كلامٌ بديع و فعلٌ فظيع

[مارد الغضب]

لقد اعجبنى جدا كلام الرئيس السيسى عندما قال: انه سوف يلغى الدعم
و لكنه لن يفعل ذلك الا بعد ان يغنى المواطن...كان هذا منطقا سليما جدا
و لكن ما حدث بعد ذلك كان صادما...جدا
بل استطيع ان اقول انه كان مستفزا جدا جدا
فقد ازدادت الاسعار فوق طاقة الانسان المصرى
اصبحنا نخوض معاناة يومية بسبب السعى وراء لقمة العيش
فما بالك بالدروس الخصوصية فى الوقت الذى سحبت فيه الحكومة يدها
من الرقابة و من التطوير و اكتفت بتصريحات عبثية خزعبلية للدرجة التى
اخرجت التعليم المصرى من جداول التصنيفات التعليمية
تركونا وحدنا نطفح دماء قلوبنا من اجل الدروس الخصوصية
فكل واحد فينا يريد ان يرى ابناءه فى ارقى المواضع
و اليوم استفقت على تصريح بين النفى و الاثبات من قبل الحكومة
و بعض مروجى الاشاعات عن تحريلا سعر البنزين
و لاننا اصبحنا خبرة كبيرة فى تحليل تلك الاشاعات نعرف جميعا طريقة
الحكومة ...سوف يحررررررررررر سعر البنزيييييين
و حجة الحكومة دائما طبقا للاسعار العالمية
و كأن الحكومة تريد معاملة المصرى بالسعر العالمى مع تجاهل رفع
مستواه للدخل العالمى
متوسط دخل المواطن المصرى 70 دولار شهريا
هل تريد مقارنته بالدخل العالمى...عنيه ليك
خد عندك...فيه دولة تغطيها شمسية دخل المواطن الشهرى 11 الف دولار
كمان فى اوربا متوسط دخل الفرد سنويا بين 85 و 90 الف دولار
سنغافورة 87.7 الف دولار
الى جانب هذا الدخل المحترم فالدولة توفر لهم تامين صحى حقييييييقى
و خدمات حقيقية ..لذا فهم يدفعون ضرائبهم بلا ادنى ضيق
لذا اجدنى مضطرا لمناشدة الدولة المصرية ان ترفأ بنا
و للحديث بقية ان اراد الله ذلك

[ahmed 22]

مش واخد بالك انت ان الرئيس كان بيمهد للموضوع ده من ساعة ما مسك البلد
وكان كل شوية يطلع راكب العجلة بتاعته وبيعمل مارثون
او بيتفسح مع البودي جارد بتوعه وكدا ويتواضع ويتصور مع الشعب وكدا
هو الفكرة انه لما يحرر سعر البنزين هيركبنا العجل عشان صحتنا
صحتنا اهم .. احنا نن نور عنيه من جوه .. انت بس مش واخد بالك

انا عاوز اكلم الصراحة كتيررررر وبدون ترتيب وموضوعك يمكن فتح المجال ده
لاني من فترة كبيرة بطلت كلام في السياسة او حال البلد وكدا
هكتب لمجرد الكلام ليس الا ... وحظك بقا انه جيه في موضوع حضرتك

ما علينا
المفروض ان الكلمتين اللي انا كتبتهم فوق دول اللي في قلبي والله فعلا
عاوز اسخر واتهكم علي وضع الدولة واللي وصلتنا ليه برئيسها بحكومتها
لأني شايف الناس بتعاني كل يوم بسبب متغيرات الغلاء والاسعار
اللي بتحصل كل يوم وبتسبب حالة ركود للسلع وخصوصا في مجالنا بتاع
التجارة وكدا ... وكمان الرواسب اللي بجانب الركود كزيادة التكلفة وكترة
المصاريف اللي كل يوم الدولة بتزيدها علينا لدرجة لا تطاق ...
احنا في زمن فعلا بقا ماسخ .. مابقاش فيه فرص أنك يكون عندك طموح
وتحققه ... ولا حتي عندك الفرصة أنك تبص قدامك شبرين ..
افكارنا متحددة اقامتها لندرة الفرص .. اللي محتاجة دايما طريق شمال
عشان تتحقق ... والأدهي من كدا أن الافكار بدأت تدبل والزمن بيحتكرها
لنفسه وفي وسط كل الف شخص ممكن 2 بس اللي ينجحوا ويوصلوا
علي حساب الباقيين اللي بيتفرجوا او علي حساب فشلهم وعدم قدرتهم
عالاستمرار .. لأن فعلا انك تنجح في مصر معناه أنه غيرك لازم يفشل عشان
انت تقدر توصل وتقدر تعلي بالكارير بتاعك ...

بس انا واحد من الناس عايش في صراع رهيب بين افكار كنت بتبناها
لما كنت لسا بدرس ومتحمس اثناء الثورات اللي جصلت اخر 8 سنين
وواقع حالي لما بدأت اشيل مسؤلية او بفكر اعمل حياة ليا وكارير وكدا ..

من كام سنة الثورات دي خلتني افكر بأشكال مختلفة وكان عندي وقتها توقع للشكل
اللي هتعاني بيه الدولة وللامانة يمكن انا كنت متوقع شكل اسوأ من الموجود
حاليا ... اه والله .. وكنت شايف ان ده الطبيعي والمنطقي يعني ..
لأن كل المجاري اللي كانت مستخبية هتطلع عالسطح ..
وكل الكبت اللي كان لسنين بقا ليه مكان عشان تنفخ فيه وتطلعه بقا ..
سواء علي ابوك ولا عالدولة ولا علي اي نظام هيحكمك ..

وبرضه كنت بتشوف ناس بنقعد تقول بقا الكلام اللي احنا كنا حافظينه ايامها ده
اللي هو طبيعي البلد لازم حالها يكون سئ
عشان بعد ثورة وتغيير نظام واحنا كنا عايشين علي المسكنات
اللي الحكومة كانت بتديها لينا ومافيش مجال للتطور ولازم نستحمل
ولازم نعرف أنه لازم هننجح في يوم والكلام ده ونقعد نقول طب فاكرين
الثورة الفرنسية واللي حصل فيها واحنا لسا قدامنا عالاقل عشرين
سنة عشان نقوم من مكاننا وبتاع ... اعتقد الناس ممكن
تفكر نفسها بالكلام ده ...

طبيعي انه يكون فيه فوضي سواء فكرية او اجتماعية او امنية بعد ثورة .. وكدا
امتي نقطة النظام هتتحط .. ده كان شئ في علم الغيب
في وقت كانت الناس كلها بتتصارع علي مين هياكل التورتة الأول ..
مع اني ماكنتش شايفها تورتة يعني ايامها والله ..

وده كله كان طبيعي يؤثر علي الشكل الاقتصادي للبلد
وان التراكمات بتاع الثورتين دول كفيلين انهم ينهوا مستقبل الجيل الحالي كله
لأنه اي حد دارس او قاري عن الاقتصاد ويعرف عن التضخم و تصنيفات ومعدلات التنمية والفجوة اللي اتصنعت ما بين مصادر الدخل والصرف ...
طبيعي يفهم احنا فين دلوقتي وطبيعي يفهم ان احنا دولة مازالت علي حافة الافلاس وطبيعي يفهم ان احنا ماعندناش الوقود الحقيقي لأي شعب وهو
التعليم اللي ممكن يكون سند لينا في وقت زي ده انه عالاقل نكون فاهمين
لأننا في المركز قبل الاخير من حيث مستوي التعليم
علي مستوي العالم ... وطبيعي يفهم انه الاجراءات الاقتصادية جزء منها لازم
يكون غبي ولازم يأذي ايا كان مين اللي هيصدرها سواء السيسي ولا البيسي ...
الفكرة بس كانت في مين عنده الشجاعة انه ينفذها ..
انا بس كل اللي مزهقني من البلد دي أنه ماشفتش واحد فيها
ابن حلال طالع كدا يعمل شئ ثوري في التعليم او عنده مشروع
يبني من خلاله ركيزة واساس للأجيال الجاية انها تحب تتعلم ويتقدملها تعليم صح .. ومن خلال ده تحب تشتغل عشان تلاقي مقابل صح مقابل رغبتها
في أنها تشتغل عشان بتحب الشغل مش عشان مفروض انها تشتغل عشان
تاكل وتنام ... فرق كبيررر جدا في الثقافة دي ..
فرق بين السما والأرض .. في اليابان عندهم احصائية سنوية
لناس بتموت بسبب الافراط الزائد في العمل ...
احنا هنا الناس بتموت بالقلب والسكر بس ..

لأن الاجيال اللي قبل كدا كل همها في الحياة انها عاوز تعيش النهاردة بس
ورسخوا ده
وماشيين بمبدأ عيشني النهاردة وموتني بكرة ...

بس المهم التورتة وصلت لحد مستر بريزدينت سيسي .. الطيار بتاعنا حاليا
اللي بيقود السفينة .. هو العرف بيقول ان المفروض القبطان هو اللي بيقود
السفينة .. بس احنا غير الناس كلها معانا طيااااار بيقود الطيارة بسرعة 6 ريختر في الثانية .. لدرجة ان الطيارة وقعت منه
في البحر لقا الركاب بيولعوا .. سابهم وراح يعوم لقا سفينة ركبها ومن ساعتها وهو مدلدل رجله في المية الساقعة ..
وساب الركاب مولعين كلهم في الطيارة ...

بس ما علينا من قصة حياته
انا قناعاتي العقلية بتقول انه صح لما دلدل رجله في المية الساقعة
انما الحياة والدنيا محسساني انه ولع في البلد والناس وفيا انا شخصيا هههه

قناعاتي من كام سنة كانت بتقول انه عشان نتقدم ونكون احسن لازم تكون الحلول قاسية
سواء بقا هيقدمها السيسي ولا اللي بعده .. يعني انا متأكد انه الطبيعي
انه لازم نعاني ...
ومش عاوز ادخل في تفاصيل محددة ... ايا كان ...
بس هوا لغباء بس من مستر بريزدنت سيسي هو وحكومته
انه بيفاجئوا الشعب بقسوة حلولهم وبمشرط جراح غشيم
وبدون مقدمات واضحة
الله أعلم يمكن الايام تثبت ان اللي بيعملوه ده صح ..
ما هو حاجة من اتنين
لاما بعد عشر سنين من دلوقتي
نلاقي احمد موسي بيحتفل بعيد ميلاد السيسي مؤسس مصر الحديثة
بعد محمد علي زي ما هيطبل برضه وقتها
لاما نلاقي الذكري السابعة لثورة 14 نوفمبر 2020

انا زهقت الصراحة ومليت من الكتابة
مع ان كان فيه كلام اهم ممكن يتقال
العذر منك يا مارد لو بوظت الموضوع ..

[ندوشه 2011]

مارد شكلنا هنزورك قريب بعيش وحلاوه

[مارد الغضب]

انا فخور بردك و بعقليتك
ليت الجميع يتمتعون بنصف وعيك
شرفنى حضورك جدا

[مارد الغضب]

صدقينى يا ندوش سأكون سعيدا
و انت كذلك
تحياتى لسموك

[Suspect.Hero]

سيرفع الدعم ولكن سيجعلنا اغنياء اولا !!!
ماهذا المنطق يا اخي ؟!
لو كانت المشكله بمثل هذه السهوله "مكنش حد غلب"

التاريخ اثبت لنا بالادله القاطعه والتجارب العلميه
ان التقدم والازدهار والبناء لا يأتي الا بعد معاناه وفي احيان اخري مأسي

الطريق الى ماشي فيه السيسي صحيح جدا ولكنه بطئ جدا جدا
رفع الدعم اولي الطرق

هنتعب وهنجوع وهنتمرمط سنين مش يومين لا
بس اولادنا هيعيشو في مجتمع احسن
ممكن اولادنا يجوعو واحفادنا هما الى يحصدو ما فعلناه
الاشياء لا تأتي من العدم يا صديقي منطقيا لازم نتعب ونفكر صح
بعيد عن الاوهام

[Lamees]

مش لما يكون رئيس بحقيقي
ده حاجة كده مالهاش طعم ولون
بيقول كتير بس فين اللي بيتنفذ بئااا
اسعار الكهربا والغاز والمياة الفواتير حاجة مش ممكن
والبنزين بئااا ده حاجة كده على جمب
مش عارفة الواحد يلاقيها منين ولا منين
بس اهم ما في الموضوع
الراجل ده لما بشوفه بيغير مودي خالص وبيعصبني
انا مش عارفة ممكن يعقد على قلبنا لحد امتى
تسلم مارد على الموضوع

[فداااااااااااء]

متهيألى اخر اهتمامات الحاكم المواطن
زهقنا من الانتقاد لقلوب لا تحس ولا عقول بتفهم

سلمت اخى

[مارد الغضب]

Suspect.Hero
*****
صديقى
استطيع ان ارد عليك بالحجة و الاقناع
و فى جعبتى و جعبة اى مصرى الكثير
و لكن
لو استعرضت امكانيات مصر الاقتصادية
من موارد طبيعية و موارد بشرية
لتعجبت لما نحن هنا
و لما نحن لسنا من اقوى خمس دول
فى العالم فى كل المجالات
و لو قارنت بيننا و بين تجارب دول اقل
فى الامكانيات و بين مصر لذهلت بحق
ثم لو سألت نفسك لماذا ينجح المصريون
فى الخارج و يقزموا فى بلدهم لعرفت
ان العيب فى الادارة
*****
اسعدنى مرورك

[مارد الغضب]

Lamees
*****
عارفة يا لميس
ساعات بتقمص دور الحكيم و اقول لنفسى
دور على اى حاجة حلوة عملها الزعيم
و بعد بحث و تدوير؟؟؟؟؟؟؟؟؟ مفيش
اروح لقنوات النظام الاقى الكل واقف عند
نقطتين
كفاية عليه انه قهر الاخوان
و
احسن منبقى زى سوريا و العراق
ولا ايه رأيك
تحياتى لسموك