علامه من الطغوله

[سهـــر]

مساء الخيرات
كل واحد فينا اتعور زمان تعويره
سايبه اثر لحد دلوقتي عنده
كل واحد بقا يدخل يكلمنا عن
الحادثه اللي حصلتله وهو صغير
خلونا نضحك شويه على بعض

[سهـــر]

انا هبدا عندي حادثتين
اول واحده وانا عندي ٣ سنين تقريبا
بابا كان جايبلي عربيه بريموت
كان بيلعب بيها وانا بجري ورا العربيه
قام بابا مودي العربيه ناحيه الكومدينو
راسه دخلت في حرفه اتخيطت ٥ غرز
بس لحد دلوقتي ساعات كدا بيوجعني وبفضل اهرش فيه

[سهـــر]

تاني حادثه 😂
انا كنت حوادث دايما
كان عب ٥ سنين
كنت بلعب بالعجله بتاعتي
قدام باب الشقه
وكان في واحد نازل ع السلم
فبيعملي باي باي
مشيت وراه عشان ابيبيله
قمت هوووبا من ع السلم بالعجله
دقني اتفتح واتخيط ٣ غرز
بس الحمدلله الخياطه فوق طابع الحسن
فمش باينه اوي في وشي
^_^

[Muhammad_Adel]

هههههههههههه دا انتي طفولتك كلها حوادث ^_^ علشان تبيبي براحتك بعد كده
ليا عوده بعد كده بحادثة ^_^

[سهـــر]

مستنيين مصايبك 😂

[ايمان طلعت]

سهر حوادث هههههه
الحمد لله و لله الحمد ماخدتش غرز ابدا باستثناء طبعا غرز الولاده
طفولتي كانت طفوله هاديه اوي بس افتكر وانا في ابتدائي مش فاكره كام سنه
كنت عالسلم وماسكه قطه قعدت على رجلي شويه وبتقوم روحت انا مسكتها جامد من بطنها وكانت حامل راحت عضاني في ايدي و نطت مني
اللي معلم بقى
كنت انا واخويا صغيرين وهو ماسك ورقه بسكوت و ولع فيها
اتحرقت بسرعه فرماها جت على ايدي اتلسعت ولسه معلمه لحد دلوقتي علامه صغنونه

فكره حلوه اننا نفتكر حوادث زمان ههههههه

[بحر القمر]

جميل اننا نرجع بالذاكره لسنين عشناها بكل ما فيها
افتكر وانا صغير موقف فظيع حصل لي
واقف بالبلكونه وكان الجو مطر شفت شوية كلاب بيتخانقوا مع كلب صغير الموقف صراحه خلاني صعب عليا الكلب الصغير عملت فيها بطل ونزلت احوش عن الكلب الصغير لقيتهم كلهم جايين جري ورايا اتاري الكلب الصغير ده ابن حد فيهم وبيدربوه المهم طيرت جري وهما ورايا والحمد لله كان الباب مفتوح دخلت وقفلت وانا بطلع في الروح هههههه


اشكرك على الفكره المميزه

[سهـــر]

اقتباس المشاركة الأصلية كتبت بواسطة ايمان طلعت سهر حوادث هههههه الحمد لله و لله الحمد ماخدتش غرز ابدا باستثناء طبعا غرز الولاده طفولتي كانت طفوله هاديه اوي بس افتكر وانا في ابتدائي مش فاكره كام سنه كنت عالسلم وماسكه قطه قعدت على رجلي شويه وبتقوم روحت انا مسكتها جامد من بطنها وكانت حامل راحت عضاني في ايدي و نطت مني اللي معلم بقى كنت انا واخويا صغيرين وهو ماسك ورقه بسكوت و ولع فيها اتحرقت بسرعه فرماها جت على ايدي اتلسعت ولسه معلمه لحد دلوقتي علامه صغنونه فكره حلوه اننا نفتكر حوادث زمان ههههههه

ههههههههه
انا معلمه على تقى اختي جمب حاجبها
كانت واقفه ع السلم بس في اخره
وانا ماسكه علبه اسبراي
شوطها عليها عشان اجيب جون
رشقت في حاجبها
وفضلت تجيب دم
ومعلمه لحد دلوقتي

[سهـــر]

اقتباس المشاركة الأصلية كتبت بواسطة ياسر عبد الباقي جميل اننا نرجع بالذاكره لسنين عشناها بكل ما فيها افتكر وانا صغير موقف فظيع حصل لي واقف بالبلكونه وكان الجو مطر شفت شوية كلاب بيتخانقوا مع كلب صغير الموقف صراحه خلاني صعب عليا الكلب الصغير عملت فيها بطل ونزلت احوش عن الكلب الصغير لقيتهم كلهم جايين جري ورايا اتاري الكلب الصغير ده ابن حد فيهم وبيدربوه المهم طيرت جري وهما ورايا والحمد لله كان الباب مفتوح دخلت وقفلت وانا بطلع في الروح هههههه اشكرك على الفكره المميزه

قلبك جامد
عندي حاله رعب منهم
بكرههم ونفسي يختفوا من الوجود
تسلم ع مساركتك معانا

[دمعه حائره]

ههههه ايه الحوادث دى كلها مكنتش طفولة هادية خالص
انا الحمد لله معنديش اى علامات فى وشى
لكن افتكر كنت بقع كتير وركبتى تتعور
ومرة زمان خروف العيد جرى ورايا واتعورت تعويرة كبيرة فى رجلى
توبيك جميل سهر