بعيش وياك

[دمعه حائره]

وبعيش وياك فى الدنيا كأنى
مخلوقه معاك كده فى الجنه

والساعة اللى تقرب منى
مش ساعة دى بتعدى فى ثانيه

ده أنا بعشق كل حروف اسمى
لما بتندهلى تقول منه

وبحبك أكتر من نفسى
حتى لو كنت مزعلنا

وبشوفك بفرح إكمنى
فتحت وكنت زمان عاميه

طب قولى إزاى وانت معايا
بشوف الدنيا دى بالالوان

وبدارى الدمعه دى جوايا
مع انها فرح ومش أحزان

هحلفلك بس تصدقنى
أنا ببقى معاك مالكه الدنيا

وبحبك وأنت بتعشقنى
مش عايزة خلاص حاجه تانيه

mena_hassan

5-9-2017

[الفيلسـوف]

روعه الكلمات كالعاده من كاتبه عرفت بتميزها بين صفحات منتديات مصر
سلمت يداكى يامنه بقى

[العاشق الذى لم يتب]

بعيش وياك
والدنيا حلوة معاك
والعمر كله يحلالى
والهنا جالى
يوم ذوقت هواك
الفنانة والمبدعة منة
وروعة همساتك الرقيقة
تسلمى وتسلم يدك
كل سنة وانت طيبة

[Doaa Hammam]

رائعة كعادتك يا منة

أعشق كل ما تكتبيه

[بحر القمر]

كلمات جميله جدا
يسلم فكرك

[قلب وكلمات]

غنوه ولا أحلى يا دمعه
والكلمة توشوش صاحبتها
سامعه. طبعا سامعه
الدقه أرق من التانيه
احساس يكتبها يغنيها
والعشق يكمل معانيها


روعه طبعا ولا أحلي
كان نفسي اكمل الوزن حلو ، لكن
الصمت في حرم الجمال جمال
ربنا يسعدك ، كلمات خفيفه على القلب
رشيقة الاسلوب ، فكل التحية

[فارس الكلمة]

بعيش وياك يا كل حياتى
يا فرحتى وكل أمالي
بسعد طول ما أنت معاي
ولا لحظة تبعدنا يا مناي
بدونك الحياة دى مستحيلة
وكفانى وحدة وعيشة ذليلة
عرفت الحياة لما عرفتك
وسكني الحب أول ما شفتك
بلاش تبعد وتروح يا حياتى
خلي أيامى تفضل فى سعادة
بعيش وياك يا كل حياتى

منة

أحساس جميل ان يكون الإنسان اهم شئ في حياته حبيبه
دام الله لكِ حبك وبارك لك فى حبيبك
تقبلى مرورى وكلماتى البسيطة
فقد عجز قلمى لى ردك على كلماتك الرقيقة
أمير الردود

[شاعر الحب الحزين]

إحنا اللي بنعيش بين سطورك في إبداع وطرب
تسلمي ويسلم فكرك الجميل يا منة
ربي يوفقك ويسعدك يارب
وكل سنة وانتي طيبة وبخير وصحة وسعادة يارب

[كـريـم الحـفنـى]

عبق نرجسي يسطر بعذوبه
وجمال يعانق السماء كجمال تلك الحروف
تحياتى على هذا الطرح الراقي

[fanaa]

جميله يا منه وتنفع تتغنى واللحن فيها باين
تسلم ايديك