متلومش الا نفسك...

[SaMa.]

انك تكون اعمى موش معناها انك موش شايف بعنيك...
لان كتير بتكون قدامنا كل حاجة واضحة
والحقيقة واحنا موش شايفنها..
موش شايفين غير الل جوانا مصدقو او عاوز يصدقو ..
خصوصا لو حد بنحبو موش بنشوف اى حاجة وحشة منو...
عنينا وقلبنا وكأنهم اتعمو وموش شايفين ...
ومعنى تانى بنشوف الل هما عاوزينا نشوفو..
حتا لو كدب دام مفرحنا بنصدقو..
حتا لو عارفين انو موش من مصلحتنا نكمل كدة بردو بنكمل..
لحد ميجى الوقت الل الصدمة فيه تهزك كلك والوجع والالم يفوقك ...
عينك وقلبك يشوفو الحقيقة الل كان موش شايفها ...
ولو قضيت فترة من حياتك اعمى ممكن تلحق نفسك
لكن انك تحب تكملها غبى دة الل موش مفهوم
وسعتها لو اخترت تكمل كدة تبقا تستاهل تبقا لعبة
ف ايد ناس موش شايلين ف قلبهم ليك غير كرة وغش ..
ومتلومش الا نفسك...

[Lamees]

كل وقت وله اذان
احنا بنفوق بس المشكلة في التوقيت
ويارب يكون وقتها مفيش جرح
تسلمي سما.

[Abdallah]

الكلام أعجبنى بشدة
و أحسنتى الرد يا Lamees
و كالعادة مش لاقى حاجة اقولها

طيب تسلموا على الأبداع .

[امنية الشافعى]

لازم نفكر بعقلنا عشان منتصدمش
بس للأسف القلب بينتصر دايما على العقل
وبتكون الصدمه فى النهاية
كلامك طالع من القلب وبيدخل القلب
تقديرى لقلمك المميز

[ملك جبال الاحزان]

لو فى شير هنا كنت عملتلك شير كتير 😂😂

كلامك فى محاله فعلا 👍

[دمعه حائره]

دى حقيقه تسلمى على الفضفضه

[عاشقه الورد]

كلامك صح ....ربنا يصلح حالنا ونفوق من كل وهم وكدب

[مارد الغضب]

اجمل ما فى الكلام انه جمع بين
البساطة
و
العمق
تحياتى لسموك

[مهيب الركن .]

احيانا يعشق البعض العمى عن طيب خاطر
لأن الحقيقه ستدمى قلوبهم
تقبلى فائق احترامى اختى الفاضلة

[اندرسون]

اول ماقرات كلامك افتكرت الشافعي لما قال
وعين الرضا عن كل عيب كليلة