قصيده أسمع يابحر بقلمى

[fanaa]

أسمع يابحر
أنا دلوقت بتألم
واليأس فى قلبى اهو معلم
وبكل سهوله أنا بتسلم
من كسر لكسر
أسمع يابحر
أيامى بتشبه بعضيها
والقلب عايشها وراضيها
والضحكه ولا اعرف أراضيها
يارب الصبر
ولا مره الحب يا موج جالى
ولا زار لو حتى فى خيالى
وكا العاده فاتونى احبابى
غرقانه بالقهر
فأسمع يابحر
وياريت تسمعنى للآخر
دأنا روحى ذيك ع الاخر
غريقه فى مركب وبعافر
لجل اشوف البر
اسمع يابحر
أسمع من وحده مهمومه
دمعات عينيها مقسومه
لا شافت م الحياه ضحكه
وألمها واقف عمره ما مر
لو بحكى ليك عن نفسى
يا بحر يمكن من نفسى
تسمع لصوت صدى نفسى
يمكن يكون نفسى الاخير
لكن انت مش مضطر
فقولى يابحر
كان فاد بأيه نيران كسرى
وأفضل شريده مابين بؤسى
بيزيدوا ليه رماد يأسى
وقلبى ياما كتير أضر
فأسمع يابحر
أسمع لأخر صوت من الوجعه
كان ليا يوم احلام مهش راجعه
يااما نديت وبكيت عليها كتير
وهى أشبه بالحجر مهش سامعه
واكتب يابحر
للرايح ع الرمله وللجاى
أو للمركبيه فى لمه صيد وشاى
وأعزفنى ع الموج الجريح بالناى
وقسم مقاطع جرحى
جوه القبر
وسلامى ليك يابحر
سلام يابحر
15/10/2017
aya yousef

[دمعه حائره]

وكتيره حكاوى البحر بيسمع ويفهم من غير شكوى
رائعه آيه تسلمى حبيبتى

[Doaa Hammam]

ما أروع البحر حين يطل عليه العشاق

وما أشد ظلمته حين تطل منه الذكريات وتنكسر على ضفافه الأحلام

كم هي رائعة كلماتك ,, وكم هو عذب بوحك

تحياتي

[Lamees]

البحر صديق احياناً لما بيسمعنا
ونلملم ذكرياتنا السيء منها ونرميها في البحر

حلوة كلماتك ايه
تسلمي

[فداااااااااااء]

الله كريم ورحيم عزيزتي
فادعوه ان يسعد قلبك الصغير
ويرزقك بما تتمنيه فيسعدك
فيتغير حالك لاحسن حال
سلمتي فناء

[الوحدانى شعلان]

مناجاه مع البحر وبوح بمشاعر تجوب القلب
ابدعتى اختى الغالية

[مهيب الركن .]

سطرتى مشاعرك بمنتهى الأبداع
ورساله تحمل معانى كثيره
تقبلى فائق احترامى اختى الفاضلة

[.Lamar]

اقرب و اوفى صديق
ممكن تكلميه وويتحمل همومك
و يشاركك فرحك و حزنك
جميلة اوى يا اية
رغم حزنها
مهما طال الالم محدش عارف بكرة مخبي ايه
تسلم ايدك

[*فجر الاسلام*]

حستها اوى
جميله
يسلم ابداعك

[بحر القمر]

حوار رائع مع البحر
ربي يسعدك