صباح الخير

[ahmed 22]

صباح الخير علي بلادي
تملي الكلمة متعادة وده العادي
تملي قصايدك في العادي نصها تهاني
تملي نقري وبنضحك وبنقول هس
تملي الشعر في حضورك بقا اغاني
تملي بنسمع وفي ضعفك بنتهادي
تملي أمالنا في علوك بقا بلادة
تملي السكر المغشوش بقا زيادة
تملي الرغرغة في عينا بعزك فرح
تملي بكانا من ضيقنا بيهديه جرح
تملي القطرة في عنينا بتخفي الدمع
تملي الكذبة عشناها بعلم الصدق
تملي بنشكي من احوالنا ونهاتي
تملي رضانا بالسترة بقا ثواني
تملي معاكي في الحلوة وفي المرة بقت جملة تبل الريق
تملي الريق بقا بينشف بمٌر الضيق
تملي كنتي تدوقينا المٌر من غير ذل
تملي زمان بقا ثوابه منة في جبين ميت أم
تملي في حاضرك ثابت انا بهزة حبر
تملي الذل بقا غواية وضنكه يهد
تملي مستقبلي معاكي مهبه الريح
تملي حضورك في وسط سطورنا بيشيل هم
تملي الهم يسألنا في غيابك هشكي لمين ؟
تملي عقولنا بتصارع خطايا الغير
تملي سؤالنا في اجابته سؤال واتنين
تملي العالمة وبترقص في نص الليل
تملي العلم يلم النقطة يمسك دف
تملي النقطة بتسقف في زوايا المخ
تملي بتعمل الفكرة حساب في البنك
تملي الفكرة في الصندوق مش التطبيق
تملي امالنا واحباطنا سطور بتزيد
تملي كلامنا والله ما عارفينله شمال ليمين
تملي كلامنا بنرصه وبنقول بخ ..


صباح الخير علي حلاكي
اسمحيلي اكون صديق
تناقضي فيكي واقع
مش عارف امتي افرح
مش عارف اكون صريح
مش عارف معني أحبك
مش عارف اكون جريح
مش عارف ابقي جاني
مش قادر اعيش ضعيف
مش عارف حتي انحت من تاريخ آملك مصالح
مش عارف حتي عنوانك في أحلامي
مش عارف سر ليكٍ غير انك سجانة لسجاني
.......

[مهيب الركن .]

روعه اخى الغالى
كلمات تحمل معنى الأنتماء والحب الحقيقى
برغم مرارة المعنى ولكن العتاب لا يكون الا من محب
تقبل تحياتى لروعة نبضك المميز

[.Lamar]

اخى الكريم
لم اجد رد يفى كلماتك حقها
او يعبر عما اثارته فى نفسي
اجل نرى فيها كل ذلك
وما زلنا نهواها
ومع بداية يوم جديد نتمنى
ان تنصلح الاحوال
ان نجد فيها ما نرجوه
ان تلتئم الجراح و يسود العدل

كل الشكر اخى
تحياتى تسبقها تقديرى

[*فجر الاسلام*]

وبتغضب وتثور حروفنا
لكن تبقى لها محبه فى القلب
روعه حروفك تسلم ايدك
تحياتى

[دمعه حائره]

كلمات رائعه أبدعت اخى
تسلم ويدوم التواجد الجميل

[Doaa Hammam]

الله على الجمال

صدقت يا أخي مهما شفنا فيها مش قادرين غير اننا نحبها

سلمت يمناك