ازاى هقدر انسى اجمل حب

[احلى ابتسامة]

:vb3:السلام عليكم ورحمة الله وبركاته:vb3:

قصيدة رائعة عن الفراق
:vb3:
عقب البطا لاقيت ظافي الجديلات = ياليتنا عقب البطا ماالتقينا

:vb3:
سلمت وقلت لنور عيني سلامات = وش غيًرك ويش السبب ما تبينا

:vb3:
دنق وقال ارجوك إنه العلاقات = شيٍ حصل ماعاد هو في يدينا

:vb3:
قلت السبب قال الليالي غريبات = إنه العلاقه واعتبرنا انتهينا

:vb3:
انا بحبل انسان ماهي دعايات = ارجوك ابعد خايف انًه يجينا
:vb3:

طالعت فيه وهلت العين عبرات = في ساعةٍ غصبٍ علينا بكينا
:vb3:

حاولت اعبر عن همومٍ خفيات = بس الحكي شيفيد مهما حكينا

:vb3:
كتمتهن بالجوف لوهن قويات = راضي على ماصار لو مارضينا

:vb3:
وآخر كلامه قال لي كم كلمات = لاتسيء ضنك في غصبٍ علينا

:vb3:
ولف العباه وراح وانا بحسرات = فرقاًجرت من غير ذنبٍ جنينا
:vb3:

وقفت اخايل غض الأنهاد لحظات = فيهن تهدم كل شيٍ بنينا

:vb3:
وقمت اتذكر كل شيٍ لنا فات = قبل ايتغير بالمحبه حدينا

:vb3:
ياما سهرنا بأظلم الليل ساعات = وياما طلع نور الفجر مادرينا

:vb3:
وياما لنا فوق المراقيب ذكرات = وعلى جبال الزور ياما رقينا
:vb3:

وياما تحملنا الصعوبات مرات = وياما على سود الليالي شكينا
:vb3:

على زمانٍ فات جريت ونات = لو هن على ضلعان مكه تلينا

:vb3:
اقرا الموادع بالقصص والروايات = لاشك ماضنيت بيصير فينا
:vb3:

وارجع واكرر كلمةٍ لي بسكات = ياليتنا عقب البطا ماالتقينا



:vb3:الــــــــــــــــــجزء الثــــــــــــــــــاني:vb3:


تكررت عقب البطا والتقينا = من عقب مامرن سنينٍ طويلات
:vb3:

في صدفةٍ فيها حشا مادرينا = ولاهقينا نلتقي عقب مافات

:vb3:
لاشك جابتها الليالي وجينا = رغم الفراق ورغم ذيك المسافات

:vb3:
في موقٍف بان التوتر علينا = لحظه تلين إبها القلوب القويات

:vb3:
قالت شلونك قلت ربك عوينا = الحمد لله عاضني عقب لوعات

:vb3:
الله رزقني في هنوفٍ تبينا = احيت خفوقٍ كان بعداد الأموات

:vb3:
هي نور عيني فرحتي والضنينا = ألقابها عن ظيقة الصدر سجات

:vb3:
قالت سليت وقلت عقبك سلينا = لكن عقب مالاعنا الحب مرات
:vb3:

قالت شلون وقلت لاتسألينا = مافات فات ولا تفيد الحسوفات

:vb3:
قالت تكلم قلت مهما حكينا = الدمع ماينفع عزيزٍاليامات

:vb3:
قالت نسيت وقلت لامانسينا = لكن قنعنا والقناعه من الذات

:vb3:
قالت أروح وقلت وش في يدينا = روحي عسى في كل خطوه سلامات
:vb3:

بصبر على فرقاك مهما حيينا = ولا تشوه صادق الحب زلات

:vb3:
قالت على ماكنت دنيا ودينا = تكرم ونكرم عن دروبٍ رديات

:vb3:
قلت اسمحيلي قبل لاترحلينا = يم الديار اللي علينا بعيدات
:vb3:

تراي ذخرٍ لاحدتك السنينا = اجيك مهما واجهتني صعوبات
:vb3:

من اليوم اخوك وغيرها ما بغينا = كلي فداك ان صار بالوقت ميلات
:vb3:

وتبسمت بإعجاب مدري حنينا = وتهشمت قدام عيني بعبرات
:vb3:

قالت فمان الله قلت انتهينا = واقفت تكلم نفسها بس بسكات
:vb3:

وقفت تقديرٍ لها ثم مشينا = دربٍ مشوه اهل القلوب العفيفات

:vb3:
امشي واردد ليتنا ماالتقينا = وش جابها عقب السنين الطويلات

:vb3:مش هقدر انساك مهما طال العمر حتى لو كنت هموت اليلة :vb3:
:vb3: مش هقدر انساك مهما طال العمر حتى لو كنت مت اليلة :vb3: