كلمة القدر

[*فجر الاسلام*]

السلام عليكم ورحمة الله وبركاته

امبارح كنت ماسكه الكشكول اما اقرا فيه
واحده كانت كاتبالى فيه كلام
فى اخر جمله هى كاتباها
ربنا مايبعدناش عن بعض ابدا
بصيت للجمله كتير وافتكرت البعد اللى بقا بنا وابتسمت
لان الوقت اللى بيبقى معانا حد بنبقى بنقول كلام حلو كتير
وبنتمنى حاجات احلى
مانعرفش انه بعد كده هيوجعنا اوى الكلام
لما يحصل عكسه
احنا بنبقى بنكتب ونتمنى يتحقق
لكن القدر بيبقى كاتب حاجه تانيه خالص
ممكن ماتعجبناش او تجرحنا
بس كلمة القدر هى اللى بتتنفذ
و فى النهايه كل حاجه ربنا بيعملها
دى لحكمه هو عارفها
واكيد مخبيلنا الافضل والاحسن

[.Lamar]

فى وقتها بنتمنى اللحظات الحلوة تدوم
بنتخيل ان عمرها فعلا ما هتنتهى
لكن الحياة بتفرض علينا غير كدة
و ممكن احنا منتغيرش
بس اللى قدامنا يتغير

و كله مكتوب و بنعيشه
تسلمى فجر

[سهـــر]

ونعم بالله
في ناس كتير بيروحوا من حياتنا
بتكون اخر حاجه ممكن تفكيرنا يوصلها
ان الناس دي تخرج من حياتنا وتبعد عننا
بس كل حاجه بتحصلنا مكتوبه فوق
ربنا مش بيعمل غير الخير طبعا
تسلمي فجر

[SaMa.]

محدش بيفضل ع حالو ي فجر

[دمعه حائره]

ونعم بالله
صدقتى فجر مهما نعمل القدر بيقول كلمته فى الاخر

[*فجر الاسلام*]

ربنا يسعدكم ويكتبلكم الخير
نورتوا