روحت أصلى

[*فجر الاسلام*]

السلام عليكم ورحمة الله وبركاته

موجود فى ايامك عايش على احلامك
مستنى نظرة حب تنور كل ظلامك

ماشى ومش شايف وبكره منه خايف
اتارى مافيش بكره وانا كنت مش عارف

طلعتى يا دنيا قصيره ليه بفراقى متاثره
سبتك وروحت اصلى لقيت وشوش متغيره

معرفش ايه المطلوب طيب عملت ايه ذنوب
انا فى حالى ولربى ماليش فى سكك ودروب

مـاسمعنيش ولا سمع صرخة طفل نفسه يعيش
عقله غاب وكله مـــات والسبب...مـــافيش

قتلونى ومن بلدى حرمونى
وجعوها هى قبل مايوجعونى

عدمونى قدام عنيها ومكملتش حلمى فيها
وصيتى يادنيا بلدى اطلبى من المولى يحميها


فجر
26/11/2017

[شاعرة الرومانسيه]

حسبيى الله ونعم الوكيل
الله يرحمهم وينتقم من الخونه الى ماليهم مله ولادين
تسلم ايديكى حبيبتى

[فداااااااااااء]

الله يرحمهم جميعا
جميلة كلماتك تسلم ايدك

[بحر القمر]

اللي راح يشجع مات !
واللي عبر عن رايه مات !
واللي دخل الجيش مات !
واللي راح يصلي مات !
تبا ياعصر الأموات .....
حسبي الله ونعم الوكيل

[دمعه حائره]

حسبى الله ونعم الوكيل
تسلمى كلمات معبرة

[*فجر الاسلام*]

شاعرة الرومانسيه
اللهم امين
تسلمى نورتى

[*فجر الاسلام*]

فداااااااااااء
الاجمل مرورك
تسلميلى

[*فجر الاسلام*]

ياسر عبد الباقي
حسبنا الله ونعم الوكيل
تسلم اخر لمرورك

[*فجر الاسلام*]

دمعه حائره
تسلمى منه نورتينى غاليتى

[واد حبيب]

ربنا يرحمهم جميعا
وينتقم من الارهاب اللعين