سبرنج رول و فراخ ستربس ( أكله من مطبخك )

[بقايا عشق]

اقتباس المشاركة الأصلية كتبت بواسطة .lamar شكلهم تحفة جدا يا بطتى انا بحب الاستربس اووى امينة الجماهير تطالب بالطريقة بالنفصيل الممل من اول السبرنغ رول لحد الثومية تسلمى ايديكى يا حبي بالتوفيق يا رب

حببتي تسلميلي يالمورة

بس كده من عيوني ياقمر

انا نزلت طريقة السبرنج رول

وهكتبلك الاستربس اهو حببتي

شوفي حببتي

هتجيبي نص كيلو صدور

وتقطعيهم بالطول حجم مناسب

وبعد كده هاتي بوله وحطي فيها

كوبايه دقيق

ومعلقتين نشا

ومعلقتين زبادي

وبيضه

وملح وزعتر ورشه فلفل اسود وبابريكا ورشه كركم وبهارات فراخ ومعلقه خل كبيره

وشطه لو عايزاها حراقه

وزودي بقي شويه لبن واحده واحده وانتي بتقلبي كله مع بعض

لحد ما تعملي خليط تقله متوسط

مش خفيف ولا تقيل

وتاخدي صدور الفراخ تحطيها في الخلطه ده

وتسيبيها في التلاجه 5 ساعات

ولما تطلعيها تجيبي بوله تانيه

حطي فيها شويه دقيق علي بقسماط مطحون

وحطي الفراخ فيها بس من غير ما تضغطي عليها

وتسويها علي نار هاديه عشان تبقي طريه من جوه

بس اهم حاجه الزيت يكون سخن كويس

وبألف هنا حببتي 😘

اما بقي عن التوميه

افرمي 3 فصوص توم كويس في الكبه

وانزلي عليهم بعلبه زبادي

ومعلقة خل

ومعلقتين مايونيز

واعصري نص لمونايه

ومعلقة ملح صغيره

😊😊

[بقايا عشق]

اقتباس المشاركة الأصلية كتبت بواسطة big bốss حلوين شكليا و لكن يبقى التذوق هو الفيصل استمرى

لا من ناحية الطعم ماتقلقش

حماتي بنفسها شهدت لي 😊😊

نورت بوجودك اخي

[.Lamar]

يسلم ايدك يا قلبي
هجربهم اكيد

[*فجر الاسلام*]

حمد الله على السلامه وحشتينا والله
حلوين بس اكتبلنا الطريقه
تسلمة بالتوفبق

[ايمان طلعت]

اقتباس المشاركة الأصلية كتبت بواسطة بقايا عشق ربنا يخليكي حببتي انتي الاحلي بالنسبة للطريقة بقي شوفي حببتي هنجيب رقائق السبرنج رول نوعية السنبلة حلوة اوي وهنجيب فاصوليا خضرا .. وجزر وكرنبايه صغيرة من بتاعة السلطة وهنقطع كل ده شرايح صغيرة بالطول كده والكميه علي حسب ما تحبي بس الكميات تبقي قد بعض وتجيبي كمان ماشروم الاحسن يكون فريش مش المعلب ده وقطعيه بالطول كمان شرايح بس مش رفيعه زي الخضار عشان يبان . نجيب طاسه بقي بس الاحسن تكون تيفال عشان الخضار ما يلزقش ويبقي سليم نحط نقطتين زيت مش اكتر وفصين ثوم مفرومين نقلبهم تقليبه فالزيت وتنزلي بقي الاول بالماشروم الفريش لما يقرب يستوي ويغير لونه تنزلي بالكرنب الاول ياخد تقلبتين وبعد كده تنزلي بالفاصوليا والجزر وحطي عليهم ملح ورشه فلفل اسود بس كده اوعي تحطي اي بهارات عشان طعم الخضار ما يروحش خليهم بالظبط عالنار 3او 4 دقايق وطفي عليهم المهم الخضار مايكونش مستوي جامد لازم يكون فيه سنه قرمشه كده وعشان يفضل لونه فاتح وبس كده دي حشوة السبرنج رول بعد كده تجيب لفة السبرنج رول وتحشيها بقي وبعد كده تحمريها فالزيت بس علي نار هاديه وانا بحب اغمسه في صويا صوص 😊 بجيب شوية صويا صوص وبحط عليهم ثومايه مفرومه بس لو هتعملي الصويا صوص اوعي تحطي عليه ملح عشان هو بيبقي حادق لوحده 😉

تسلمي على الطريقه
مش عارفه الاعجاب راح فين مش عارفه اعمله هههههه

[دمعه حائره]

تسلم ايدك وموفقه ان شاء الله