يا صباره مسابقه شاعر المنتدى

[fanaa]

ياصباره..
يا شايله الحزن ع الجمبين
وتايهه بس راحه لفين
وراحه لمين وسيبانى

يانواره
ياطفله حلوه بضفرتين
بتتمختر على الضفين
دموعك قسمه قلبى اتنين
وقسمه الروح وقسمانى

دا مكانى
بقولك ايوه دا مكانى
فكونى قويه علشانى
بصرخ وأنتى سمعانى
وبترصى الدموع صفين
ياحلوه برن خلخالك
همومك نازفه على شالك
قوليلى بجد ايه مالك
دا جرحك زاد بقلبى انين
حزينه بجد علشانى
وبتبكى ع الفراق مرين
مراره حلم كان فيكى
ومراره قسمته نصين
حقيقى بجد يابلادى
ماليش غيرك بيملى العين
دمى دا أصلو من دمك
خيوط صوفه دى من همك
رصاصه غدر ولا تقدر
تفرق فى الهوى قلبين
وياقويه
برغم الشده يابهيه
عيونك لساها شقيه
بتجلب ع المدى الواسع
عيون الظلمه والحاقدين
فقوليلى
لو قلبى مش مكفيكى
أخبيكى فين
ضرورى كان لازم اضحى
بموتى دا كنت بصحى
ضماير جوا مُلاكك
يجوز ماتت بقالها سنين
ووحياتك
لقيتك جلد متعرى
فقولى أزاى
أسبهم ينهشو فيكى
فكان ولابد أغطيكى
ويغرق فى الثرى دمى
ويرويكى
ويمشى جوا شريانك
وينثر ورد علشانك
يحييكى
يلى أنتى وبرغم الوجع
لسه الثبات فيكى
ابنك بطل راجل جدع
قرر يكون الصبر لعينكى
حبه ليكى كان جنون
فأمسحى دمع العيون
وأحضنيه جامد أوى
ماهو هو برضو كان قوى
ووسط غضبه كان حنون
لفيلو جسمه بالعلم
دا روحه واقفه ع الغصون

بقلم/آيه ابراهيم يوسف

[*فجر الاسلام*]

الله تسلم ايدك حلوه اوووووووووووى
ربنا يحفظ بلدنا
بالتوفيق ياقمر

[احساسى صحيح]

ربنا يحفظ مصر يا رب
كلمات نابعة من القلب وموزونه جدا
وفيها نغم جميل
تسلمى ايه
ربنا يوفقك

[دولة الرئيس (حرامى الاعضاء)]

تسلم ايدك
كل عام وانت بخير

[بقايا عشق]

حروف جميلة في حب الوطن

وهمسات راقيه ومتألقه

ابداع جديد من قلمك الذهبي

فدمت بهذا التألق دائما

وكل التوفيق لك غاليتي

محبتي

[سيناا]

وااااااااو تسلم ايدك وفكرك العالي

عجبتني والله كتير

قلمك ناري ذهبي عنفواني ابدعتي اية

[Lamees]

جميلة جدا يا جميلة
وفكرتها حلوة زيك
تسلمي
موفقة يا قمري

[مهيب الركن .]

كلمات تم نسجها بمنتهى الجمال
تحياتى لقلمك الراقى ولفكرتك الرائعه
وتمنياتى لك بالتوفيق

[بحر القمر]

الله يسعدك ويوفقك يارب

[fanaa]

اقتباس المشاركة الأصلية كتبت بواسطة *فجر الاسلام* الله تسلم ايدك حلوه اوووووووووووى ربنا يحفظ بلدنا بالتوفيق ياقمر

انتى الاحلى يافجر ♥