دوره تنشيط قسم الفوتوشوب

[fanaa]

السلام عليكم ورحمه الله وبركاته
طبعا بما ان المنتدى نايم نومه تقيله ومش قادر يفوق
فطبيعى ان الاقسام تنام مش بس قسم الفوتوشوب
طبعا العنوان واضح هو اننا عاوزين ننشط القسم دا
ازاى بقى أقلوكو
طبعا كل الاعضاء مفكرين ان الفوتو للتصاميم وبس طبعا الفوتو مندرج تحته اقسام
تانيه ومش عارفه محدش بيهوبها ليه مع ان مافيش قدامها عفريت يعنى
ما علينا
الدوره التنشطيه هتكون كا الاتى وهتبقى لمده 15 يوم
اولا سواء ليك فى التصميم اولاء
لو بتصمم عادى نزل تصاميمك ومش هتخسر حاجه برضو لو روحت لقسم المستلزمات ونزلت فيه مواضيع
ثانيا لو مالكش فى التصميم او مش بتعرف هتروح على جوجل تكتب فى بحث الصور استوكات للتصميم او خامات او خطوط أو فرش تصميم وكوبى وباست وتحطه فى المستلزمات زيو زى اى موضوع عادى لا هتصمم ولا هتعمل حاجه الامر بسيط وزى الفل اهو

طبعا زى ماقولت هى لمده 15 يوم بحيث ناخد راحتنا ومعانا وقت ومش هصعبها عليكو .انشله تنزلو موضعين فى اليوم فى قسم المستلزمات
والا بيصممو طبعا انتو هتنزلو تصاميم وبرضو موضعين او أزيد
لان اكثر حاجه فى محرك البحث هى عن الفوتوشوب فدا ممكن يجيب زوار اكتر
والمفروض يعنى اننا نوفر حاجات اساسيه هنا طبعا انا معاكو بس هبقى خارج التقيم
لو لقيت عدد المشتركين كويس هنزل توبيك بالبدايه وكمان فيه جوايز حلوه
هتنزل فى التوبيك وهيبقى فيها كروت شحن على حسابى بس مش مهم كله يهون
متكسلوش يا جماعه لو سمحتم المنتدى مش للكتابه وبس مفروض يبقى مميز لكل حاجه
يالله مين جااااااااى

[SaMa.]

لو عملت اى تصميم هشترك معاكو

[مهيب الركن .]

فكره جيده وان شاء الله هشترك معاكم بتصميم

[طبيب الهوى]

الفكرة حلوة يا آية

لكن بالنسبة لي أنا فعلا بعرف أصمم وأصور

لكن في الخيال فقط وقلمي يترجم علىَ الورق

مش بفهم غير في تصوير المشاعر بقلمي علىَ الورق

أعذريني لا استطيع المشاركة معكِ

بالتوفيق إن شاء الله للجميع

أبو عصام

[.Lamar]

طب انا جيت اهوه
معاكى طبعا
و هنزل مستلزمات و اى تصميم اعمله
ان شاء الله نلاقى تفاعل
و استنينى اشد البت اميرة تشارك معانا
و انتى عليكى و على ايمان طلعت
بس متقوليلهاش انى انا اللى قولتلك ههههه
هتطلع عينى

يدوم النشاط اية

[Mind language]

معاااااااااكى ياحبى فى اى مكان وزمان
وحتى لو مش فاضية افضالك

[fanaa]

اقتباس المشاركة الأصلية كتبت بواسطة SaMa. لو عملت اى تصميم هشترك معاكو

تنورى ياقمرى

اقتباس المشاركة الأصلية كتبت بواسطة مهيب الركن . فكره جيده وان شاء الله هشترك معاكم بتصميم

تنورنا مهيب

اقتباس المشاركة الأصلية كتبت بواسطة طبيب الهوى الفكرة حلوة يا آية لكن بالنسبة لي أنا فعلا بعرف أصمم وأصور لكن في الخيال فقط وقلمي يترجم علىَ الورق مش بفهم غير في تصوير المشاعر بقلمي علىَ الورق أعذريني لا استطيع المشاركة معكِ بالتوفيق إن شاء الله للجميع أبو عصام

تسلم يا أستاذى

اقتباس المشاركة الأصلية كتبت بواسطة .Lamar طب انا جيت اهوه معاكى طبعا و هنزل مستلزمات و اى تصميم اعمله ان شاء الله نلاقى تفاعل و استنينى اشد البت اميرة تشارك معانا و انتى عليكى و على ايمان طلعت بس متقوليلهاش انى انا اللى قولتلك ههههه هتطلع عينى يدوم النشاط اية

ايوه كدا يالمور اشتغلى شويه انا بعت لايمى ومقولتلهاش انك قولتيلى

اقتباس المشاركة الأصلية كتبت بواسطة Mind language معاااااااااكى ياحبى فى اى مكان وزمان وحتى لو مش فاضية افضالك

حبيبتى تسلميلى

[fanaa]

كدا سمسم واستاذ مهيب ولمار ومايند لانجوتش
يا مسهل

[ايمان طلعت]

هههههههه ماشي لامور هشد ودانك انا
فكرة حلوة ايه
معاكي ان شاء الله

[فداااااااااااء]

فكرة جميلة منكِ فناء
ان شاء الله هساعد فى الامر بالنسبة للمستلزمات
اما التصاميم مشكلة عندى انى ممكن اعمل تصميم بادوات كتيرة فبضايق انى لازم انزلهم هنا وما اعرف ليه مع ان المواقع الاخرى مش بتطلب الامر دا لو يترك بحرية العضو احسن
كمان ممكن اعمل تصميم وانسي بعض الادوات
لانى بجرب فى الفوتو
علشان كدا هخلينى فى المسلتزمات
يدوم نشاطك القيم يا قمر