازم يكون ف بلدك ممكن ف اي مكان تشعر به الاستقرار و الامان
و الاوضاع هنا مش احسن من بره الا اذا
والحياه ماهي الا مراحل و كل مرحله لها ناسها واصحابها وتسيبك بعد كدا انت بتكمل وحدك هي دي سنة الحياه
ربنا يسهل امرك ويرشدك للصالح

[(طائر الشرق)]

السلام عليكم ورحمة الله

الأستقرار النفسى الطريق الوحيد السليم للأستقرار

فى أمور كثيرة مهما كان العائد من الغربة لابد لها من

نهاية والعوده من جديد لأحضان الوطن بكل ما به من

صعاب وعثرات ولكن من يستطيع أن يضع قدمه فى مكان

أمن سليم يستطيع السير مع الأخرين بشرط الألتزام

التام بما كنا نقوم به فى الغربة من مواعيد واجتهاد

وأنضباط الأستقرار مبكرآ يجعل الانسان ينخرط وسط

المكان ليكون هناك اكثر من فرصة أفضل بكثير من الأستسلام

للأمر الواقع