ارجوكم ساعدوني

انا مرتبطه بقالي ٣ سنين
وكان الفتره دي حلاص جاي يتقدملي
بس ظهرت مشكله عنده
من ٤ شهور غلط مع واحده
هي بتحبه وهو كان بيهرب منها
بس من ٤ شهور راحتله البيت
وحصل اللي حصل
ومن كام يوم كلمته تبلغه انها حامل
في الرابع وانها مقالتلوش عشان تدبسه ويتجوزها
ومش راضيه تسقط الجنين
وقالتلو اني لما اعرف هسيبه وهيبقا ليها لوحدها
الموضوع بقاله اسبوع
وهو اعترفلي امبارح
انا دماغي هتتشل من التفكير
ومش عارفه اتصرف ازاي
ساعدوني ارجوكم

[ايمان طلعت]

جنين ايه اللي تسقطه في الرابع ده بقى جسم و روح

بصي انا مش هتكلم على مشكلته
هتكلم عليكي انتي
ازاي هتثقي في واحد عمل كده اصلا وتعيشي معاه
حتى لو حل مشكلته و انجوزتيه هيبقى جواكي الشك دايما فيه و هتتحول حياتك لعذاب و غالبا انفصال لانه مش هيتحمل شكك على طول
فالافضل ليكي تنفصلي عنه و ربنا يرزقك باحسن منه خلقا
وهو يتجوزها ميتجوزهاش حر متشغليش بالك بالقذاره دي وابعدي
ربنا يوفقك و يستر بناتنا و ولادنا

[د/ عبد الله]

هو غلط ولازم يتحمل نتيجة غلطه..أيا كانت الظروف بقى
ولازم يدور على حل فورا لانها ف الرابع والموضوع كده هيتكشف
يتجوزها بقى ويسافروا لحد ما تولد او يشوف اي حل
ولما تولد يبقى يطلقها لان اللي زي دي الواحد ميثقش فيها ابدا

وبعد ما يحل مشكلته يبقى تشوفي هتكملي معاه ولا لا
وانتي لو عارفه انه شخص كويس استنيه
لان مفيش حد معصوم من الخطأ..خصوصا لما تكون بنت جايه لراجل تسلمه نفسها

[ندوشه 2011]

اقتباس المشاركة الأصلية كتبت بواسطة د/ عبد الله هو غلط ولازم يتحمل نتيجة غلطه..أيا كانت الظروف بقى ولازم يدور على حل فورا لانها ف الرابع والموضوع كده هيتكشف يتجوزها بقى ويسافروا لحد ما تولد او يشوف اي حل ولما تولد يبقى يطلقها لان اللي زي دي الواحد ميثقش فيها ابدا وبعد ما يحل مشكلته يبقى تشوفي هتكملي معاه ولا لا وانتي لو عارفه انه شخص كويس استنيه لان مفيش حد معصوم من الخطأ..خصوصا لما تكون بنت جايه لراجل تسلمه نفسها

برافو عليك اسمعي كلامه حل منطقى انا أحييك. ربنا يكتب ليكي الخير

[أحببتك فاكتفيت]

أفتكر انه شخص ميستحقش تفكري فيه .لانه مكنش امين معاكي معترفش ليكي بخطأه من البدايه.عمل عملته وسكت ومكنش ناوي يصلحها حتي لو هي ايلي راحتله لحد عندها احيانا الحب بيوصل البني ادم انه يقدم تنازلات عمره ما فكر انه يقدمها عشان خاطر ايلي بيحبه.لحد ما فاجئته بحملها شخص زي دا عمره ما هيحافظ عليكي ولا هيتقي ربنا فيكي .لازم يتجوزها ويصلح غلطه .وانتي استني ايلي يستاهل قلبك

[*فجر الاسلام*]

مايستحقش تكملى معاه لانه خاين ليكى وخان الثقه
قوليلى ازاى هترجع تانى هتشكى فيه دايما
سبيه وربنا مابيسبش حد
وربنا يهدينا جميعا

[Lamees]

انا بئا شايفة حاجة تانية
ده حوار عشان يخلع منك يا قمر
ثوري لكرامتك واديله السكة وخليها تيجي منك
واوعي تبكي عليه بالعكس افرحي انك خلصتي منه

[Doaa Hammam]

انا من رأيي انك تتركيه يصلح غلطته بالاول

لازم يتحمل نتيجة أخطاءه

وربنا يعوض عليكي بالاحسن والأجدر

ومين عارف يمكن لسا بينكم نصيب

هو غلط طبعا غلطة كبيرة بس مفيش حد معصوم من الغلط



ممكن يتوب ويندم ويبقى انسان تاني ..

[Fatma eissa]

هو قلك عشان يترك ليكي القرار
دي حاجه كويسه
ولافضل انك تتركيه
وتشوفي حياتك
وهو يشوف حياته
وربنا يعوضك بأفضل
تسلمي علي طرحك الطيب